កំពូលមហាសេដ្ឋីពិភពលោក៤នាក់មានរូបមិនស្អាត តែបានប្រពន្ធស្រស់ដូចទេពអប្សរ
- 2019-04-29 06:00:00
- ចំនួនមតិ 0 | ចំនួនចែករំលែក 0
កំពូលមហាសេដ្ឋីពិភពលោក៤នាក់មានរូបមិនស្អាត តែបានប្រពន្ធស្រស់ដូចទេពអប្សរ
ពាក្យចាស់ពោលថា អាក្រក់គូនឹងស្អាតពិតជាមិនខុសមែន ត្បិតទោះបីជាមហាសេដ្ឋីទាំង៤រូបខាងក្រោមនេះ មានរូបសម្បត្តិមិនលេចធ្លោក៏ដោយ ប៉ុន្តែភរិយារបស់ពួកគេសុទ្ធតែមានសម្រស់ដែលធ្វើឲ្យនារីផ្សេងទៀត ច្រណែនចង់បាន។
១. Stephen Hung
មហាសេដ្ឋី Stephen Hung គឺជាអ្នកក្ដោបក្ដាប់អចលនទ្រព្យច្រើនបំផុតនៅទីក្រុងហុងកុង។ ចាប់តាំងពីឆ្នាំ២០១៣មក លោកក៏ក្លាយជាអគ្គនាយកនៃសហព័ន្ធ Louis XIII ដូចគ្នា។ ក្រៅពីអាជីពជោគជ័យគួរឲ្យស្ញប់ស្ញែងនោះ បុរសរូបនេះក៏ត្រូវបានគេសរសើរនៅពេលយកបានប្រពន្ធជានារីស្រស់ស្អាត នាង Deborah Valdez ផងដែរ។ អ្នកទាំង២បានជួបគ្នានៅពេលកំពុងលំហែរនៅលើនាវាទេសចរណ៍មួយកាលពីឆ្នាំ២០០៨។
២. Zhang Si Yu
មង្គលការរបស់អគ្គនាយកសហព័ន្ធគ្រឿងបន្លាស់កុំព្យូទ័រ Gao Ming និងតារាម៉ូដែលសិចស៊ី An Qi ធ្លាប់ទទួលបានចំណាប់អារម្មណ៍ជាច្រើនពីមហាជន។ មិនត្រឹមតែខុសគ្នាពីរូបសម្បត្តិនោះទេ ឋានៈក្នុងសង្គមរបស់អ្នកទាំង២ក៏ត្រូវបានគេលើកឡើងនិយាយច្រើនដែរ។ តាមនោះដែរ មនុស្សជាច្រើនបានឲ្យដឹងថា ខាងស្រីយកខាងប្រុសគឺដោយសារលុយទាំងស្រុង។ ឆ្លើយតបវិញ តារាស្រីរូបនេះបានឲ្យដឹងថាខ្លួនឃើញប្ដីពិតជាសង្ហារខ្លាំងណាស់ ធ្វើឲ្យមួយឃ្លានេះ រឹតតែត្រូវគេរិះគន់កាន់តែខ្លាំង។
៣. Bernie Ecclestone
ទោះបីជារៀបការបានដល់ទៅ៧ឆ្នាំហើយក៏ដោយ តែមនោសញ្ចេតនារបស់សេដ្ឋី Bernie Ecclestone និងភរិយានាង Fabiana Flosi នៅតែស្អិតរមួតដូចដើមខុសពីសម្ដីអ្នកផងដែលលើកឡើងថា ខាងស្រីយកបុរសចំណាស់នេះដោយសារតែលុយ។ តាមនោះដែរ អ្នកទាំង២មានអាយុខុសគ្នាដល់ទៅ៤៦ឆ្នាំ។ លើសពីនេះ សេដ្ឋីខាងលើធ្លាប់មានប្រពន្ធ២រូបរួចហើយ។
៤. Phillip Ruffin
ឆ្នាំ២០០៨ មហាសេដ្ឋីអាមេរិក Phillip Ruffin បានបង្ករការភ្ញាក់ផ្អើលជាខ្លាំងនៅពេលប្រកាសរៀបការនឹងនាង Oleksandra Nikolayneko។ ខាងប្រុសគឺជាសេដ្ឋីរកស៊ីខាងកាស៊ីណូ ឯខាងស្រីគឺជាបវរកញ្ញាប្រទេស Ukraine ដោយមានគម្លាតអាយុដល់ទៅ៤៦ឆ្នាំ។ មនុស្សជាច្រើនបានលាន់មាត់ថា អ្នកទាំង២ដើរជាមួយគ្នាប្រៀបដូចតា និងចៅ តែភាគីទាំង២បានរក្សាភាពស្ងៀមស្ងាត់ទៅនឹងគ្រប់មតិទាំងឡាយ៕
ចុចអាន៖ ស្រលាញ់គ្នាតាមOnline ខាងប្រុសស្មានជួបកំពូលស្រីស្អាត បែរប៉ះអ៊ុំស្រីទម្ងន់៧០គីឡូទៅវិញ