អត្ថប្រយោជន៍ ៦ យ៉ាងបានមកពីថ្នាំដុសធ្មេញ ចំពោះសម្រស់

2017-10-24 07:29:23
ចំនួនមតិ 0 | ចំនួនចែករំលែក 0

តាមការពិតថ្នាំដុសធ្មេញមានអត្ថប្រយោជន៍ច្រើនខ្លាំងណាស់ មិនមែនប្រើសម្អាតធ្មេញតែមួយមុខឡើយ តែសម្រាប់សម្រស់នៅទីតាំងដទៃ ក៏អាចជួយបានច្រើនដែរ។ ខាងក្រោមនេះនឹងរៀបរាប់ពីអត្ថប្រយោជន៍ ៦ មុខផ្សេងទៀតដែលថ្នាំដុសធ្មេញជួយបាន៖

១.កម្ចាត់មុន និងបន្ថយការហើម

ថ្នាំដុសធ្មេញដែលមានជាតិសូដ្យូម Pyrophosphate មាន ប្រសិទ្ធភាពកម្ចាត់បាក់តេរីមុន។ ដែលសូដ្យូមកាត់បន្ថយជាតិប្រេងនៅលើស្បែកបណ្ដាលឲ្យរន្ធញើសរីកធំ និងបង្កឲ្យកើតមុន។ ដូច្នេះប្រសិនបើអ្នកមានមុនធំៗ គួរប្រើថ្នាំដុសធ្មេញប្រភេទនេះដើម្បីកម្ចាត់ ដោយលាងសម្អាតមុខជាមួយទឹកក្ដៅឧណ្ហ៍ៗ រួចយកថ្នាំដុសធ្មេញមានជាតិ សូដ្យូម Pyrophosphate លាបថើៗលើមុខមួយសន្ទុះនៅព្រឹកព្រលឹមក្រោយភ្ញាក់ពីគេង។

រូបតំណាង

**២.ជួយផ្ដល់សំណើមដល់បបូរមាត់**

មានបញ្ហាបបូរមាត់ប្រះ គ្មានសំណើមមែនទេ? កុំបារម្ភយកថ្នាំដុសធ្មេញដាក់លើច្រាសដែលមានសរសៃទន់ល្មើយ ហើយមកដុសថ្នមៗលើបបូរមាត់ ១ ទៅ ៣ នាទី។ ក្រោយធ្វើរួច ស្បែកបបូរមាត់ដែលងាប់ និងកោសិកាចាស់ៗនឹងត្រូវបានជម្រុះចេញអស់ដែរ។

រូបតំណាង

៣.សម្អាតក្រចក

ថ្នាំដុសធ្មេញអាចជំនួសសាប៊ូយ៉ាងមានប្រសិទ្ធភាព ក្នុងការលាងសម្អាតក្រចករបស់អ្នក។ គ្រាន់តែដាក់ថ្នាំដុសធ្មេញនៅលើក្បាល ហើយបន្តក់ទឹកសើមៗរួចច្រាស់ចុះឡើង ៥ នាទី អ្នកនឹងឃើញក្រចកស្អាតភ្លឺ។

រូបតំណាង

៤.កម្ចាត់ក្លិនក្លៀក

សម្រាប់អ្នកមានបញ្ហាក្លៀកធុំក្លិនសា អាចប្រើថ្នាំដុសធ្មេញបាន។ លាបថ្នាំដុសធ្មេញនៅលើក្លៀក និងត្រូវមានជាតិសំណើមតិចៗ រួចទុកចោល ៣០ នាទី រង់ចាំរហូតដល់វាស្ងួតសឹមលាងសម្អាតជាមួយទឹកធម្មតា ពេលនោះក្លិនមិនល្អនឹងរលាយបាត់យ៉ាងងាយស្រួល។

រូបតំណាង

៥.អាចលប់បំបាត់មុនក្បាលខ្មៅ

ប្រសិនបើអ្នកមានកង្វល់ដោយសារមុនក្បាលខ្មៅនៅលើច្រមុះ អាចដាក់ថ្នាំដុសធ្មេញទៅផ្នែកនោះ ហើយទុកចោលមួយសន្ទុះ ចាំលាងសម្អាត។

រូបតំណាង

៦.កាត់បន្ថយការហើមភ្នែក

លាបថ្នាំដុសធ្មេញស្ដើងៗលើកន្សែងសើម ហើយដាក់វានៅលើភ្នែករបស់អ្នករយៈពេល ៥ នាទី ហើយស្នាមរង្វល់ខ្មៅ អាការៈហើយភ្នែកដែលបណ្ដាលមកពីគេងមិនគ្រប់គ្រាន់នឹងរលាយបាត់ភ្លាម៕