វិធីញ៉ាំអាហារមិនឲ្យធាត់សម្រាប់អូនអ៊ូកគ្រប់គ្នា ធានាមានប្រសិទ្ធភាព
- 2017-10-25 06:53:17
- ចំនួនមតិ 0 | ចំនួនចែករំលែក 0
វិធីញ៉ាំអាហារមិនឲ្យធាត់សម្រាប់អូនអ៊ូកគ្រប់គ្នា ធានាមានប្រសិទ្ធភាព
ញ៉ាំច្រើនយ៉ាងណាក៏មិនឡើងទម្ងន់ គឺជាបំណងប្រាថ្នាដ៏ធំមួយរបស់អ្នកញៀនការញាំអាហារទាំងឡាយ។ ជាពិសេសនោះគឺស្រីៗដែលងាយនឹងឡើងទម្ងន់ ដែលគេនិយមហៅនាងថាអូនអ៊ូកនេះតែម្ដង។ បើមិនចង់ធាត់ទាល់តែកុំញ៉ាំ តែបើចង់ញ៉ាំហើយអត់ធាត់ញ៉ាំរបៀបដូចខាងក្រោមនេះធានាថាមានប្រសិទ្ធភាពខ្ពស់៖
១.ញ៉ាំទឹកមុនពេលញ៉ាំអាហារ
ញ៉ាំទឹក២៥០ម.ល ឬស្មើនិងមួយកែវពេញ មុនញ៉ាំអាហារទាំងបីពេល។ ទឹកគ្មានកាឡូរី ហើយថែមទាំងជួយលាងសម្អាតតម្រង់នោម គ្រឿងក្នុង និងបំពេញក្រពះ ហើយជួយទ្រទ្រង់ រាងកាយយើងផងដែរ។ ផឹកទឹកមុនញ៉ាំអាហារជួយបំពេញក្រពះ ដែលធ្វើឲ្យយើងឆាប់ឆ្អែតពេលញ៉ាំអាហារ។
២.ញ៉ាំតិចៗតែច្រើនដង
អាហារមួយពេល គួរចេះលៃលកទុកញ៉ាំឲ្យបាន ២ ដង។ ឧទាហរណ៍អាហារថ្ងៃត្រង់មាន បាយមួយចាន សាច់១ដុំ ពងចៀនមួយបន្ទះ គួររំលែកពាក់កណ្ដាលញ៉ាំថ្ងៃត្រង់នេះ ហើយទុកពាក់កណ្ដាលទៀតញ៉ាំពេលថ្ងៃរសៀលបន្តិច។ ធ្វើបែបនេះអ្នកនឹងមិនហេវ ញ៉ាំច្រើនដងហើយនៅតែមិនធាត់។
**៣.ទំពាយឺតៗ**
មនុស្សធាត់តែងតែញ៉ាំអាហារលឿនៗតែការញ៉ាំបែបនេះ ធ្វើឲ្យយើងញ៉ាំបានច្រើនទើបបណ្ដាលឲ្យធាត់។ អ្នកគូរតែប្ដូររបៀបញ៉ាំដោយទំពាឲ្យមត់ ហើយទំពាយឺតៗ វិញ។ ធ្វើរបៀបនេះអ្នកអាចស្រង់យករសជាតិអាហារ និងញ៉ាំឆាប់ដឹងឆ្អែត។
៤.ជ្រើសរើសចានតូចៗដើម្បីដាក់អាហារ
អ្នកគួរជ្រើសរើសចានតូចៗ ដើម្បីដាក់អាហារ ព្រោះវាជាការបំភាន់ភ្នែកឲ្យមើលទៅឃើញអាហារនៅក្នុងចានដូចច្រើន តែតាមពិតអាហារតិចសោះ។
៥.គួរយល់ដឹងពីគ្រឿងផ្សំអាហារ
កុំយល់ច្រឡំថាញ៉ាំសាច់ច្រើនធាត់ តែញ៉ាំសាច់ជាប់ខ្លាញ់ទៅវិញទេដែលធ្វើឲ្យធាត់។ ក្នុងនោះដែរប្រេងខ្លាញ់សម្រាប់ចៀនឬឆា ក៏ធ្វើឲ្យអ្នកធាត់លឿនផងដែរ។ ដូច្នេះហើយគួរជ្រើសរើសម្ហូបណាដែលមានខ្លាញ់ទាបដូចជា អាំង ឬស្ងោជាដើម៕
ចុចអាន៖ទម្លាប់អាក្រក់ ៤ យ៉ាងដែលអាចឲ្យអ្នកឡើងទម្ងន់មិនងាយស្រក!