ជាធម្មតា យើងប្រាកដជាមិនបាច់គិតច្រើនទេក្នុងការជ្រើសរើសសំលៀកបំពាក់ គឺគ្រាន់តែរើសអាវមួយ ខោខោវប៊យមួយ គឺអាចចេញទៅរៀន ឬទៅធ្វើការបានយ៉ាងស្រួលខ្លួន។ ក៏ប៉ុន្តែសម្រាប់ពេលវេលា ឬកម្មវិធីសំខាន់ៗ ការជ្រើសរើសសំលៀកបំពាក់ក៏ក្លាយជារឿងដែលត្រូវគិត។ ដើម្បីឲ្យការស្លៀកពាក់មើលទៅកាន់តែលេចធ្លោ ថ្ងៃនេះយើងមកមើលពី Idea ក្នុងការស្លៀកពាក់សម្រាប់កម្មវិធីសំខាន់ៗមួយចំនួនខាងក្រោមនេះដូចតទៅ៖

១. ពិធីជប់លៀងបញ្ចប់ការសិក្សានៅសាកលវិទ្យាល័យ

នេះគឺជាពេលវេលាត្រូវបែកពីសាលារៀន ពីយុវភាពដែលមិនទាន់ដឹងក្ដី និងឈានចូលដំណាក់កាលមួយទៀតក្នុងជីវិត។ ដូច្នេះហើយគឺគ្រប់គ្នាចង់តែងខ្លួនឲ្យបានស្អាតបំផុត ប្រណិតបំផុត។ រ៉ូបម៉ូដប្រណិតៗស្អាតៗគឺសក្ដិសមបំផុតសម្រាប់កម្មវិធីមួយនេះ។

• ស្អាត​មិន​ចាញ់​តារា បើ​បាន​ស្លៀក​រ៉ូប​ទាំង​នេះ​ពេល​ចូលរួម​ពិធី​ជប់លៀង!

២. សម្ភាសការងារ

សម្រាប់ពេលសម្ភាសការងារ អ្នកគួរជ្រើសយកការស្លៀកពាក់ដែលមានរបៀបរៀបរយ ពណ៌មិនឆើត ដូចជាពណ៌ប្រផេះ ពណ៌ស ឬពណ៌ខ្មៅជាដើម ឲ្យមើលទៅ Professional គួរឲ្យជឿជាក់បាន។

• ទៅសម្ភាសន៍​ការងារថ្ងៃ​ដំបូង ស្រីៗ​គួរ​លេងម៉ូដ​​សំលៀកបំពាក់​ទាំង ១២ នេះ

៣. ណាត់ពិសេស (Dating ជាពិសេសលើកដំបូង)

នារីភាគច្រើននឹងមានអារម្មណ៍ភ័យៗបេលណាត់ជួបគូស្នេហ៍ ជាពិសេសពេលត្រូវជួបលើកដំបូង។ ជាជម្រើសល្អអ្នកគួរជ្រើសយកឈុតណាដែលមើលទៅ Girly ទន់ភ្លន់ គួរឲ្យស្រឡាញ់ ដើម្បីឲ្យមិត្តប្រុសចាប់អារម្មណ៍។ តែងខ្លួនឲ្យបានស្អាត ឬជ្រើសយកពណ៌ណាដែលអ្នកពេញចិត្តបំផុត ដូច្នេះអ្នកនឹងកាន់តែមានភាពជឿជាក់។ មួយទៀតត្រូវជ្រើសយកសំលៀកបំពាក់ដែលធ្វើឲ្យមានអារម្មណ៍ថាស្រួលខ្លួន មិនបង្កការរំខានដល់អ្នកនិងដៃគូ។

• ២៣ស្ទីល​តែង​ខ្លួន​​ណាត់​ជួប​គូ​ស្នេហ៍ តែ​ “អាវ​យឺត+ខោ​ខោវប៊យ” ធានា​ថា​គេ​លង់!

៤. ពិធីជប់លៀងមង្គលការ

កម្មវិធីមង្គលការ គឺជាពេលវេលាដែលយើងអាចតែងខ្លួនស្អាត ប្រណិតៗ ដូច្នេះអ្នកអាចកាត់រ៉ូប ឬឈុតពណ៌ឆើតៗដើម្បីលើកសម្រស់ខ្លួនឯង ហើយក៏ជាមង្គលដល់កូនកំលោះកូនក្រមុំដែរ។

• រ៉ូប​ច្នៃ​ពី​សំពត់​សូត្រ​​ពាក់​ចូល​រួម​កម្មវិធី​ ស្អាត​ៗ​ហើយ​មើល​ទៅ​​ថ្លៃ​ថ្នូរ

• សំលៀក​បំពាក់​៥​យ៉ាង​​​មនុស្ស​ស្រី​គួរ​ចៀស​វាង​ពេល​ចូល​រួម​មង្គលការ

៥. ពិធីបុណ្យសព

ដើម្បីសម្ដែងការរំលែកទុក្ខ និងកាន់ទុក្ខជាមួយក្រុមគ្រួសារសព អ្នកគួរជ្រើសរើសឈុតខ្មៅ ឬអាវស ដែលមានម៉ូដតិចតួចបំផុត ៕