នារីៗ គួរស្លៀកពាក់របៀបម៉េច ទើបមើលទៅហាយក្លាស?

2017-10-03 07:29:00
ចំនួនមតិ 0 | ចំនួនចែករំលែក 0

ចំពោះស្រីៗដែលចង់ស្លៀកពាក់ឲ្យទាន់សម័យ ចំណាយអស់តិច តែមើលទៅដូចថ្លៃថ្នូរ សូមអានការណែនាំដូចខាងក្រោម៖

១.ជ្រើសរើសពណ៌ខ្មៅ

ពណ៌ខ្មៅជាពណ៌អ្នកមានជាន់ខ្ពស់និយមប្រើប្រាស់ដោយសារវាបង្ហាញពីអំណាចនិងភាពស៊ីវិល័យ។ ម្យ៉ាងទៀតវាងាយស្រួលស្លៀកជាមួយពណ៌ដទៃ។

២.ពាក់អាវក្រៅ

អាវក្រៅជួយរំលេចសម្រស់ និងបង្កើនភាពជឿជាក់។ គួរជ្រើសយកអាវក្រៅសាច់ក្រណាត់ពណ៌តាមអ្នកចូលចិត្ត តែគួរជ្រើសយកអាវក្រៅដែលមានម៉ូដសាមញ្ញលាត ឬមានម៉ូដឆ្នូតៗបន្តិចបន្តួច។ អាវក្រៅនេះអាចពាក់ជាមួយរ៉ូប អាវយឺត និងអាវសាច់ក្រណាត់។

៣.ជ្រើសរើសពណ៌ស្រាល

ក្រៅពីពណ៌ខ្មៅ អ្នកក៏អាចស្លៀកពាក់ពណ៌ផ្សេងៗបានដែរ តែគួរជ្រើសយកពណ៌ស្រាល។ព្រោះវាជួយអោយមើលទៅស្រស់ស្រាយនិងជឿជាក់។

៤.ពាក់គ្រឿងអលង្ការម៉ូដរំលេច

ពាក់គ្រឿងអលង្ការណាដែលសមគ្នាជាមួយខោអាវ។ គួរជ្រើសរើសម៉ូដសាមញ្ញ តែមានត្បូងពណ៌ ឬអលង្ការតូចៗពណ៌មាស ឬប្រាក់បន្ថែម។

៥.ស្ពាយកាបូបមានទ្រង់ទ្រាយច្បាស់

គួរជ្រើសរើសកាបូបមានទ្រង់ទ្រាយច្បាស់លាស់ ស្បែករលោង ឬ កាម៉ាញី។

៦.ពណ៌ស៊ីគ្នា

ត្រូវស្លៀកពាក់ជាឈុតអោយមើលទៅស៊ីគ្នា។ ឧទាហរណ៍សំពត់ ឬខោពណ៌ខ្មៅ ស្បែកជើងពណ៌ខ្មៅ អាវក្រៅពណ៌ផ្កាឈូក កាបូបពណ៌ផ្កាឈូក៕

ចុចអាន៖ស្រីៗស្លៀកពាក់របៀបណា ទើបសម្ភាសន៍ការងារជាប់?

ប្រែសម្រួល៖Pencharm