ធ្លាប់ក្លាយជាមនុស្សខ្វាក់ភ្នែកក្នុងរឿងស្នេហាទេ?
- 2020-05-04 02:30:00
- ចំនួនមតិ 0 | ចំនួនចែករំលែក 0
ធ្លាប់ក្លាយជាមនុស្សខ្វាក់ភ្នែកក្នុងរឿងស្នេហាទេ?
ទោះបីដឹងហើយថាស្នេហាគឺជាការលះបង់ និងការផ្ដល់ឲ្យគេទាំងដែលមិនបានទទួលបានអ្វីមកវិញសោះ តើអ្នកមានដែលឆ្ងល់ទេថាតើមានក្ដីស្រលាញ់ ការខ្វល់ខ្វាយច្រើនប៉ុណ្ណាដែលអ្នកបានផ្ដល់ឲ្យគេ? តែអ្នកចុងក្រោយដែលឈឺចាប់តែម្នាក់ឯងគឺជាខ្លួនឯង។ វិធីក្នុងការរក្សាចំណងស្នេហ៍ឲ្យបានយូរមិនមែនឋិតលើថាតើអ្នកស្រលាញ់គេខ្លាំងប៉ុណ្ណានោះទេ ប៉ុន្តែវាឋិតត្រង់ថាតើអ្នកស្រលាញ់មនុស្សត្រឹមត្រូវឬអត់។
**១. អ្នកដាក់ទុនច្រើនពេកហើយក្នុងទំនាក់ទំនងមួយនេះ**
អ្នកចំណាយកម្លាំងនិងពេលច្រើនពេកដើម្បីផ្គាប់ចិត្តមនុស្សដែលអ្នកស្រលាញ់ ទាំងដែលគេមិនខ្វល់ពីអ្នក ទាំងដែលគេជាមនុស្សគ្មានបេះដូង។ អ្នករំពឹងខ្លាំងពេកក្នុងទំនាក់ទំនងមួយនេះ អ្នករំពឹងថានឹងទទួលបានការបញ្ចប់ដោយរីករាយ។ អ្នកមិនខុសទេពីព្រោះដោយសារតែនៅពេលអ្នកស្រលាញ់នរណាម្នាក់ដែលមិនដែលស្រមៃ មិនដែលគិតថាតបស្នងក្ដីស្រលាញ់ឲ្យអ្នកវិញ នោះបញ្ជាក់ថាអ្នកកំពុងស្រលាញ់គេខុសរបៀបហើយ។
២. ភ្លេចគិតពីជីវិតខ្លួនឯង
នេះជាកំហុសដែលមនុស្សស្ទើរតែគ្រប់រូបបានធ្វើ។ អស់រយៈពេលយូរប៉ុណ្ណាហើយដែលអ្នកបាត់បង់ការចាប់អារម្មណ៍ចំពោះខ្លួនឯង មិនខ្វល់ពីខ្លួនឯងដោយសារតែរវល់មើលថែអ្នកដទៃ។ ជីវិតរបស់អ្នកហាក់ដូចជាត្រូវបានបង្រួមឲ្យខ្លី អ្វីៗកើតឡើងក្នុងជីវិតរបស់អ្នកក៏ដោយសារតែ បុរសម្នាក់ ឬនារីម្នាក់នោះ។ នៅថ្ងៃខួបកំណើតរបស់អ្នក អ្នករៀបចំគម្រោងណាត់ជួបមនុស្សដែលអ្នកស្រលាញ់ ថ្ងៃឈប់សម្រាកក៏អ្នកយកពេលនៅជាមួយគេ។ អ្នកគួរតែចាំថាក្នុងឱកាសពិសេសផ្សេងៗអ្នកគួរតែចំណាយពេលជាមួយគ្រួសារឬមិត្តភក្តិឲ្យបានច្រើន។ ត្រូវចាំថាអ្នកត្រូវតែមានជីវិតឯករាជ្យជារបស់ខ្លួនឯងមួយ ត្រូវមានពេលសម្រាប់ខ្លួនឯង កុំឲ្យអ្នកដទៃមកក្ដោបក្ដាប់វាបានអី។
៣. អ្នកផ្លាស់ប្ដូរខ្លួនឯងគ្រាន់តែចង់ឲ្យអ្នកដទៃសប្បាយចិត្ត
អ្នកបាត់បង់ភាពជាខ្លួនឯង បោះចោលធាតុពិតខ្លួនឯងគ្រាន់តែមនុស្សម្នាក់មិនចូលចិត្តវា។ រំសាយចោលការណាត់ជួប ដោយសារតែនាងឬគាត់ប្រច័ណ្ឌ ឬអាចធ្វើបានសូម្បីតែបោះបង់ចោលក្ដីស្រមៃរបស់ខ្លួនឯង ហើយផ្លាស់ប្ដូរគម្រោងពេលអនាគតខ្លួនឯង ដោយសារតែអ្នកមិនហ៊ានចាកចេញពីគេ។
តើអ្នកមានដែលមានអារម្មណ៍ថាហត់ដោយសារតែអ្នកត្រូវសម្ដែងគ្រប់ពេល ស្មុគស្មាញហើយតែងតែខ្លាចថាមិនអាចផ្គាប់ចិត្តមនុស្សដែលអ្នកស្រលាញ់បានទេ? អ្នកគួរតែដឹងថាស្នេហាគឺជាការស្វែងរកការយល់ចិត្តហើយនិងភាពយោគយល់ពីដៃគូ ស្វែងរកអ្នកគាំទ្រនិងផ្ដល់ថាមពលឲ្យអ្នក។ កុំបន្ទោសអ្នកដទៃដែលមិនយល់ពីអ្នក តែអ្នកគួរតែបន្ទោសខ្លួនឯងដែលមិនជំរុញខ្លួនឯងឲ្យរស់ក្នុងភាពពិតរបស់ខ្លួនឯង៕
ចុចអាន៖
ប្រុសៗគ្រាន់តែចូលចិត្តធ្វើរឿង៧យ៉ាងនេះ មិនមានន័យថា គេមិនស្រលាញ់យើងទេ
ត្រូវខូចចិត្ត ឬអបអរ? ខ្ញុំបានបាត់បង់ព្រាននារីម្នាក់ចេញពីជីវិតរបស់ខ្ញុំ