ហេតុផល ២យ៉ាងដែលអ្នកមិនគួរប្រាប់បំណងប្រាថ្នាខ្លួនឯងឲ្យអ្នកដទៃដឹង

2018-02-22 07:23:58
ចំនួនមតិ 0 | ចំនួនចែករំលែក 0

មនុស្សជាច្រើនតែងមានទម្លាប់ចែករំលែកក្តីស្រមៃខ្លួនឲ្យអ្នកដទៃដឹង ព្រោះពួកគេយល់ថាវាប្រហែលអាចសម្រាលភាពស្មុគស្មាញខ្លះ និងទទួលបានគំនិតល្អត្រលប់មកវិញផង។ យ៉ាងណាមិញ ទង្វើបែបនេះក៏អាចជះឥទ្ធិពលអវិជ្ជមានមកដំណាលគ្នាដែរ ដោយយោងទៅតាមហេតុផលធំៗ ២ខាងក្រោមនេះ៖

គ្រប់យ៉ាងអាចរលាយ៖ ក្តីស្រមៃជារបស់យើង យើងច្បាស់ជាចង់ឲ្យវាសម្រេចជោគជ័យហើយ ប៉ុន្តែបើយករឿងទាំងនោះទៅប្រាប់ចំមនុស្សខុស ថាមិនត្រូវអ្នកអាចនឹងរំលាយក្តីស្រមៃខ្លួនឯងភ្លាមមួយរំពេចតែម្តង។ តែសួរថាយើងដឹងដោយរបៀបណា ថាគេជាមនុស្សដែលមិនគួរចែករំលែក គឺពិតជាមិនអាចមើលដឹងទេ ត្រង់នេះហើយដែលអ្នកគួរតែប្រុងប្រយ័ត្ន។

រូបតំណាង

ក្តីស្រមៃខ្លួនឯងត្រូវពឹងលើខ្លួនឯង៖ ដូចនិយាយពីចំនុចខាងលើ មនុស្សដែលអ្នកបានចែករំលែកមិនមែនសុទ្ធតែជាមនុស្សល្អទាំងអស់ទេ ជួនកាលគេអាចធ្វើឲ្យអ្នកច្របូកច្របល់ជាមួយខ្លួនឯងក៏ថាបាន។ តែអ្វីដែលគួរចងចាំគឺ អ្នកជាមនុស្សតែម្នាក់ដែលបង្កើតបំណងប្រាថ្នាឲ្យខ្លួនឯង ដូច្នេះអ្នកមានឥទ្ធិពលក្តោបក្តាប់លើវាជាងនរណាទាំងអស់ មានតែអ្នកប៉ុណ្ណោះដែលត្រូវដើរលើវិថីឆ្ពោះទៅរកភាពជោគជ័យនោះ។ អ្វីណាដែលធ្វើបានខ្លួនឯងគួរតែធ្វើទៅ កុំទន់ជ្រោយឲ្យអ្នកដទៃឃើញខ្លាំងពេក៕

ចុចអាន៖បើអាការគិតច្រើនតាមលងបន្លាចអ្នកញឹកញាប់ពេក ទាំងនេះហើយជាអ្វីដែលគួរធ្វើ

ប្រភព៖ hackspirit ប្រែសម្រួល៖ អ៊ុង រ័ត្នបញ្ញា