៤ ហេតុផលដែលនារីឯករាជ្យ ធ្វើឲ្យអ្នកដទៃស្ញប់ស្ញែងជីវិតបែបនោះ

2017-10-20 05:00:00
ចំនួនមតិ 0 | ចំនួនចែករំលែក 0

អ្នកដឹងហើយថានារីឯករាជ្យ គឺជាមនុស្សស្រីរឹងមាំបំផុត ដែលពេលខ្លះនោះអ្នកអាចគិតថានាងរឹងទទឹង។ តែតាមការពិតនាងគ្រាន់តែរស់នៅក្នុងពិភពមួយមិនបាច់ពឹងអ្នកដទៃ ជាពិសេសគឺបុរសតែម្ដង។ ទាំងនេះគឺជាចំណុចដែលនាងជានារីដែលគួរឲ្យសរសើរបំផុត៖

១.អាចរស់នៅម្នាក់ឯងបាន

នៅតំបន់អាស៊ី ជាពិសេសកម្ពុជាតែម្ដងតម្រូវឲ្យកូនស្រីរស់នៅជួបជុំគ្រួសារ និងរស់នៅក្នុងការគ្រប់គ្រង់របស់ឪពុកម្ដាយ។ បើកូនណាចចេសចង់រស់នៅដោយឯកឯងនោះមានន័យថា នាងប្រឆាំងហើយជាកូនមិនស្ដាប់បង្គាប់។ តែមាននារីឯករាជ្យមួយចំនួនជម្នះការគិតនេះដោយរស់នៅម្នាក់ឯងនិងធ្វើរឿងដែលខ្លួននាងចង់ធ្វើដូចជា រៀនសូត្រ ធ្វើការនៅបរទេស ឬទីក្រុងជាដើម។ អ្វីដែលសំខាន់នោះគឺនាងបានរស់នៅជីវិតដែលនាងប៉ងប្រាថ្នា។

២.រើសរើសបុរសក្នុងក្ដីសុបិនជាជាងអង្គុយឲ្យគេជ្រើស

មនុស្សស្រីឯករាជ្យទុកឱកាសឲ្យខ្លួនឯងក្នុងការជ្រើសរើសគូរស្រករ។ បើនាងពេញចិត្តនរណាម្នាក់នាងនឹងតាមគេ ហើយបញ្ចេញអាកប្បកិរិយាដែលបង្ហាញត្រង់ៗថានាងចូលចិត្តគេ។ ខុសពីនារីអៀនខ្មាសច្រើនដែលចាំឲ្យបុរសជាអ្នករើសខ្លួនមុន។

៣.ចំណូលចិត្តធំជាងលុយ

ក្នុងការជ្រើសគូរស្រករនាងនឹងប្រកាន់ខ្ជាប់យកអ្នកដែលមានចំណូលចិត្តដូចនាង ទោះគេមិនមែនជាមនុស្សសម្បូរលុយក៏ដោយ។ ព្រោះនាងគិតថានាងមានសមត្ថភាពគ្រប់គ្រាន់ដើម្បីរកលុយហើយ។ ការរកដៃគូគឺដើម្បីមករស់នៅកំដរគ្នា មិនមែនយកមកធ្វើជាម៉ាស៊ីនចុចប្រាក់ឡើយ។

៤.នាងជាអ្នកសម្រេចចិត្ត

មិនដូចនារីទូទៅ នារីឯករាជ្យជាអ្នកសម្រេចចិត្តលើការងារតូចនៅក្នុងផ្ទះ និងរឿងធំផ្សេងៗទៀត ដូចជា ដំណើរកម្សាន្ត ឬផែនការគ្រួសារ ៥ ឆ្នាំទៅមុខទៀត។ ដោយសារនាងទម្លាប់ជាមួយរបៀបធ្វើអ្វីតែម្នាក់ឯង និងមានបទពិសោធនផងនោះ ទើបមានភាពរឹងមាំ ជឿជាក់លើខ្លួនឯងថារាល់អ្វីដែលនាងសម្រេចចិត្តគឺត្រឹមត្រូវ៕

ចុចអាន៖ត្រូវការកម្លាំងចិត្ត គួរនិយាយពាក្យ៩ឃ្លានេះប្រាប់ខ្លួនឯងរាល់ថ្ងៃ ដើម្បីជីវិតធូរស្រាល និងមានសុភមង្គល

ប្រភព៖ thoughtcatalog ប្រែសម្រួល៖ Pencharm