ហត់នឿយនឹងជីវិតនេះណាស់មែនទេ? តោះ!ព្យាយាមបង្កើនសម្រស់ជីវិតតាមវិធីនេះ

2017-12-07 04:02:21
ចំនួនមតិ 0 | ចំនួនចែករំលែក 0

ពេលខ្លះអ្នកប្រាកដជាធ្លាប់ជួបអារម្មណ៍មួយដែលអស់សង្ឃឹម ហើយមើលមកខ្លួនឯងគ្មានន័យអីទាំងអស់។ ការពិតនេះអាចមកពីអ្នកជួបរឿងរ៉ាវឈឺចាប់ និងខកចិត្តច្រើនពេករហូតធ្វើឲ្យមានអារម្មណ៍ថា ហត់នឿយនឹងជីវិតខ្លួនឯង។ អត្ថបទមួយនេះចង់ជួយអ្នកឲ្យចាកចេញពីអារម្មណ៍ ហើយចេះបង្កើនសម្រស់នៃជីវិតរបស់ខ្លួនឲ្យមានពន្លឺវិញ ៖

១. ឆ្លុះកញ្ចក់ហើយញញឹមដាក់ខ្លួនឯង

ក្រោកពីគេងឆ្លុះកញ្ចក់មើលមុខខ្លួនឯង រួចញញឹម ហើយនិយាយថា «ឯងនៅតែស្អាត ទោះបីជាទើបងើបពីគេងក៏ដោយ។»

២. សរសេរពាក្យលើកទឹកចិត្តខ្លួនឯង

អ្នកអាចសរសេរបិទលើតុធ្វើការ ឬជិតទូកញ្ចក់ដែលអ្នកឆ្លុះមុខ ដើម្បីឲ្យអ្នកបានឃើញវារាល់ថ្ងៃ។ អ្នកអាចសរសេរថា « Dear Cute girl, ការពិតរាល់ថ្ងៃអ្នកស្អាតណាស់ ម្យ៉ាងទៀតអ្នកក៏ឆ្លាត និងពូកែផងដែរ ដូច្នេះត្រូវជឿជាក់លើខ្លួនឯង ហើយកុំភ្លេចញញឹមឲ្យបានច្រើន។»

៣. ផ្លាស់ប្ដូរការរៀបចំខ្លួន

ទៅផ្សារដើម្បីទិញសំលៀកបំពាក់ថ្មីដែលអ្នកមិនដែលស្លៀកពាក់ពីមុន។ បើពីមុនអ្នកធ្លាប់តែស្លៀកខោ ហើយអាវយឺតធម្មតា អ្នកគួរតែសាកស្លៀកសំពត់ជាមួយអាវណាដែលស្អាតៗ ឬជារ៉ូបបែបសាមញ្ញៗក៏បានដែរ។ សាក Make up តិចៗ បែបធម្មជាតិមើល នោះអ្នកនឹងមានអារម្មណ៍ថាប្លែកនូវសម្រស់ធម្មជាតិដែលអ្នកមាន ហើយពេលចេញក្រៅក៏កាន់តែមានទំនុកចិត្តដែរ។

៤. រៀនមើលឃើញពីតម្លៃអ្វីដែលនៅជុំវិញខ្លួន

រៀនធ្វើចិត្តឲ្យរីករាយចំពោះមនុស្សជុំវិញខ្លួន និងដោះលែងនូវអ្វីដែលអ្នកគិតថាវាគ្មានតម្លៃសម្រាប់អ្នក។ បើអ្នកមានម៉ូតូតូចមួយជិះ គួរតែរៀនអរគុណវាដែលជួយអ្នកអាចទៅកន្លែងដែលអ្នកចង់ទៅបាន។ បើអាចមានអារម្មណ៍ល្អបែបនេះចំពោះគ្រប់យ៉ាងដែលអ្នកមាននោះ ជីវិតអ្នកនឹងស្រស់បំព្រងជាងមុនមិនខាន។

៥. ធ្វើការងារដែលអ្នកស្រឡាញ់

បើអ្នកមានអារម្មណ៍ថាការងាររាល់ថ្ងៃធ្វើឲ្យអ្នកធុញទ្រាន់ មិនសប្បាយចិត្ត ផ្លាស់ប្ដូរវាចេញទៅ។ ស្វែងរកការងារដែលអ្នកស្រឡាញ់ និងរីករាយនឹងធ្វើវា ព្រោះនេះគឺជាផ្នែកមួយនៃសុភមង្គលក្នុងជីវិតរបស់មនុស្សម្នាក់ៗ។

៦. ពេលខ្លះគួរតែសាកល្បង Adventure

ការ Adventure អាចឲ្យអ្នកជម្រុះចេញនូវរឿងមិនសប្បាយចិត្ត និងអាចឲ្យអ្នកស្វែងរកអ្វីដែលថ្មីៗសម្រាប់ខ្លួនឯងផងដែរ។ វាបង្រៀនឲ្យយើងយល់ថាការពិតជីវិតនេះមានអ្វីថ្មីៗជាច្រើនទៀតដែលយើងគួរតែសាកល្បងមិនមែនសម្ងំតែកើតទុក្ខឡើយ។

សំខាន់បំផុតគឺយើងអាចគ្រប់គ្រងខ្លួនឯងបាន ហើយអាចលើកទឹកចិត្តខ្លួនឯងគ្រប់ពេល៕

អត្ថបទ៖ ផេង ផលធិតា