ការសិក្សា៖ អ្នក Single ចាយលុយអស់ច្រើនជាងអ្នកមានគូទៅទៀត

2019-07-23 09:40:00
ចំនួនមតិ 0 | ចំនួនចែករំលែក 0

ការសិក្សានៅអង់គ្លេសលើមនុស្សអាយុចន្លោះពី ១៨-៣០ឆ្នាំ ចំនួន ២ ១២៥នាក់ របស់វេបសាយ Voucher Codes Pro កាលពីឆ្នាំកន្លងទៅបានបញ្ជាក់ថា អ្នកឆ្លើយកម្រងសំណួរជាងពាក់កណ្ដាលជាមនុស្សនៅលីវ ចាយលុយក្នុងមួយសប្ដាហ៍ជាមធ្យម ១៥០ផោន ។

ពាក់កណ្ដាលទៀតជាអ្នកមានគូស្នេហ៍ ចាយលុយត្រឹមតែ ៣៩ផោនប៉ុណ្ណោះជាមធ្យមក្នុងពេលមួយសប្ដាហ៍ដូចគ្នា។ ចំនួននេះតិចជាងការចំណាយរបស់អ្នកនៅលីវដល់ទៅ ៤ដង ហើយបើយកការចំណាយរបស់អ្នកមានគូពីរនាក់មកបញ្ចូលគ្នាក៏នៅតែតិចជាងអ្នកនៅលីវដែរ។

អ្នកមានគូច្រើនចំណាយពេលជាមួយគ្នានិយាយទូរស័ព្ទ ឆាតរកគ្នា ឬទៅណាមកណាជាមួយគ្នា។ បើទោះជាមានពេលខ្លះចេញទៅញ៉ាំអាហារខាងក្រៅជាមួយគ្នា ក៏គេនៅអាចជួយចេញគ្នាម្នាក់ពាក់កណ្ដាលដែរ ឬសូម្បីការទៅចូលរួមកម្មវិធីផ្សេងៗក្នុងសង្គម បង់រំលស់ ឬការចំណាយផ្សេងៗក៏មានការជួយចែករំលែកគ្នាដែរ។

ផ្ទុយទៅវិញ ពិភពរបស់អ្នក Single មានពេលយប់យូរជាងពេលថ្ងៃ ហើយបើសិនមានមិត្តភក្តិតិចឬមិត្តរវល់ទៅជាមួយគូគេទៀត។ វិធីបំបាត់ភាពអផ្សុក ភាពឯកាគឺការចេញទៅខាងក្រៅប្រើលុយលើម្ហូបអាហារ ភេសជ្ជៈថ្លៃៗជាដើម។ ការចំណាយរបស់អ្នកនៅលីវសុទ្ធតែត្រូវរ៉ាប់រងតែម្នាក់ឯងទាំងអស់ ដូចនេះហើយបើមិនចេះសន្សំសំចៃទៀត លោកអ្នកនឹងចាយមិនដល់ខែមិនខាន៕