៥ វិធីថែរក្សាខ្នងឲ្យស្អាត ទើបអាចស្លៀករ៉ូបវាលបានសិចស៊ី

2017-08-16 12:00:00
ចំនួនមតិ 0 | ចំនួនចែករំលែក 0

បានស្លៀករ៉ូបវាលខ្នង គឺជាក្ដីស្រមៃដ៏ធំបំផុតក្នុងជីវិតស្ត្រី តែមានបញ្ហាខ្លះដូចជាស្នាមអុជខ្មៅ មុន ឬស្បែកគ្រើម ជាមូលហេតុដែលបង្អាក់សុបិននោះ។ ដូចនេះបើចង់ធ្វើឲ្យសុបិនបានពាក់រ៉ូបវាលខ្នងក្លាយជាការពិត គួរថែរក្សាខ្នងតាមវិធីនេះ៖

១.ត្រូវដុសខ្នងជាមួយស្បៃ ឬច្រាស់ដែលទន់បំផុត៖ ពេលងូតទឹកគួរតែប្រើស្បៃដុសខ្លួន ឬច្រាស់ណាដែលមានសភាពទន់បំផុតជាមួយសាប៊ូ ទើបស្បែកមិនទទួលរងការឈឺចាប់ ឬដាច់រលាត់។

២.ឧស្សាហ៍យក Scrub ខាត់ស្បែកខ្នង៖ Scrub មានសារៈសំខាន់ខ្លាំងណាស់សម្រាប់ស្បែកស្ត្រី ជាពិសេសស្បែកខ្នងតែម្ដង ព្រោះវាជួយថែរក្សាស្បែកឲ្យភ្លឺទន់រលោង និងមានសំណើម។

៣.ក្រែមផ្ដល់សំណើមដល់ស្បែក៖ ត្រូវចាំថាក្រោយពីងូតទឹកដុសខ្លួន ឬខាត់ស្បែកជាមួយ Scrub រួចហើយ ពេលជូតខ្លួនស្ងួតត្រូវលាបឡេដែលមានជាតិសំណើមខ្ពស់ដល់ស្បែក និងស្លៀកពាក់ខោអាវណាដែលមានសាច់ក្រណាត់ទន់ៗ ទើបស្បែកតំបន់សំខាន់មិនមានផលរំខាន។

៤.រកជំនួយ៖ ប្រសិនបើខ្នងមានបញ្ហាស្នាមអុជខ្មៅ ឬមុនច្រើន ពិបាកក្នុងការព្យាបាល ឬបាត់ទៅវិញដោយខ្លួនឯង យើងគួរតែទៅរកជំនួយខាងបច្ចេកទេសបែបវិទ្យាសាស្ត្រមកជួយ។ វិធីមួយទៀត គួរតែទៅស្ប៉ា ឬសូណាដើម្បីកម្ចាត់ជាតិពុលចេញពីក្នុងខ្លួនខ្លះ តែត្រូវចាំថាកុំប្រើផលិតផលណាដែលមានជាតិគីមី លើស្បែកខ្នងឲ្យសោះ ព្រោះវារឹតតែពិបាកព្យាបាលទៅវិញ ឬបាត់មួយរយៈខ្លីប៉ុណ្ណោះ។

៥.កន្លែងគេងស្អាត៖ ដើម្បីទទួលបានខ្នងសិចស៊ី តម្រូវឲ្យមនុស្សស្រីយកចិត្តទុកដាក់ចំពោះកម្រាល ពូក ស្រោមខ្នើយ ខ្នើយកើយ ខ្នើយឱប ឲ្យមានភាពស្រស់ស្អាត និងទន់រលោងជានិច្ចដែរ។ ម្យ៉ាងទៀតសំលៀកបំពាក់គេងយប់ និងរបស់ដែលរៀបរាប់ខាងលើត្រូវតែជាសាច់ក្រណាត់ទន់ ឬសូត្រទើបល្អ៕

ចុចអាន៖តិចនិកធម្មជាតិបំបាត់មុនខ្នង អស់លុយតិច មិនខ្លាចខូចស្បែក

អត្ថបទ៖ ទ្រី រ៉ាវី