ទំនាក់ទំនងស្នេហាចេះតែបែកបាក់អាចមកពីអ្នកមានចរិត ៤ យ៉ាងនេះ
- 2020-05-04 05:40:00
- ចំនួនមតិ 0 | ចំនួនចែករំលែក 0
ទំនាក់ទំនងស្នេហាចេះតែបែកបាក់អាចមកពីអ្នកមានចរិត ៤ យ៉ាងនេះ
ទំនាក់ទំនងស្នេហារវាងមនុស្សពីរនាក់ពេលខ្លះមិនងាយរក្សាឲ្យបានគង់វង្សយូរអង្វែងនោះទេ ហើយមានពេលខ្លះមនុស្សពីរនាក់អាចនឹងស្រឡាញ់គ្នាក៏ព្រោះតែពួកគេមានលក្ខណៈដូចគ្នា។ ចុះប្រសិនបើពេលខ្លះស្នេហារបស់អ្នកឆាប់បែកបាក់ប្រេះផ្សាមិនចេះចប់មិនចេះហើយនោះ តើអាចមកពីកត្តាអ្វីខ្លះ? ដូច្នោះ អ្នកគួរស្វែងយល់នូវ ៤ ចំណុចនេះថាតើអ្នកគួររក្សាចំណងស្នេហ៍របស់អ្នកបានប៉ុនណា?
១. ចូលចិត្តការគិតរឿងបែកគ្នា
រាល់ទំនាក់ទំនងរវាងមនុស្សពីរនាក់តែងតែធ្លាប់ប្រព្រឹត្តកំហុសណាមួយដោយអចេតនា។ ពេលខ្លះវាជារឿងសាមញ្ញៗទេ ប៉ុន្តែនៅពេលអ្នកយកវាមកដាក់ខ្លួនជារឿយៗពេក វានឹងនំាការគិតបែបអវិជ្ជមានៅកាន់ដៃគូររបស់អ្នក។ នោះហើយជាមូលហេតុដែលនំាឲ្យអ្នកគិតតែពីរឿងចែកផ្លូវគ្នា។
២. ចូលចិត្តត្អូញត្អែរច្រើនជាងនិយាយពាក្យថា «ស្រឡាញ់»
ក្រៅពីចូលចិត្តគិតរឿងបែកគ្នាហើយ រឿងដែលអ្នកមិនគួរធ្វើច្រើនជុ្រលពេកនោះគឺការនិយាយត្អូញត្អែរពីនេះពីនោះ។ នរណាៗក៏ជួបបញ្ហា ការមិនយល់ចិត្តគ្នា ពិសេសគឺរឿងមិនល្អចំពោះដៃគូរដែលខ្លួនកំពុងទាក់ទងនឹងតែម្តង។ ប្រសិនបើអ្នកចេះតែត្អូញត្អែរដាក់គេពីនេះពីនោះរហូតគ្មានទីបញ្ចប់នោះ គេនឹងចាប់ផ្តើមអស់ចិត្តពីអ្នកម្តងបន្តិចៗដូចគ្នា។
៣. ពូកែឃុំគ្រងត្រួតត្រាគេគ្រប់រឿង
ក្រៅពីការបង្កើតកំហុសនិងមានភាពរកំារកូសចំពោះគ្នាទៅវិញទៅមក អ្នកប្រហែលជាមិនដឹងទេថាដៃគូរទំាងពីរមានអាចចេះគ្រប់គ្រងដៃគូររបស់ខ្លួនបាន។ តែពាក្យថាគ្រប់គ្រងនេះមិនមែនឲ្យអ្នកមកត្រួតត្រាគ្រប់រឿងនោះទេ ទោះបីជាសង្សារនឹងគ្នាក៏ដោយ តែមិនប្រាកដថាអ្នកទាំងពីរត្រូវតែដឹងរឿងរបស់គេទំាងអស់ដែរ ព្រោះពេលខ្លះគេក៏ត្រូវការពេលវេលាផ្ទាល់ខ្លួនដែរ។
៤. ចូលចិត្តប្រើពាក្យ «ភ្លេច»
នៅពេលមានរឿងអ្វីមួយ ដៃគូរម្ខាងទៀតចូលចិត្តប្រើថាពាក្យ «បំភ្លេចចោលទៅ» ពេលខ្លះវាមិនន័យផ្សេងទៀតគឺ លក្ខណៈចៀសវាងអ្វីមួយ។ ឧទាហរណ៍ថា ពេលអ្នកជួបប្រទះបញ្ហាអ្វីមួយ អ្នកមិនបានផ្តល់ជាដំណោះស្រាយសម្រាប់បញ្ហានោះទេ តែបែរជាចូលចិត្តប្រើថាពាក្យភ្លេចនោះឯង។ ដូច្នោះហើយ ទំនាក់ទំនងស្នេហារបស់អ្នកទំាងពីរនឹងងាយប្រេះឆាខ្លំាងណាស់ប្រសិនបើអ្នកមានចរិតលក្ខណៈអស់ទំាងនេះ៕
រូបភាព៖ Pinterest
ចុចអានបន្ត៖
ធ្លាប់ក្លាយជាមនុស្សខ្វាក់ភ្នែកក្នុងរឿងស្នេហាទេ?