ម៉ារីម៉ា ធ្លាយរូបដក់ភ្នែកធំ មុខស្លេកស្លាំង ពេលអត់ផាត់មុខសោះ

2020-03-16 04:10:00
ចំនួនមតិ 0 | ចំនួនចែករំលែក 0

គេកម្រឃើញកំពូលតារាសម្ដែងស្រីហ្វីលីពីន Marian Rivera ទុកមុខធម្មជាតិបង្ហាញខ្លួនណាស់។ នៅពេលគ្មានជំនួយពីក្រែមម្សៅ អ្នកម្ដាយកូន២ មានទឹកមុខស្លេក និងដក់ភ្នែកធំ។

អាចនិយាយបានថា ក្នុងចំណោមគូស្នេហ៍តារាសិល្បៈហ្វីលីពីនទាំងអស់ គ្រួសាររបស់កំពូលតារាសម្ដែង Marian Rivera និង Dingdong Dantes គឺជាប្ដីប្រពន្ធដែលមានឥទ្ធិពលជាងគេបង្អស់។ ក្រោយពេលសម្រាលបុត្របាន២នាក់រួច អ្នកទាំង២រឹតតែទទួលបានក្ដីស្រលាញ់លើសដើម។

កាលពីពេលថ្មីៗនេះ គ្រួសារ៤សមាជិករូបនេះ បានដើរលេងលំហែកាយនៅឆ្នេរសមុទ្រ Bohol។ វីដេអូរបស់គ្រួសារនេះដើរលេងទទួលបានការចាប់អារម្មណ៍ជាខ្លាំង ដោយកូនរបស់អ្នកទាំង២ត្រូវបានគេសរើសើរថាកាន់តែគួរឲ្យស្រលាញ់ជាងមុន។ យ៉ាងណាក្ដី សម្រស់របស់តួរឿងម៉ារីម៉ាបានធ្វើឲ្យគេភ្ញាក់ផ្អើលជាខ្លាំង។

តាមនោះដែរ ខុសប្លែកពីសព្វមួយដង នៅលើកនេះ ស្រីស្អាតវ័យ ៣៥ឆ្នាំ ទុកមុខហ្សីន១០០% ដែលធ្វើឲ្យគេមើលឃើញដក់ភ្នែកធំរបស់នាងយ៉ាងច្បាស់ ព្រមទាំងស្បែកមុខស្លេកស្លាំងផងដែរ។ ទស្សនិកជនបានលាន់មាត់ថា វ័យចំណាស់ចាប់ផ្ដើមវាយលុកអ្នកម្ដាយកូន២ហើយ។ ប៉ុន្តែបើប្រៀបនឹងអ្នកអាយុ ៣៥ដទៃទៀត នាងនៅតែមើលទៅស្រស់ថ្លា៕