កំពុងសម្រកទម្ងន់កូរពោះខ្លាំងទ្រាំមិនបានពេលយប់ សាកផ្លែឈើ៥មុខនេះផ្ទុកកាឡូរីទាបមិនធាត់

2019-07-29 10:10:00
ចំនួនមតិ 0 | ចំនួនចែករំលែក 0

ផ្លែឈើខ្លះ មិនអាចទទួលទានពេលយប់បានទេព្រោះអាចរាគ ទៅជាឈឺបាន។ ប៉ុន្តែសម្រាប់ផ្លែឈើ៥មុខនេះ អាចឲ្យអ្នកបរិភោគពេលយប់យ៉ាងឆ្ងាញ់ពិសា មានកាឡូរីទាប មិនធ្វើឲ្យធាត់។ ចំពោះនារីៗដែលកំពុងស្ថិតក្នុងដំណាក់ការសម្រកទម្ងន់ ហើយយប់ឡើងឃ្លានពេកទប់ចិត្តមិនបាន ចង់រកអ្វីញ៉ាំដើម្បីបំពេញក្រពះ កញ្ញា សូមណែនាំមកញ៉ាំផ្លែឈើ៥មុខនេះ ដោយអ្នកអាចរក្សាវាបានក្នុងទូទឹកកក ពេលណាឃ្លាន មានតែម្ដង។

១. ផ្លែល្ហុង

ផ្លែនេះមានកម្រិតកាឡូរីទាបបំផុត ចំណែកគុណប្រយោជន៍វិញច្រើនលើសសប់។ ក្នុង១០០ក្រាមរបស់ល្ហុងមានត្រឹម២៦កាឡូរីប៉ុណ្ណោះ។ បើអ្នកបរិភោគជាប្រចាំនឹងជួយសម្រួលដល់ប្រព័ន្ធភាពស៊ាំ ជួយប្រព័ន្ធរំលាយអាហារឲ្យប្រតិបត្តិការបានល្អ។

២. ឪឡឹក

កុំភ្លេចទុកផ្លែឪឡឹកក្នុងទូទឹកកកឲ្យត្រជាក់ទុកញ៉ាំណានារីៗ ព្រោះវាមានត្រឹមតែ៣០កាឡូរីប៉ុណ្ណោះចំពោះឪឡឹក១០០ក្រាម។ ក្រៅពីនេះ សម្រាប់អ្នកចង់បន្ថែមជាតិទឹកដល់ស្បែក ដោយសារស្បែកស្ងួតពេក គួរញ៉ាំផ្លែនេះឲ្យបានច្រើន ហើយវាក៏ជួយជួសជុលស្បែកដែលខូចឲ្យមកស្រស់ថ្លាវិញផងដែរ។

៣. ស្ត្របឺរី

សុភាពនារីទាំងអស់នឹងទទួលបានគុណប្រយោជន៍យ៉ាងច្រើន បើសិនញ៉ាំផ្លៃស្រ្តបឺរី ព្រោះវាផ្ទុកវីតាមីន C ធ្វើស្បែកប្រែពីខ្មៅស្រអាប់មកជាភ្លឺថ្លាពីខាងក្នុងតែម្ដង។ ទន្ទឹមនឹងនេះ ជួសជុលកោសិកាស្បែកដែលខូច និងជួយឲ្យអ្នកមិនសូវផ្តាសាយថែមទៀត។ ក្នុងផ្លែស្រ្តបឺរី១០០ក្រាម មានកាឡូរីត្រឹម៣៣ប៉ុណ្ណោះ។

៤. ផ្លែប៉ោម

ក្នុង១០០ក្រាមរបស់ផ្លែប៉ោម ផ្ទុកត្រឹម៤៩កាឡូរី ដែលស័ក្ដិសមសម្រាប់នារីចង់សម្រកទម្ងន់។ ញ៉ាំកាន់តែច្រើន អ្នកនឹងមានអារម្មណ៍ឆាប់ឆ្អែតហើយមិនងាយឡើងគីឡូ ព្រមទាំងមាន Fiber ខ្ពស់ ល្អបំផុតសម្រាប់ប្រព័ន្ធរំលាយអាហារ។ មួយទៀត ក៏ជួយការពារប្រឆាំងជំងឺបេះដូង និងទឹកនោមផ្អែមយ៉ាងល្អប្រសើរ។

៥. ផ្លែត្រសក់ស្រូវផ្អែម (Cantaloupe )

ឃើញផ្លែនេះមានរសជាតិផ្អែមបែបនេះ តាមពិតវាមិនធ្វើឲ្យអ្នកញ៉ាំទៅធាត់នោះទេ។ ក្នុង១០០ក្រាម មានត្រឹម ៣៤កាឡូរីប៉ុណ្ណោះ។ បរិភោគផ្លែត្រសក់ស្រូវផ្អែមជួយឲ្យស្បែកមានសំណើម ព្រោះវាផ្ទុកជាតិទឹកដល់ទៅ៩០%។ ម្យ៉ាងទៀត ក៏ជួយពន្លឿនខូឡាជែនក្នុងស្បែកឲ្យមើលទៅភ្លឺថ្លា នៅតែក្មេងជាងវ័យទៀតផង។

ដឹងពីអត្ថប្រយោជន៍របស់ផ្លែឈើទាំងនេះហើយ មិត្តៗនារីកុំភ្លេចទិញផ្លែឈើ ៥ប្រភេទខាងលើទុកក្នុងទូទឹកកក។ ពេលណាឃ្លានពេលយប់អាចទទួលបាន មិនធាត់ ដែលល្អសម្រាប់អ្នកកំពុងសម្រកទម្ងន់។ បានទាំងសម្រស់ហើយ បានទាំងរាងស្អាតទៀត ចាំអង្កាល់!

ចុចអាន៖ មិនបាច់ទិញខូឡាជែនតាមOnline ទៀតទេ ញ៉ាំតែអាហារទាំងនេះសំបូរខូឡាជែនលើសលប់

ប្រភព៖ Sanook ប្រែសម្រួល៖ លឹម សុនា