ចេះតែពាក់ចិញ្ចៀនតាមរបៀបទាំង៤នេះ កុំសួរហេតុអីខ្លួនជួបតែរឿងស៊យ លុយចេញរហូត
- 2019-04-23 07:10:00
- ចំនួនមតិ 0 | ចំនួនចែករំលែក 0
ចេះតែពាក់ចិញ្ចៀនតាមរបៀបទាំង៤នេះ កុំសួរហេតុអីខ្លួនជួបតែរឿងស៊យ លុយចេញរហូត
យោងតាមក្បួនហុងស៊ុយ ការពាក់ចិញ្ចៀនមិនមែនចេះតែពាក់ឲ្យតែបាន គឺត្រូវមានរបៀបពាក់ត្រឹមត្រូវ បើពាក់ខុសពីក្បួន អាចនាំគ្រោះចង្រៃដល់ខ្លួន ទាំងមិនដឹង។ ខាងក្រោមនេះគឺជារបៀបពាក់ចិញ្ចៀនទាំង៤ដែលគួរជៀសវាង បើមិនចង់ជួបគ្រោះចង្រៃទេនោះ។
១. ពាក់ចិញ្ចៀនមានរាងចម្លែក
គេសង្កេតឃើញថា យុវវ័យបច្ចុប្បន្នតែងពាក់ចិញ្ចៀនម៉ូដប្លែកដូចជាក្បាលខ្មោច ក្បាលតោ ដែលត្រូវគេជឿថានឹងមានបារមីជួយឲ្យរកស៊ីមានបាន តែតាមការពិត ការពាក់បែបនេះគឺមានគ្រោះថ្នាក់បំផុត ព្រោះរូបរាងចម្លែកទាំងនេះមានរូបភាពមិនវិជ្ជមាន នាំមកនូវការរាំងស្ទះដល់ការងារ ក៏ដូចជាសុខ ភាព។ ដូចនេះហើយ អ្នកគ្រប់គ្នាគួរជ្រើសចិញ្ចៀនម៉ូដសាមញ្ញមានរាងមូលដែលតំណាងឲ្យការជួបជុំគ្រួសារគឺល្អបំផុត។
២. ចិញ្ចៀនអាពាហ៍ពិពាហ៍ត្រូវពាក់នៅម្រាមដៃនាង
ម្រាមដៃនាង គឺតំណាងតែមួយគត់សម្រាប់ជីវិតគូ។ មិនត្រឹមតែប៉ុណ្ណោះ ក្នុងចំណោមម្រាមទាំងអស់ ម្រាមដៃនាងគឺជាម្រាមដែលមានកម្លាំងខ្សោយជាងគេ ដូចនេះហើយ ពេលពាក់ចិញ្ចៀនដៃនាង គឺប្រៀបដូចបន្ថែមកម្លាំងឲ្យមនោសញ្ចេតនារបស់អ្នកដូចគ្នា។ ហេតុនេះហើយ ចិញ្ចៀនអាពាហ៍ពិពាហ៍ ប្រសិនបើពាក់គឺត្រូវពាក់នៅម្រាមដៃនាង មិនអាចពាក់នៅម្រាមផ្សេងឡើយ។ ប្រសិនជាម្រាមដៃនាងមានបញ្ហា គឺត្រូវដោះចេញតែម្ដង មិនគួរពាក់ម្រាមផ្សេងឡើយ។
៣. ចិញ្ចៀនអាពាហ៍ពិពាហ៍មិនគួរមានរាងខុសគ្នាខ្លាំងពេក
អត្ថន័យនៃចិញ្ចៀនរៀបការ គឺចងភ្ជាប់ប្ដីប្រពន្ធឲ្យស្អិតរមួត ដូចនេះហើយ នៅពេលទៅរើសចិញ្ចៀនអាពាហ៍ពិពាងហ៍ គូស្នេហ៍ទាំងឡាយមិនគួររើសយកម៉ូដដែលមានរាងខុសគ្នាខ្លាំងពេកឡើយ។ ព្រោះបើមានរាងខុសគ្នាពេក នឹងធ្វើឲ្យប្ដីប្រពន្ធមានចិត្តគំនិតមិនស្របគ្នា ងាយឆុងគ្នា បណ្ដាលឲ្យមានជម្លោះឥតល្ហែរ។
៤. ពាក់ចិញ្ចៀនពណ៌មិនត្រូវនឹងធាតុរបស់ខ្លួនឯង
មនុស្សម្នាក់ៗកើតមក សុទ្ធតែមានធាតុផ្សេងគ្នា ត្រូវនឹងពណ៌ខុសគ្នា។ ការពាក់ចិញ្ចៀនក៏ដូចគ្នាដែរ ខណៈធាតុខ្លះត្រូវនឹងពណ៌ស គួរពាក់ចិញ្ចៀនប្លាទីនស បើត្រូវជាមួយពណ៌មាស គួរពាក់ចិញ្ចៀនមាសគីឡូ។ ជៀសវាងការពាក់ចិញ្ចៀនពណ៌ឆុងនឹងធាតុខ្លួនឯង នាំមករឿងមិនល្អ ខូចខាតសុខភាព លុយហូរចេញមិនឈប់៕
ចុចអាន៖ ទីតាំងនៃប្រជ្រុយអាចបង្ហាញពីអត្តចរិតផ្សេងៗគ្នារបស់មនុស្ស