អ្នកណាមិនព្រឺក្បាលខ្ញាក បើមានមន្ទីពេទ្យព្យាបាលតុក្កតាជ័របែបនេះ

2020-07-10 02:25:00
ចំនួនមតិ 0 | ចំនួនចែករំលែក 0

ទោះបីជាមន្ទីពេទ្យនេះ គឺបម្រើដល់ភាពរីករាយរបស់កុមារមែនពិត តែអ្នកដែលដើរចូលទីនេះ ទាល់តែមានព្រលឹងធំ ដ្បិតអ្នកល្មមៗ អាចគាំងបេះដូងបាន។

សម្រាប់កុមារីជាច្រើន កូនក្រមុំជ័រ គឺជាផ្នែកមួយនៃយុវភាពដែលមិនអាចខ្វះបាន។ ពួកគេអាចលេងនឹងរបស់លេងនេះ ពេញមួយថ្ងៃក៏មិនធុញ។ យ៉ាងណាក្ដី តាមពេលវេលា របស់លេងមួយនេះ នឹងខូចខាត ដែលធ្វើឲ្យដាច់ដៃ កំបុតក្បាលជាដើម។ ដោយសារឃើញបែបនេះ មន្ទីពេទ្យជួសជុលកូនក្រមុំជ័របានបង្កើតឡើង ដើម្បីមើលថែរបស់លេងដែលខូចទាំងនេះ។

វេជ្ជបណ្ឌិតចម្បងនៃមន្ទីពេទ្យគឺលោក Geoff Chapman និងអ្នកស្នងតំណែងជំនាន់ទី៣នៅទីនេះ។ តាមនោះដែរ មន្ទីរពេទ្យនេះចាប់ផ្ដើមជួសជុលតុក្កតាពីឆ្នាំ ១៩១៣ ហើយមកដល់ពេលនេះគឺជួសជុលបាន ៣លានតុក្កតាហើយ។ បច្ចុប្បន្នមានអ្នកធ្វើការនៅទីនេះចំនួន ១២នាក់ ដោយកាន់ផ្នែកខុសៗគ្នាដូចជា គ្រាប់ភ្នែក ឆ្អឹង សក់ក្បាលជាដើម។

ទោះបីជានេះជាកន្លែងជួសជុលរបស់លេងកូនក្មេងក៏ដោយ តែពេទ្យនេះ អ្នកណាដើរចូលក៏ព្រឺខ្នងដែរ ដ្បិតក្រៅពីចាស់ និងសុទ្ធតែសពតុក្កតាចាស់ៗនោះ គេជឿថាតុក្កតានៅទីនេះ សុទ្ធតែមានវិញ្ញាណ ធ្វើឲ្យគេគ្រាន់តែគិត ក៏ព្រឺក្បាលខ្ញាក។ អតិថិជនរបស់ពេទ្យនេះ ភាគច្រើនជាមនុស្សចាស់ៗ ដែលមិនទាន់ដាច់ចិត្តពីតុក្កតារបស់ខ្លួនដែលបន្សល់រាប់សិបឆ្នាំមកហើយ៕