ស្រ្តីទើបសម្រាលកូនរួចអត់ងងុយព្រោះរវល់មើលកូន គូរអនុវត្តគន្លឹះទាំងនេះ
- 2020-02-07 08:15:00
- ចំនួនមតិ 0 | ចំនួនចែករំលែក 0
ស្រ្តីទើបសម្រាលកូនរួចអត់ងងុយព្រោះរវល់មើលកូន គូរអនុវត្តគន្លឹះទាំងនេះ
ក្រោយសម្រាលកូនរួច បញ្ហាដែលជួបប្រទះញឹកញាប់របស់អ្នកម្ដាយគឺ អស់កម្លាំងព្រោះត្រូវងើបមើលទារក។ បើពេលណាទារកយំពេលយប់ទៀត កាន់តែអត់ងងុយខ្លាំងតែម្ដង។ ថ្ងៃនេះ កញ្ញា សូមបង្ហាញគន្លឹះសម្រាប់អ្នកម្ដាយអាចមានពេលសម្រាកខ្លះ អំឡុងពេលនេះ។
**១. ប្រាប់ស្វាមីឲ្យជួយការងារផ្ទះ**
មើលកូនផង ធ្វើការងារផ្ទះផងមិនមែនជារឿងងាយស្រួលទេ ពិសេសអ្នកម្ដាយសរសៃខ្ចីទៀត។ ដូច្នេះអ្នកត្រូវបែងចែកការងារផ្ទះ ដោយប្រាប់ឲ្យស្វាមីជួយខ្លះ កុំឲ្យអ្នកហត់នឿយខ្លាំងពេក។
២. បង្រៀនកូនង៉ែតឲ្យគេងលក់
ទារកដែលកាច ភាគច្រើនមិនសូវគេងទេច្រើនតែយំច្រើនវិញ ប៉ុន្តែពេលចូលដល់សប្ដាហ៍ទី៦-៨ អ្នកម្ដាយអាចដឹងពីរបៀបគេងរបស់ទារកបាន ដោយឲ្យគេគេងពេលយប់ឲ្យបានឆ្អែត ដូច្នេះអ្នកម្ដាយអាចសម្រាកបានគ្រប់គ្រាន់នៅពេលយប់។
៣. រកមនុស្សដែលទុកចិត្តម្នាក់ឲ្យជួយ
អ្នកអាចរកមនុស្សមើលថែទារក ប្រសិនបើអ្នករវល់ហើយអស់កម្លាំងខ្លាំង។ រកអ្នកណាម្នាក់ដែលស្រលាញ់ក្មេង និងមានបទពិសោធន៍ល្អមើលថែទាំទារកដើម្បីកុំឲ្យមានបញ្ហា ឬការសោកស្ដាយនៅពេលក្រោយ។ វិធីមួយទៀត អ្នកអាចពឹងឪពុកម្ដាយឲ្យជួយមើលក៏បានដែរ។
៤. ព្យាយាមរកពេលសម្រាកសម្រាប់ខ្លួនឯង
បើអ្នកម្ដាយគេងបានតិច ការប្រឈមកើតស្រ្តេសនឹងកើនឡើង ម្ល៉ោះហើយការអស់កម្លាំងក៏កើតមានដែរ។ អ្នកម្ដាយទាំងអស់គួរលៃលកពេលវេលាសម្រាកឲ្យបានសមស្របសម្រាប់ខ្លួនឯង។ ដូចនេះ អ្នកនឹងមានថាមពល ហើយមានកម្លាំងពលាំ មិនទាស់នោះទេ៕
ចុចអាន៖ រឿងដែលម្តាយឪពូកគួរដឹង ចៀសវាងបង្ខំកូនឲ្យស្របតាមខ្លួនគ្រប់ពេល