ម៉ាស់សក់ធម្មជាតិធ្វើពីប្រេងអូលីវនិងប្រេងដូង ព្យាបាលបញ្ហាខូចជ្រុះ ឡើងប្រេង

2017-11-07 04:00:00
ចំនួនមតិ 0 | ចំនួនចែករំលែក 0

ប្រេងអូលីវ និងប្រេងដូងជាប់ចំណាត់ថ្នាក់ជាប្រេងដែលមានប្រយោជន៍បំផុតសម្រាប់សុខភាព។ មិនតែប៉ុណ្ណោះវាក៏មានអត្ថប្រយោជន៍ក្នុងការថែរក្សាសម្រស់នឹកស្មានមិនដល់ទៀតផង ដោយការលាយបញ្ចូលគ្នារវាងប្រេងដូងជាមួយប្រេងអូលីវ អាចបង្កើតជាម៉ាស់ដើម្បីព្យាបាលសក់ខូច ជ្រុះបានយ៉ាងមានប្រសិទ្ធភាពត្រឹមរយៈពេល ៣ អាទិត្យ។ ម្យ៉ាងទៀតវាក៏ជួយកាត់បន្ថយការឡើងប្រេងសក់ផងដែរ។ ខាងក្រោមនេះជាវិធីលាយ និងប្រើប្រាស់៖

១.គ្រឿងផ្សំ

ប្រេងដូងសម្រាប់លាបលើសក់ ១ស្លាបព្រាបាយ

ប្រេងអូលីវ១ស្លាបព្រាបាយ

២.វិធីធ្វើ

លាយប្រេងដូង និងប្រេងអូលីវចូលគ្នាកូរឲ្យសព្វ។ ចំណាំគួរប្រើប្រេងដូងរាវ បើអ្នកមានប្រេងដូងខាប់ ត្រូវយកល្បាយប្រេងនោះទៅកម្ដៅឲ្យរលាយសព្វ ទុកឲ្យត្រជាក់សិនសឹមយកលាបសក់។ យកប្រេងមកប៉ាតនឹងបាតដៃ រួចញីឲ្យសព្វគល់សក់ និងស្បែកក្បាល រួចបង្អូសមកក្រោមឲ្យសព្វសក់។ លាបរួចរុំសក់និងមួកងូតទឹក ទុក៣០នាទី សឹមលាងចេញជាមួយសាប៊ូកក់សក់។ ធ្វើដូចនេះ២ដងក្នុងមួយអាទិត្យ អ្នកនឹងទទួលបានសក់ស្អាត ទន់ រលោង លែងជ្រុះ និងគ្មានឡើងប្រេង។

ចំណាំ៖ ប្រេងទាំងឡាយអាចរកបានតាមផ្សារទំនើប ឬឱសថស្ថានទំនើបនានា។