នារី៥ប្រភេទដែលបុរសមហាសែនខ្លាច មិនហ៊ានយកធ្វើប្រពន្ធ

2017-10-05 02:31:18
ចំនួនមតិ 0 | ចំនួនចែករំលែក 0

មានធ្លាប់ឆ្ងល់ទេថា ខ្លួនស្អាតបាតដែរ និយាយរួមទៅគឺមិនអន់ឡើយ តែនៅតែអេ? អ្នកអាចស្ថិតក្នុងចំណោមមនុស្សស្រីខាងក្រោម។ បើដឹងខ្លួន អាចកែប្រែបានកុំឲ្យហួសពេល។

មនុស្សស្រីចូលចិត្តដឹកនាំ

គ្រាស្រលាញ់គ្នាដំបូង ជាមួយនារីប្រភេទនេះ គេអាចនឹងមានអារម្មណ៍ថានាងជាមនុស្សក្លាហាន រឹងមាំ។ តែរយៈពេលកន្លងផុតទៅ គេនឹងមានអារម្មណ៍ថាគេនាងគាបសង្កត់ ព្រោះអ្វីគេនិយាយចេញសុទ្ធតែត្រូវនាងបដិសេធ ហើយធ្វើតាមតែចិត្តខ្លួនទាំងអស់។

មនុស្សស្រីបានប៉ាម៉ាក់តាមចិត្តរហូតដល់ខូច

ជាប្រភេទមនុស្សស្រីដែលកើតក្នុងគ្រួសារអភិជន តាំងពីដឹងក្ដីមកមិនចាំបាច់ធ្វើអ្វីហត់ដើម្បីទទួលបានអ្វីដែលខ្លួនចង់បានឡើយ គឺចង់បានអ្វីគ្រាន់តែប្រាប់ប៉ាម៉ាក់នឹងបានភ្លាម។ នារីប្រភេទនេះ នឹងមិនអាចឆ្លងកាត់ឧបសគ្គបានឡើយ ត្បិតធ្លាប់រស់នៅក្នុងភាពស្រណុកសុខស្រួលមកហើយ។

មនុស្សស្រីមាត់ច្រើន

ជាប្រភេទមនុស្សស្រីដែលចូលចិត្តយករឿងគេមកនិយាយឥតល្ហែគ្មានថ្ងៃបញ្ចប់។ ដើមឡើយ នៅក្នុងភ្នែកប្រុស គេអាចមើលឃើញថា នាងជាមនុស្សរួសរាយ តែក្រោយមក គេនឹងធុញនឹងការនិយាយអត់ចេះចប់របស់នាង។

នារីរំអួយ

“អូនមិនញ៉ាំទេ ខ្លាចធាត់" ឬក៏ "អូនមិនទៅទេ ក្ដៅណាស់" សុទ្ធសឹងតែជាស្ទីលនិយាយរបស់ស្រីរំអួយទាំងអស់។ បើរំអួយបន្តិចបន្តួច គេហៅថាគួរឲ្យស្រលាញ់ តែបើរំអួយខ្លាំងពេកគេហៅថាមាយា គេនឹងរត់អស់មិនខាន។

នារីសម្ភារៈនិយម

ដឹងថារកលុយបានត្រូវចាយខ្លះ តែបើចាយហួសពីសមត្ថភាពខ្លួនឯង មិនប្រុសមិនអាចស៊ូទ្រាំបានជាមួយឡើយ។ បើឃើញអ្វីក៏ទារ មិនយូរប៉ុន្មាន បុរសជាសង្សារមុខជាក្ស័យធនមិនខានឡើយ៕