បើមិនចង់បែកគ្នាឆាប់ ហាមជូនកាដូ៥យ៉ាងនេះឲ្យសង្សារ
- 2017-09-25 02:33:29
- ចំនួនមតិ 0 | ចំនួនចែករំលែក 0
បើមិនចង់បែកគ្នាឆាប់ ហាមជូនកាដូ៥យ៉ាងនេះឲ្យសង្សារ
គេថាមិនជឿ កុំប្រមាថ បើទោះបីជាមិនទាន់ដឹងថាភាគរយនៃការត្រូវរបស់វត្ថុទាំងនេះក្នុងរឿងមនោសញ្ចេតនាយ៉ាងណាក៏ដោយ តែយើងគួរតែតមទៅ កុំឲ្យស្ដាយទៅថ្ងៃក្រោយ។
ខណៈចាស់ៗជាច្រើនពោលថា គូស្នេហ៍ស្រលាញ់គ្នាមិនឲ្យឌុបគ្នាទៅស្បថស្បែនៅវត្តភ្នំដោយសារតែខ្លាចបែកគ្នានោះ ក៏មានវត្ថុមួយចំនួនដែលគួរតមមិនឲ្យជូនទៅដល់សង្សារដូចគ្នា ព្រោះខ្លាចត្រូវបែកគ្នា។
កន្សែងដៃ
កន្សែងដៃគឺប្រើសម្រាប់ជូនញើស និងទឹកភ្នែក អ្វីដែលតំណាងឲ្យភាពលំបាក ដូចនេះគូស្នេហ៍កំពុងផ្អែមល្ហែមមិនគួរជូនគ្នាកន្សែងដៃឡើយ។
ស្បែកជើង
ស្បែកជើងបម្រើឲ្យការធ្វើដំណើរ ដូចនេះមនុស្សមួយចំនួនជឿថា នៅពេលជូនស្បែកជើងឲ្យសង្សារគឺរុញគេចេញឲ្យឆ្ងាយពីយើង។
កែវពែង
កែវ និងពែងគឺត្រូវបានធ្វើឡើងពីអំបែង ងាយស្រួលប្រេះស្រាំ ដូចនេះបើជូនទៅអ្នកដែលកំពុងស្រលាញ់ អាចធ្វើមនោសញ្ចេតនានៅមិនគង់។ អ្នកខ្លះជឿថា ជូនកែវឲ្យគ្នា គឺភាគីម្ខាងទៀតចង់បែកពីខ្លួនហើយ។
នាឡិកា
ខណៈនាឡិកាគឺប្រើសម្រាប់មើលពេលវេលា ជំនឿបុរាណជឿថា ជូននាឡិកាជូនសង្សារគឺកាត់បន្ថយពេលវេលាដែលអ្នកទាំង២នៅសល់ជាមួយគ្នាហើយ។
ស្រោមដៃ
នៅប្រទេសចិន ស្រោមដៃគឺជាកាដូដែលនៅពេលគូសង្សារបែកគ្នា គេនឹងយកជូនឲ្យគ្នា។ ដូចនេះបើអ្នកមិនទាន់មានបំណងចង់បែកគ្នាទេ កុំជូនកាដូជាស្រោមដៃឲ្យសោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
