Yang Zi ឡើង​គីឡូ​សាហាវ ខុស​គ្នា​ដាច់​នឹង​រូបភាព​ក្រោយ​ពេល​កាត់​ត

  • 2020-05-08 02:55:00
  • ចំនួនមតិ 3 | ចំនួនចែករំលែក 12

ទោះ​បី​ជា​កំពុង​រវល់​ថត​រឿង​ថ្មី​ក៏​ដោយ តែ​តារា​សម្ដែង​ស្រី​ជួរ​មុខ​ចិន Yang Zi នៅតែ​ឡើង​គីឡូ​ស្រឺត​ៗ ធ្វើ​ឲ្យ​រូប​ពិត និង​រូប​ក្រោយ​កាត់​ត​របស់​នាង​ខុស​គ្នា​ដូច​មេឃ​ និង​ដី។

ក្រោយ​រយៈពេល​សម្រាក​ដ៏​វែង​ដោយ​សារ​ជំងឺ​កូវីដ ១៩ នៅ​ទី​បំផុត តារា​សម្ដែង​ស្រីលំដាប់ A ចិន ក៏​បាន​ត្រលប់​មក​ថត​រឿង​វិញ។ កម្រង​រូបភាព​របស់​តួ​រឿង Ash of Love ខណៈ​កំពុង​ថ​ត​រឿង​ថ្មី​ក៏​ត្រូវ​បាន​គេ​បង្ហោះ​យ៉ាងព្រោងព្រាត​លើ​បណ្ដាញ​សង្គម។

តាម​នោះ​ដែរ ស្រី​ស្អាត​វ័យ ២៧​ឆ្នាំ​កំពុង​មាន​វត្តមាន​ថត​ភាពយន្ត​ភាគ​បុរាណ The Golden Hairpin។ យ៉ាងណាក្ដី អ្វី​ដែល​ធ្វើ​ឲ្យ​គេ​ចាប់​អារម្មណ៍នោះ​គឺ រូប​សម្បត្តិ​របស់ Yang Zi ទៅវិញ​ទេ។ មិន​ដឹង​ជា​មក​ពី​មូលហេតុ​អ្វី ខណៈ​អ្នក​ដទៃ​នៅ​ពេល​កំពុង​ថត​រឿង​តែង​មាន​រាង​ស្គម​ជាង​ធម្មតា ដោយ​សារ​ហត់​នោះ តែ​ផ្ទុយ​មកវិញ តារា​កើត​ឆ្នាំ ១៩៩២ បែរ​ជា​ឡើង​គីឡូ​ស្រឺត​ៗ​ទៅ​វិញ។

នៅ​លើ​បណ្ដាញ​សង្គម ទស្សនិកជន​បាន​បង្ហាញ​ពី​អារម្មណ៍​ខ្លួន​ឯង​ថា៖ អាច​មក​ពី​ជ្រុង​ថត​មិន​ស្អាត​ទើប​តារា​ស្រី​នេះ​ត្រូវ​ទៅ​ជា​បែប​នេះ។ គួប​ផ្សំ​នឹង​ថត​​ក្រោម​កម្ដៅ​ទៀត​នោះ ធ្វើ​ឲ្យ​នាង​មួម៉ៅ​មុខ​មិន​ស្រស់។ យ៉ាងណាក្ដី អ្វី​ដែល​ធ្វើ​ឲ្យគេ​ទទួល​ស្គាល់​នោះ​គឺ នាង​ពិត​ជា​ឡើង​ទម្ងន់​មែន។ បើ​ធៀប​នឹង​រូបភាព​ដែល​ផលិតកម្ម​ស្រី​ស្អាត​នេះ​បញ្ចេញ​ខ្លួន​ឯង​នោះ គឺ​ដូច​មនុស្ស​២​ផ្សេង​គ្នា​តែ​ម្ដង៕

អានបន្ត៖ ​ តារា​​កូរ៉េ-ចិន ​ទោះមុខ​ស ក​ខ្មៅ​ តែពេល​ថត​រូប​មាន Flash ចំនួន​តិច​បំផុត​ នៅ​តែ​ស្អាត

ប្រភព៖ Kenh14 ប្រែ​សម្រួល៖ Caramel