ពោតបារាំងមានអត្ថប្រយោជន៍ហួសស្មាន ដែលស្រ្តីមិនគួរមើលរំលង
- 2017-09-26 13:00:00
- ចំនួនមតិ 0 | ចំនួនចែករំលែក 0
ពោតបារាំងមានអត្ថប្រយោជន៍ហួសស្មាន ដែលស្រ្តីមិនគួរមើលរំលង
ពោតបារាំង គឺជាបន្លែដែលពេញនិយមបំផុតនៅប្រទេសឥណ្ឌា ព្រោះគេតែងតែឃើញវានៅក្នុងមុខម្ហូបស្ទើរតែទាំងអស់របស់ជនជាតិឥណ្ឌា។ បន្លែប្រភេទនេះទៅដោយជាតិសរសៃដែលផ្ដល់នូវគុណសម្បត្តិជាច្រើនដល់សុខភាពជាពិសេសនារីៗ។ ខាងក្រោម នេះជាគុណប្រយោជន៍ ១០ យ៉ាងរបស់ពោតបារាំង៖
១.ជួយឲ្យស្រកទម្ងន់
ពោតបារាំងជាបន្លែដែលមានកាឡូរីទាបក្នុង ១០០ក្រាម មាន ៣០កាឡូរី។ ដោយសារតែវាមានកាឡូរីទាប ទើបមានជាតិកាកសរសៃច្រើន ធ្វើឲ្យវាជាអាហារដ៏ប្រពៃមួយសម្រាប់អ្នកតមអាហារនិងចង់សម្រកទម្ងន់។
**២.កាត់បន្ថយអត្រាជំងឺបេះដូង**
ពោតបារាំងផ្ទុកនូវជាតិកាកសរសៃច្រើនដែលមានលក្ខណៈងាយរលាយ និងជួយទប់ស្កាត់ការឡើងជាតិកូលេសស្តេរ៉ូល និងបង្ការខ្លាញ់កកក្នុងបេះដូង។
៣.គ្រប់គ្រងសម្ពាធឈាម និងជាតិស្ករ
ព្រោះតែបន្លែនេះមានជាតិសរសៃម៉្យាងឈ្មោះ Eugenol ដែលជាសារធាតុជួយពន្យឺតក្នុងការស្រូបយកជាតិស្ករក្នុងឈាម និងការរំលាយអាហារ។ យ៉ាងទៀតវាជួយបន្ថយការកើនឡើងភ្លាមៗនៃជាតិស្ករក្នុងឈាមក្រោយញ៉ាំអាហារ និងរក្សាសំពាធឈាម ។
៤.ជួយសម្រួលដល់ការទល់លាមក
កាកសរសៃដែលមានក្នុងពោតបារាំងមាននាទីជួយធ្វើឲ្យការរំលាយអាហារបានល្អ និងធ្វើអោយពោះវៀនដើរស្រួល។ ព្រោះសារជាតិ Pectin បានរលាយសព្វចូលក្នុងពោះវៀនធ្វើឲ្យការបន្ទោបង់ចេញមកដោយរលូន។ វាជាបន្លែល្អបំផុតសម្រាប់អ្នកជំងឺទល់លាមក។
៥.ជួយឲ្យឆាប់មានកូន
សម្រាប់ស្ត្រីដែលចង់បានកូន គួរតែញ៉ាំពោតបារាំងឲ្យបានច្រើន។ ព្រោះវាមានជាតិអាស៊ីដ Folate ដែល Folate នេះមិនត្រឹមតែជួយឲ្យមានកូនឆាប់ទេថែមទាំងជួយថែរក្សាគភ៌ និងកាត់បន្ថយអត្រានៃការរលូតកូនបានទៀតផង។
៦.បង្កើនអ័រម៉ូនស្ត្រី
ពោតបារាំងសម្បូរទៅដោយជាតិវីតាមីន C ដែលជួយបង្កើនអ័រម៉ូនស្ត្រី។
៧.បំបាត់ភាពស្លេកស្លាំង
ពោតបារាំងផ្ទុកនូវជាតិដែក Folate និងវីតាមីន K ដែលជួយបំបាត់អាការៈស្លេកស្លាំង។
៨.បង្ការជំងឺមហារីកពោះវៀនធំ
ដូចគ្នានឹងបន្លែដ៏ទៃដែលសំបូរជាតិកាកសរសៃ ពោតបារាំងជួយបង្ការជំងឺមហារីកពោះវៀនធំដោយសម្រួលការបន្ទោបង់បានទៀងទាត់។
៩.ជួយដល់ភ្នែក
ពោតបារាំងសម្បូរទៅដោយវីតាមីន A និងបេតាការ៉ូអ៊ីនដែលជំនួយដល់ភ្នែក។
១០. អាចព្យាបាលអង្គែ និងចៃ
ពុះពោតបារាំងជាពីររួចស្ងោរក្នុងទឹកក្ដៅ។ បន្ទាប់ពីរំងាស់មួយសន្ទុះចាំដាក់ចុះរួចច្របាច់ទឹកក្រូចឆ្មារ ដាក់ក្នុងទឹកនោះ រួចយកទៅលាងសក់៕
ចុចអាន៖ប្រយ័ត្ន! រឿងអាក្រក់៦យ៉ាងអាចកើតឡើងបើអ្នកផឹកទឹកដូងច្រើនពេក