មិនចង់មានបញ្ហា អ្នកម្តាយត្រូវដឹងពីវិធីនៃការកាន់ឬពរកូនតូចឲ្យត្រឹមត្រូវ

2019-11-25 02:30:00
ចំនួនមតិ 0 | ចំនួនចែករំលែក 0

ការសមើលថែទារកឬកុមារតូចៗវាពិតជាមិនមែនរឿងងាយស្រួលសម្រាប់អ្នកម្តាយឡើយ។ ការពរឬកាន់កុមារដោយមិនដឹងពីរបៀបច្បាស់លាស់ អាចនាំឲ្យមានបញ្ហាឬគ្រោះថ្នាក់ផ្សេងៗកើតឡើងលើកុមារផ្ទាល់តែម្តង។ ការពឬកាន់ទារកមិនបានត្រឹមត្រូវរួមមាន៖

១. ការពរទារកក្រោមក្លៀក

នៅពេលអ្នកពទារក សូមយកដៃទ្រក្បាលរបស់គេ ព្រោះថាទារកទើបកើតពុំទាន់មានសាច់ដុំកសម្រាប់ធ្វើចលនាឡើយ។ បើអ្នកពគេនៅក្រោមក្លៀក វាអាចធ្វើឲ្យពិបាកដកដង្ហើមឬក៏មានរបួសជាដើម ជាធម្មតាពួកគេអាចទ្រាំទ្រក្បាលដោយខ្លួនឯងនៅអាយុប្រហែល៤ទៅ៦ខែ។

២. ដាក់ទារកនៅក្នុងកាបូបព្យួរពីមុខ

អ្នកអាចប្រើកាបូបសម្រាប់ដាក់ទារកបាន តែក៏គួរតែដឹងពីរបៀបប្រើប្រាស់ឲ្យបានត្រឹមត្រូវដែរ។ វាពិតជាសំខាន់ណាស់នៅពេលទារកបានទ្រយ៉ាងមាំជាមួយនឹងកាបូប គឺវាប្រៀបដូចជាអ្នកម្តាយពទារកដែរអញ្ចឹង។ បើដាក់គេពុំត្រឹមត្រូវអាចនាំមានការប្រែប្រួលត្រគាកខុសធម្មតា។

៣. ការដាក់ទារកនៅលើស្មា

បើអ្នកពទារកទល់មុខមកលើស្មាចូរអ្នកមានការប្រុងប្រយ័ត្នចំពោះមុខរបស់គេ។ មុខរបស់គេគួរតែនៅលើស្មារបស់អ្នក ចៀសវាងការពិបាកដកដង្ហើមព្រោះមុខគេផ្អឹបនឹងខ្លួនអ្នក។

៤ មិនព្រមផ្លាស់ប្តូរការពរទៅម្ខាងទៀត

វាមានសារសំខាន់ណាស់សម្រាប់ការពក្មេងៗ ពីព្រោះថាដូចការលើកឡើងមុខនេះអញ្ចឹងករបស់គេពុំទាន់មានភាពរឹងមាំនៅឡើយ។ ដូច្នេះមានន័យថាវាពិតជាសំខាន់ណាស់ដែលសាច់ដុំត្រូវការអភិវឌ្ឃទាំងសងខាង។

៥។ មិនទ្រខ្នងរបស់ទារក

អ្នកមិនគួរកាន់ទារកដោយទ្រគូទនិងក្បាលរបស់គេឡើយ។ ទីមួយមានហានិភ័យដែលកុមារអាចនឹងធ្លាក់ចុះ ហើយទីពីរឆ្អឹងខ្នងត្រូវបានផ្ទុកលើសទម្ងន់ដោយសារតែខ្វះកាទ្រផ្នែកខាងក្រោយត្រឹមត្រូវ។ ដូច្នេះចាំបាច់ត្រូវទ្រខ្នងរបស់ក្មេងដោយដៃម្ខាងនិងក្បាលរបស់ពួកគេជាមួយដៃម្ខាងទៀត។

៦. ពរទារកបែរមុខមកមុខ

វាមិនបានផ្តល់ផលល្អអីទេ បើអ្នកពទារកបែរមុខចេញពីអ្នកនោះ លើសពីនេះវាអាចនាំឲ្យអ្នកមានការពិបាកមើលខុសត្រូវគេ។ វាបង្កើតសម្ពាធលើឆ្អឹងខ្នងនិងមានអាការសំយ៉ុងជើងទៀតផង។ ហេតុនេះហើយ ចូរអ្នកពទារកមកបែរមុខមកអ្នកដើម្បីចៀសវាងបញ្ហាឆ្អឹងខ្នងនិងការសំយ៉ុងជើង។