តិចនិកធម្មជាតិបំបាត់មុនខ្នង អស់លុយតិច មិនខ្លាចខូចស្បែក

2017-08-07 07:21:38
ចំនួនមតិ 0 | ចំនួនចែករំលែក 0

មុនខ្នងគឺជារឿងសៅហ្មងដ៏ធំសម្រាប់នារី ព្រោះស្លាកស្នាមក្រហមនិងខ្មៅទាំងនោះបានរារាំងស្រីៗយើងមិនអាចពាក់រ៉ូបឬអាវវាលខ្នងបាន។ ប៉ុន្តែកុំបារម្ភអី! ទុកឱ្យកញ្ញាប្រាប់តិចនិកមួយដែលមិនសូវមានអ្នកដឹង តែបានលទ្ធផលខ្លាំង និងមិនប៉ះពាល់សុខភាពស្បែករបស់អ្នកទៅចុះ។

១- ផ្លែត្រសក់៖

ផ្លែត្រសក់មានសមត្ថភាពប្រឆាំងអាការៈរលាកធ្ងន់ធ្ងរ ដែលអាចចូលទៅកាត់បន្ថយស្នាមក្រហមរបស់មុនខ្នង និងព្យាបាលឱ្យមុនទាំងនោះឡើងសះក្នុងរយៈពេលខ្លី។ វារក្សាលំនឹង PH នៃស្បែកបានស្ថិតស្ថេរ បន្ថែមជាតិសំណើម និងកម្ចាត់មុនបានយ៉ាងល្អ។

យកត្រសក់មួយផ្លែ មកកិន ឬក្រឡុកឱ្យម៉ត់ យកតែទឹកទុកលាបលើខ្នងដែលឡើងមុន។
ទុកចោលពី១៥-៣០នាទី រួចលាងឬងូតទឹកចេញ
មានវិធីមួយទៀត អ្នកអាចបន្ថែមទឹកក្រូចឆ្មារបន្តិចទៅក្នុងទឹកត្រសក់នោះដើម្បីឆាប់បានលទ្ធផល ព្រោះក្រូចឆ្មារអាចចូលទៅកាត់ស្លាកស្នាមបានលឿន តែវាអាចផ្សារបន្តិចដោយសារជាតិជូររបស់ក្រូចឆ្មារ។

២- ផ្លែម្រះ៖

មិនខុសពីត្រសក់ខាងលើ ជាតិល្វីងនៅក្នុងផ្លែម្រះអាចជួយលាងសម្អាតជាតិពុលពីក្នុងឈាម និងលើស្បែកបាន។

ចិតម្រះឆ្កឹះយកគ្រាប់ចេញក្នុងបរិមាណល្មម ហើយយកទៅកិន ឬក្រឡុកយកទឹកប៉ិៗ ទុកលាបលើខ្នង
ទុកចោលរហូតដល់ស្ងួត រួចសឹមលាងជម្រះចេញ
វិធីនេះអាចធ្វើបានរាល់ថ្ងៃ ហើយមិនបណ្ដាលឱ្យស្បែកមានបញ្ហា ក្រៅតែពីជួយបន្ថយស្នាមក្រហមនៃមុន និងកម្ចាត់វាតែម្ដងនោះទេ
ក្រៅពីវិធីលាបទឹកម្រះនេះ អ្នកក៏អាចកិនវាយកទឹកមកញ៉ាំក៏បាន ព្រោះទឹកម្រះអាចចូលទៅបណ្ដេញជាតិពុលពីក្នុងឈាម ធ្វើឱ្យស្បែកស្រស់ថ្លា និងលែងកើតមុនជារៀងរហូត។