ជីវិតរុងរឿង មិនធ្លាក់រណ្ដៅ ត្រូវរៀនស្គាល់មនុស្សពីរប្រភេទនេះ!

2017-10-24 08:06:13
ចំនួនមតិ 0 | ចំនួនចែករំលែក 0

ចូរទទួលខុសត្រូវលើមនុស្ស ២ប្រភេទនេះ៖

១. មនុស្សដែលផ្ដល់កំណើតឲ្យអ្នក

២. មនុស្សដែលអ្នកផ្ដល់កំណើតឲ្យ

ចូរនឹកដល់មនុស្ស ២ប្រភេទនេះ៖

១. មនុស្សដែលអ្នករួមសុខរួមទុក្ខមកជាមួយ

២. ញាតិ និងមិត្តដែលមិនដែលបោះបង់គ្នា

ចូរបដិសេធមនុស្ស ២ប្រភេទនេះ៖

១. អ្នកធ្វើការដែលគ្មានគុណធម៌

២. អ្នកគ្រប់គ្រងដែលគ្មានមនសិការ

ចូរខ្វល់ខ្វាយពីមនុស្ស ២ប្រភេទនេះ៖

១. អ្នកដែលហ៊ានឲ្យលុយអ្នកខ្ចី

២. អ្នកដែលបារម្ភអ្នកពិតប្រាកដ

ចូរនៅឲ្យឆ្ងាយពីមនុស្ស ២ប្រភេទនេះ៖

១. អ្នកដែលឃើញយើងមានបាន ទើបមកសុំចូលរួមជាមួយ

២. អ្នកដែលពេលឃើញយើងលំបាក ក៏ព្យាយាមគេចខ្លួន បាត់មុខ

ចូរគោរពមនុស្ស ២ប្រភេទនេះ៖

១. មនុស្សស្រីដែលព្រមស៊ីអត់ស៊ីឃ្លានជាមួយមនុស្សប្រុសដែលខ្លួនស្រឡាញ់ ពេលគេលំបាក

២. មនុស្សប្រុសដែលនៅស្មោះត្រង់ជាមួយមនុស្សស្រីដែលខ្លួនស្រឡាញ់ ពេលខ្លួនមានបាន

អ្វីៗភាគច្រើនលើលោកនេះសុទ្ធតែមានគូ។ ជីវិតមនុស្សយើងក៏ដូចគ្នា មានទាំងអ្នកដែលចាំជួយយកអាសាយើង និងអ្នកដែលយើងធ្លាប់ជួយយកអាសា។ ចូរចងចាំមនុស្សដែលធ្លាប់ជួយយកអាសាអ្នក ហើយបំភ្លេចថាអ្នកធ្លាប់ជួយនរណាខ្លះ នោះជីវិតអ្នកនឹងកាន់តែមានក្ដីសុខ ៕

ប្រភព៖ chonburipost ប្រែសម្រួល៖ ស្វាយ វ៉ាន់ថន