សរសើរសំណាងពួកគាត់ទៅ តារាស្រី ៨ដួងនេះ បានស្វាមីសុទ្ធ "ឯកឧត្ដម និងឧកញ៉ា" រៀងៗខ្លួន

2019-06-28 09:14:16
ចំនួនមតិ 0 | ចំនួនចែករំលែក 0

តារា និងអតីតតារាស្រីទាំងនេះ អាចចាត់ទុក្ខថា គឺជា តារាស្រី និងអតីត តារាសម្ដែងដែលមានភ័ព្វវាសនាខ្ពស់ ដែលពួកគេកំពុងតែរបស់នៅយ៉ាងមានក្ដីសុខជាមួយនិងគំនរទ្រព្យ ក្នុងមាន៖ លោកជំទាវ ស្រីតូច ចំណាន,លោកជំទាវ លី យ៉ាណា, អ្នកនាង ឱក បុរី ,អ្នកនាង ពេជ្រ ច័ន្ទបូរមី,អ្នកនាង ហ៊ឹម ស៊ីវន និងអ្នកនាង ផាន់ ម៉ូនីកា ជាដើម ។

ទី១/ លោកជំទាវ ស្រីតូច ចំណាន ភរិយា អ្នកឧកញ៉ា គិត ម៉េង

លោកជំទាវ ម៉ៅ ចំណាន ហៅ ស្រីតូច ចំណាន ត្រូវបានគេស្គាល់យ៉ាងច្បាស់ថា គឺជាអតីតពិធីការិនី និងតារាសម្ដែង បច្ចុប្បន្នអតីតតារាស្រីរូបនេះមានងារជាជំទាវកូន៤ ក្រោយរៀបអាពាហ៍ពិពាហ៍ជាមួយសេដ្ឋីស្រុកខ្មែរ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមហ៊ុន Royal Group ។

ទី២/ លោកជំទាវ លី យ៉ាណា ភរិយា អ្នកឧកញ៉ា ហុង ពីវ

លោកជំទាវ លី យ៉ាណា ត្រូវបានមហាជនស្គាល់ថា ជាអតីតតារាបង្ហាញម៉ូដ Khmer Super Model បច្ចុប្បន្នអតីតតារាម៉ូដែលរូបនេះ បានក្លាយជាជំទាវ មានកូនស្រីម្នាក់ កំពុងរស់នៅលើគំនរទ្រព្យស្ដុកស្ដម្ភ ក្រោយក្លាយជាភរិយាឧកញ៉ា ហុង ពីវ អគ្គនាយកក្រុមហ៊ុនបុរីពិភពថ្មី និងជាម្ចាស់គ្រឹះស្ថានហិរញ្ញវត្ថុពិភពថ្មី ព្រមទាំងជាម្ចាស់បុរីពិភពថ្មីផង។

ទី៣/ អ្នកនាង ឱក បុរី ភរិយា ឯកឧត្ដម ស៊ុត តារា

អ្នកនាង ឱក បុរី ភរិយា ត្រូវបានគេស្គាល់យ៉ាងច្បាស់ដូចគ្នា គឺអតីតតារាចម្រៀង បច្ចុប្បន្ន បានក្លាយជាជំទាវ ក្រោយក្លាយជាភរិយារបស់មន្ត្រីជាន់ខ្ពស់ ក្រសួងពាណិជ្ជកម្ម ឯកឧត្ដម ស៊ុត តារា។ អ្នកនាង ឱក បុរី បាន និងកំពុងរស់នៅលើគំនរទ្រព្យស្ដុកស្ដម្ភ ជាមួយចំណងដៃកូនស្រី៣នាក់៕

ទី៤/ ពេជ្រ ច័ន្ទបូរមី ភរិយា ឧត្ដមសេនីយ៍ កែវ វ៉ាន់ថន

អ្នកនាង ពេជ្រ ច័ន្ទបរមី គឺជាអតីតតារាសម្ដែងម្នាក់ បច្ចុប្បន្នបានក្លាយជាជំទាវ ក្រោយក្លាយជាភរិយារបស់ឧត្តមសេនីយ៍ កែវ វ៉ាន់ថន អ្នកនាំពាក្យអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ ហើយបច្ចុប្បន្នអតីតតារាសម្ដែងរូបនេះ ក៏កំពុងរស់នៅលើគំនរទ្រព្យស្ដុកស្ដម្ភ ជាមួយចំណងដៃកូន២នាក់។

ទី៥/ អ្នកនាង ហ៊ឹម ស៊ីវន ភរិយា ឯកឧត្ដម ពៅ ម៉ាលី

អ្នកនាង ហ៊ឹម ស៊ីវន ត្រូវបានមហាជនស្គាល់យ៉ាងច្បាស់ថា គឺជាតារាចម្រៀងល្បីឈ្មោះមួយរូបប្រចាំប្រទេសកម្ពុជា។ តារាចម្រៀងស្រីមានកំណើតមកពីខេត្តព្រៃវែងរូបនេះ ក៏មានងារជាជំទាវដូចគ្នា ក្រោយរៀបការជាមួយឯកឧត្ដម ពៅ ម៉ាលី អគ្គនាយកនៃអគ្គនាយកដ្ឋានក្រសួងសាធារណការ និងដឹកជញ្ជូន ។

ទី៦/ អ្នកនាង ផាន់ ម៉ូនីកា ភរិយា ឯកឧត្ដម គង់ សុខម៉េង

អ្នកនាង ផាន់ ម៉ូនីកា គឺជា អតីតតារាចម្រៀងសាន់ដេ។ អ្នកនាង ក៏ទើបតែក្លាយជាងជំទាវដូចគ្នាបន្ទាប់ពីស្វាមី របស់ខ្លួន គឺ លោក គង់ សុខម៉េង បានឡើងតួនាទីជា ជាជំនួយការផ្ទាល់សម្ដេចក្រឡាហោម ស ខេង ។ បច្ចុប្បន្នអតីតតារាចម្រៀងរូបនេះ មានកូន២នាក់ និងមានមុខជំនួញជាច្រើន ក្នុងនោះហាងស៊ុបកាកាស៊ូគី នៅកោះពេជ្រ ត្រូវបានគេស្គាល់ថា ជារបស់អ្នកនាង។

ទី៧/ អ្នកនាង នៅ សុនិតា ភរិយា ឯកឧត្ដម ទិត្យ ថាវរិទ្ធ

អ្នកនាង នៅ សុនិតា តារាកំពុងពពោះជិតសម្រាល ក៏កំពុងតែមានគេហៅជា ជំទាវដូចគ្នា បន្ទាប់ពីអ្នកនាង មានរៀបការមិនបើកចំហជាមួយ លោក ទិត្យ ថាវរិទ្ធ ដែលថ្មីៗនេះ អ្នកដឹកនាំសិល្បៈប្រចាំនៅស្ថានីយទូរទស្សន៍បាយ័នរូបនេះត្រូវបានតែងតាំងជាអនុរដ្ឋលេខាធិការក្រសួង វប្បធម៌ និងវិចិត្រសិល្បៈ៕

ទី៨/ អ្នកនាង ឈឹម អារីយ៉ា ភរិយា ឯកឧត្ដម រស់ ឧស្សាហ៍

អ្នកនាង ឈឹម អារីយ៉ា ក៏ជាអតីតតារាសម្ដែងដូចគ្នា ហើយបច្ចុប្បន្ន បានក្លាយជាជំទាវក្រោយរៀបការ ជាមួយបុរសពោះម៉ាយកូន២ លោក រស់ ឧស្សាហ៍ មន្ត្រីផ្កាយ២ ដែលត្រៀមឡើងផ្កាយ៣ នៅក្រសួងមហាផ្ទៃ មានតួនាទីជាអគ្គនាយករងស្ថាប័នមួយ របស់ក្រសួងមហាផ្ទៃ៕

អត្ថបទ៖ ទារិកា