សារជូនចំពោះមិត្តល្អ ដែលតែងតែធ្វើឲ្យខ្ញុំសើច

2017-10-22 05:00:00
ចំនួនមតិ 0 | ចំនួនចែករំលែក 0

មានមិត្តធម្មតា១០០នាក់ ប្រាកដជាមិនស្មើមានមិត្តល្អដែលយល់ចិត្តម្នាក់នោះទេ។ ពាក្យថាមិត្តល្អ អាចត្រូវមានគុណសម្បត្តិផ្សេងៗគ្នា ស្របតាមទស្សនៈ និងការចង់បានរបស់មនុស្សខុសៗគ្នា។ សារខាងក្រោមគឺជាអ្វីដែលអ្នកតែងតែ ចង់និយាយទៅកាន់មិត្តរបស់អ្នកមែនទេ? បើមិនហ៊ាននិយាយផ្ទាល់មាត់ តោះ tag ពួកគេឲ្យដឹងទាំងអស់គ្នា៖

១.មិត្តល្អតែងតែដឹងអ្វីដែលត្រូវនិយាយ

មិនថាពេលសប្បាយ ឫពេលមានទុក្ខទេ អ្នកតែងតែនៅក្បែរខ្ញុំជានិច្ច។ ទោះបីពាក្យសម្ដីចំអកលេង ពាក្យលើកទឹកចិត្ត ឫពាក្យដាស់តឿនឲ្យខ្ញុំរឹងមាំ ខ្ញុំពិតជាអគុណខ្លាំងណាស់ពួកម៉ាក។ មិត្តល្អរបស់ខ្ញុំ តែងតែដឹងថា ពាក្យណា និងកាលៈទេសៈណាដែលត្រូវនិយាយ ហើយសម្ដីបែបណាដែលខ្ញុំចង់បាន។

រូបតំណាង

**២.មិត្តល្អរបស់ខ្ញុំតែងតែធ្វើឲ្យខ្ញុំសើច**

ភាពសប្បាយរីករាយតែងតែមាននៅពេលពួកយើងនៅក្បែរគ្នា។ ពួកយើងកសាងអនុស្សាវរីយ៍ ជាមួយរឿងឆ្កួតៗ ល្ងីល្ងើ បែបកូនក្មេងដែលពួកយើងធ្លាប់ឆ្លងកាត់ជាមួយគ្នា។ ខ្ញុំនឹងមិនភ្លេច អស់មួយជីវិត។

៣.ខ្ញុំជាមនុស្សអស្ចារ្យក្នុងភ្នែកមិត្តខ្ញុំ

មិត្តល្អមិនដែល ត្រចៀកសស្តាប់សម្ដីចាក់រុកអ្នកដទៃ ដែលចង់បំបែកបំបាក់មិត្តភាពទេ។ មនុស្សណាក៏ធ្លាប់ធ្វើខុសដែរ តែមិត្តល្អតែងលើកទឹកចិត្ត និងជួយកែកំហុស។ សម្រាប់មិត្តម្នាក់នេះ ខ្ញុំគឺជាមនុស្សល្អរហូត។

៤.មិត្តល្អរបស់ខ្ញុំមិនដែលត្រឹមត្រូវម្តងណាទេពេលនិយាយគ្នា

ពេលខ្លះ យើងចង់និយាយរឿងអ្វីមួយបែបផ្លូវការ មិនលេងសើចច្រើន ប៉ុន្តែមិនដែលបានសម្រេចទេ អ្នកតែងតែមានអ្វីមកនិយាយធ្វើឲ្យខ្ញុំសើច និងបែកអារម្មណ៍រហូត។ ខាងក្រៅពេលខ្លះ សម្ដែងជាខឹង តែក្នុងចិត្តគឺស្រឡាញ់មិត្តម្នាក់នេះណាស់។

៥.ខ្ញុំស្រឡាញ់មិត្តរបស់ខ្ញុំខ្លាំងណាស់

បើគ្មានអ្នក ខ្ញុំពិតជាមិនចង់ស្រមៃទេថាជីវិតខ្ញុំនឹងត្រូវឯកាប៉ុនណា។ អគុណណាស់សម្លាញ់ដែលតែងតែ បង្ហាញខ្លួននៅពេលដែលខ្ញុំត្រូវការអ្នក។ ទោះបីជាខ្ញុំមិនដែលប្រាប់ថា ខ្ញុំស្រឡាញ់អ្នកប៉ុនណា តាមពិតអ្នកច្បាស់ណាស់មែនទេ?