ស្រីៗគួរដឹង! វិធីផាត់ភ្នែកដោយប្រើពណ៌ត្នោតដើម្បីបានភ្នែកមានមន្តស្នេហ៍

2019-07-11 06:00:00
ចំនួនមតិ 0 | ចំនួនចែករំលែក 0

និយាយដល់ពាក្យថា ភ្នែកសិចស៊ី មានមន្តស្នេហ៍ គ្នាយើងភាគច្រើនប្រហែលគិតដល់ការប្រើ Eyeliner ពណ៌ខ្មៅ គូសយ៉ាងដិតលើត្របកភ្នែកហើយមែនទេ? ប្រហែលនេះជាការគិតត្រឹមត្រូវ ប៉ុន្តែការប្រើ Eyeliner តែមួយមុខ ហើយត្របកភ្នែកប្រើពណ៌មិនបានត្រឹមត្រូវ ក៏មើលទៅមិនសូវស្អាតដែរ។ ថ្ងៃនេះ កញ្ញាសូមបង្ហាញការផាត់ភ្នែកដោយប្រើពណ៌ត្នោតដើម្បីបានភ្នែកធំស្អាត និងសិចស៊ីតែមិនហួសហេតុ។

វិធីទី១៖ ប្រើពណ៌ត្នោតប្រហែល Matt លាបលើត្របកភ្នែក ហើយប្រើ Eyeliner ពណ៌ត្នោតស្រាល

សម្រាប់នារីៗដែលចូលចិត្តផាត់មុខបែបសុភាពៗ ឬសម្រាប់ការផាត់មុខប្រចាំថ្ងៃដែលមិនសូវក្រាស់ពេក គួរជ្រើសរើសពណ៌ត្នោតស្រាលមកលាបលើត្របកភ្នែក។ បន្ទាប់មកប្រើពណ៌ត្នោតដិតបន្តិចមកលាបចំកណ្ដាលត្របកភ្នែកអូសមកចុងកន្ទុយភ្នែកដើម្បីឃើញពណ៌ដេញពីស្រាលមកដិត។ បន្ថែមលើនេះ គួរប្រើ Eyeliner ពណ៌ត្នោតមកលាប ហើយប្រើម៉ាស្ការ៉ាលាបលើរោមភ្នែកដើម្បីបានភ្នែកធំស្អាត និងទាក់ទាញ។

វិធីទី២៖ ប្រើពណ៌ត្នោតផ្លេកៗ ហើយប្រើ Eyeliner ពណ៌ត្នោត

សម្រាប់អ្នកដែលចង់ឃើញភ្នែកភ្លឺថ្លា កាន់តែមានមន្តស្នេហ៍ កុំភ្លេចជ្រើសយកគូល័រភ្នែកដែលមានពណ៌ភ្លឺផ្លេកៗលាយ។ អ្នកដែលចូលចិត្តផាត់ភ្នែកដោយពណ៌ក្រម៉ៅៗ គួរសាកប្រើពណ៌ត្នោតតែបែកផ្លេកៗតិចលាបលើត្របកភ្នែកឱ្យសព្វ រួចសឹមយក Eyeliner ពណ៌ត្នោតដូចគ្នាមកគូសពីលើឱ្យដិតខាងចុង និងលាបម៉ាស្ការ៉ាថ្នមៗ។ បន្ទាប់មកទៀត កុំភ្លេចប្រើពណ៌សផ្លេកៗបន្តិចលាបនៅត្រង់គល់ភ្នែកដើម្បីជួយឱ្យភ្នែកកាន់តែភ្លឺចែងចាំង និងបន្ថែមភាពទាក់ទាញទៅកាន់អ្នកនៅចំពោះមុខ ហើយនេះជាស្ទីលដែលនារីនិយមប្រើសម្រាប់ការផាត់មុខ។