ពេលអីៗជាមួយគ្នាម្ដងៗ ស្រីៗភាគច្រើនអត់ដឹងថាអាចកើតជំងឺអាថ៌កំបាំងមួយនេះទេ

2017-09-03 03:45:45
ចំនួនមតិ 0 | ចំនួនចែករំលែក 0

យុវវ័យដែលកំពុងប្រឡូកនឹងការរួមភេទ និងស្ត្រីដែលរៀបការរួច ភាគច្រើនមិនដឹងពីជំងឺមហារីកមាត់ស្បូន ខណៈជំងឺផ្ដាច់ផ្ដិលជីវិតមួយនេះ កើតឡើងដោយសារការរួមភេទ និងសម្លាប់ស្ត្រីយ៉ាងច្រើនក្នុងពិភពលោក។

HPV (Human Papilloma Virus) ត្រូវគេស្គាល់រាប់សតវត្សមកហើយថាជាវីរុសដែលបណ្ដាលឲ្យមានជំងឺមហារីកមាត់ស្បូន។ ភាគច្រើនកើតលើមនុស្សដែលសកម្មរួមភេទ។ មានន័យថា មនុស្សភាគច្រើន ឆ្លងវីរុសនេះភ្លាមៗ បន្ទាប់ពីរួមភេទរួច។ ជាទូទៅ ឆ្លងលើបុរស និងស្ត្រីចាប់ពីអាយុ ១៥ ឆ្នាំឡើង។

បច្ចុប្បន្ន មនុស្សវ័យជំទង់ ឆាប់ប្រឡូកក្នុងការរួមភេទ ដោយមិនដឹងពីផលវិបាកនៃការរួមភេទដែលគ្មានសុវត្ថិភាព ដែលជាមូលហេតុចម្បងដែលធ្វើឲ្យពួកគេងាយឆ្លងវីរុស HPV ។ ឯ អ្នកមានដៃគូរួមភេទច្រើន និងអ្នកចូលចិត្តជក់បារី ក៏ប្រឈមខ្ពស់នឹងការឆ្លងវីរុស HPV ផងដែរ។

រោគសញ្ញា

ប្រភេទសំខាន់ៗនៃវីរុស HPV ដែល ៧០% បណ្ដាលឱ្យកើតជំងឺមហារីកមាត់ស្បូន ដំបៅមាត់ស្បូន មហារីកទ្វារលាមក ទ្វារមាស គឺមាន HPV ១៦ និង ១៨។ ជាធម្មតា អ្នកមិនអាចដឹងថាអ្នកមានជំងឺមហារីកមាត់ស្បូននោះទេ រហូតដល់ដំណាក់កាលធ្ងន់ធ្ងរទើបលេចចេញរោគសញ្ញា ហើយរោគសញ្ញាទាំងនោះ មាន៖

មករដូវមិនទៀង
ហូរឈាមតាមទ្វារមាសក្រោយរួមភេទ
ឈឺត្រគៀក
ឈឺចាប់នៅទ្វារមាស ឬហូរសារធាតុរាវមានក្លិនមិនល្អ
ស្រកទម្ងន់។

វិធីការពារ

មានវ៉ាក់សាំង ២ ប្រភេទ ត្រូវបានទទួលស្គាល់ដោយរដ្ឋបាលស្បៀងអាហារ និងថ្នាំ (FDA) របស់អាមេរិក ដែលអាចការពារអ្នកពីវីរុស HPV ទាំងប្រភេទ ១៦ និង ១៨ បាន។ វ៉ាក់សាំងទាំងនេះ ត្រូវគេបញ្ជាក់ថាមានសុវត្ថិភាព និងប្រសិទ្ធភាពខ្ពស់ក្នុងការបង្ការការឆ្លងវីរុស HPV ទាំងពីរប្រភេទខាងលើ។

អង្គការសុខភាពពិភពលោក ណែនាំឲ្យក្មេងស្រីអាយុចាប់ពី ៩ ឆ្នាំ ទៅ ១៣ ឆ្នាំ ទទួលវ៉ាក់សាំងបង្ការវីរុសនេះ។ មានន័យថា វ៉ាក់សាំងបង្ការជំងឺនេះ ត្រូវចាក់មុនពេលរួមភេទជាលើកដំបូង។ ប្រទេសមួយចំនួន ចាប់ផ្ដើមចាក់វ៉ាក់សាំងនេះលើក្មេងប្រុស ដើម្បីការពារជំងឺមហារីកសរីរាង្គបន្តពូជ។

អ្នកអាចទាក់ទងពេទ្យ ដើម្បីទទួលការណែនាំពីការចាក់វ៉ាក់សាំងបង្ការជំងឺនេះ។ ទោះបីចាក់វ៉ាក់សាំងបង្ការជំងឺនេះក៏ដោយ អ្នកត្រូវប្រើស្រោមអនាម័យ និងកាត់បន្ថយចំនួនដៃគូរួមភេទ។

បើមានសំណួរពាក់ព័ន្ធនឹងអត្ថបទនេះ ឬការថែរក្សាសុខភាព អាចទាក់ទងតាម៖