តោះ! មកស្គាល់នូវអាហារ ៥មុខ ដែលជួយឱ្យឆាប់រំលាយអាហារ រក្សារាងស្អាត

2019-12-24 09:30:00
ចំនួនមតិ 0 | ចំនួនចែករំលែក 0

រាងស្អាត អ្នកណាក៏ប្រាថ្នាចង់បានដែរ តែបើមានតែការប៉ងប្រាថ្នាហើយមិនមានការអនុវត្តនោះ វាក៏មិនងាយបានសម្រេចនោះដែរ។ ជំហានដំបូង មុននឹងឈានដល់ការសម្រកទម្ងន់ ឬ ការរក្សារាងបានល្អ នោះអ្នកត្រូវមានរបបអាហារមួយត្រឹមត្រូវ និងជាពិសេសអាចជួយដល់ការរំលាយអាហារទើបធ្វើឱ្យវាមានប្រសិទ្ធភាពពិតប្រាកដ។ ការទទួលទាននូវរបបអាហារដែលត្រឹមត្រូវ គឺអាចជួយឱ្យរាងកាយរបស់អ្នកមិនងាយឡើងទម្ងន់ និង ថែមទាំងអាចសម្រកទម្ងន់បានទៀតផង។ របបអាហារត្រឹមត្រូវទាំងនោះអាចរួមមាន៖

១. បន្លែពណ៌បៃតង

រូបតំណាង

ពពួកបន្លែបៃតងគឺមានផ្ទុកជាតិដែកច្រើន ហើយវាមានតួនាទីជួយពន្លឿនល្បឿននៃការរំលាយអាហាររបស់រាងកាយ។ មិនថែមតែប៉ុណ្ណោះ វាជួយសម្រួលបញ្ហាទល់លាមក និង ជួយឱ្យរាងកាយរក្សាទម្ងន់បានយ៉ាងល្អ។

២. ពងមាន់

រូបតំណាង

ពងមាន់គឺពោរពេញទៅដោយជាតិប្រូតេអ៊ីន ដែលប្រតេអ៊ីននេះហើយជួយជម្រុញល្បឿននៃការរំលាយអាហាររបស់អ្នក ជាពិសេសគឺពងមាន់ស្ងោរ។ ការបរិភោគនូវពងមាន់ស្ងោរ១ថ្ងៃ ២គ្រាប់ ជួយផ្តល់នូវថាមពល ជួយជំនួយដល់ខួរក្បាល និង ការចងចាំ ព្រមទាំងជួយការពារអ្នកពីជំងឺវង្វេងវង្វាន់ទៀតផង។

៣. ផ្កាខាត់ណាខៀវ (Broccoli)

រូបតំណាង

ផ្កាខាត់ណាខៀវត្រូវបានមនុស្សទូទៅទទួលស្គាល់ពីអត្ថប្រយោជន៍របស់វា។ វាជួយកាត់បន្ថយនូវជាតិខ្លាញ់ក្នុងឈាម និង ជួយសម្រួលដល់ការបន្ទោរបង់ព្រោះសម្បូរទៅដោយជាតិកាកសរសៃ។

៤. ខ្ញី

រូបតំណាង

មើមខ្ញីក៏មានអត្ថប្រយោជន៏ដល់ការរំលាយអាហារ និង ជួយកាត់បន្ថយការឃ្លានបានរយៈពេលយូរ ។ ដូច្នេះ សម្រាប់អ្នកដែលមានបំណងចង់រក្សារាង ឬ សម្រកទម្ងន់ អាចបរិភោគខ្ញីជាភេសជ្ជៈ ឬ ក្នុងម្ហូបអាហារ។

៥. តែបៃតង

រូបតំណាង

គេតែងផឹកតែបៃតងកំឡុងពេលហាត់ប្រាណ ព្រោះវាជួយជម្រុញការដុតរំលាយជាតិខ្លាញ់បានយ៉ាងល្អ។ បន្ថែមពីនេះ វាក៏ជួយតាមដាននូវជាតិខ្លាញ់ក្នុងសរសៃឈាម និង ក្បាលពោះផងដែរ ដែលមានសារៈសំខាន់សម្រាប់អ្នកដែលចង់សម្រកទម្ងន់ជាដើម។

ក្រៅពីអាហារដែលបានរៀបរាប់ខាងលើ អ្នកក៏អាចជម្រុញការរំលាយអាហារតាមរយៈការពិសារទឹកឱ្យបានច្រើន ជាពិសេស គួរផឹកទឹកឱ្យបាន២កែវ មុនចូលគេង។ ពេលអ្នកអាចផ្លាស់ប្តូររបបអាហាររបស់អ្នកបាន រាងកាយរបស់អ្នកនឹងទម្លាប់នឹងរបបអាហារថ្មីនោះសន្សឹមៗដូចគ្នា ហើយបម្រែសម្រួលនៃរាងកាយប្រាកដជាកើតមានឡើង៕

អានបន្ត៖ មិនត្រឹមតែមានរសជាតិផ្អែមឆ្ងាញ់ ដំឡូងពណ៌ស្វាយមានអត្ថប្រយោជន៍ចំពោះសុខភាពដល់ម្ល៉ឹង?

ប្រភព៖ Sanook ប្រែសម្រួល៖ Siyou Tang