អារម្មណ៍នឹងទៅជាយ៉ាងណាបើស្រលាញ់ប៉ះចំបុរសធំដឹងក្ដីម្នាក់?
- 2018-01-08 03:08:03
- ចំនួនមតិ 0 | ចំនួនចែករំលែក 0
អារម្មណ៍នឹងទៅជាយ៉ាងណាបើស្រលាញ់ប៉ះចំបុរសធំដឹងក្ដីម្នាក់?
ពេលស្រលាញ់ចំមនុស្សប្រុសដឹងក្ដីគឺគេមិនចេះបង្ហាញពីមនោសញ្ចេតនាចេញក្រៅនោះទេ តែការគិតរបស់គេគឺវែងឆ្ងាយ នឹងធឹង ចង់នៅក្បែរយើងរយៈពេលយូរ។
មានអ្នកខ្លះធ្លាប់និយាយថា៖ បើនារីម្នាក់ស្រលាញ់ប៉ះចំបុរសល្អ មួយជីវិតនេះនាងមិនចាំបាច់ធំដឹងក្ដីក៏បានដែរ"។ អារម្មណ៍នៅពេលស្រលាញ់ចំមនុស្សប្រុសដឹងក្ដីគឺគេមិនអាចតបសារជាមួយយើងជាប់នោះទេ មិនអាចប្រើពាក្យផ្អែមល្ហែម រឹតតែមិនធ្វើរឿងឲ្យយើង surprise ថែមទៀត។ មនោសញ្ចេតនារបស់អ្នកទាំង២ចេះតែដើរទៅយ៉ាងស្ងប់ស្ងាត់ មានពេលខ្លះនឹងមានអារម្មណ៍ថារៀងធុញទ្រាន់ តែជំនួសមកវិញយើងដឹងច្បាស់ថាគេជាមនុស្សដែលអាចផ្ញើរការជឿទុកចិត្តលើទាំងស្រុង ជាសុភមង្គលដែលស្ងៀមស្ងាត់។
និយាយការពិតទៅ ចំពោះខ្ញុំ អ្នកគឺជាអ្វីគ្រប់យ៉ាងសម្រាប់ខ្ញុំ។ ជានិច្ចកាល ខ្ញុំតែងឆ្ងល់ថាហេតុអ្វីគាត់មិនប្រាប់ខ្ញុំថា គាត់នឹងចូលស្ដីខ្ញុំ។ តែខ្ញុំក៏ដឹងដែរថា គាត់មិនចង់ឲ្យខ្ញុំរំពឹង។ ជំនួសមកវិញ គាត់កំពុងសន្សំប្រាក់កាក់យ៉ាងស្ងៀមស្ងាត់ដើម្បីគម្រោងអនាគតរបស់យើងទាំង២។
មនោសញ្ចេតនារបស់មនុស្សដឹងក្ដី នឹងធឹងគឺគ្មានការខឹងសម្បារ ឈ្លោះប្រកែកគ្នា ប្រចណ្ឌខុសរឿង គឺមានតែការជឿទុកចិត្តគ្នា។ ទោះបីជារវល់យ៉ាងណាក៏បេះដូងយើងនៅតែសំដៅទៅរកគ្នា។ ល្បឿននៃស្នេហាយើង អាចនឹងមើលទៅយឺតជាងគូដទៃ តែខ្ញុំប្រាកដថាភាពរឹងនៃវាគឺមិនចាញ់អ្នកណាឡើយ។ ចំពោះមនុស្សស្រីវ័យក្មេងដូចខ្ញុំ ទទួលយកអ្នកចាស់ទុំដូចជារូបគាត់មិនមែនជារឿងងាយស្រួលឡើយ។ តែក៏ជាគាត់នេះដែរ ដែលធ្វើឲ្យខ្ញុំដឹងសាច់ការជាងមុន ដឹងថាអ្វីជាតថភាពពិត មិនមែនរត់តាមតែស្នេហាមួយឆាវៗ ដូចយុវវ័យផ្សេងទៀត៕