១១ចំណុចដែលបុរសត្រូវការបំផុតពីមនុស្សស្រីដែលខ្លួនចង់រៀបការជាមួយ
- 2017-08-08 03:15:10
- ចំនួនមតិ 0 | ចំនួនចែករំលែក 0
១១ចំណុចដែលបុរសត្រូវការបំផុតពីមនុស្សស្រីដែលខ្លួនចង់រៀបការជាមួយ
មនុស្សប្រុសស្រឡាញ់ស្រីស្អាត ប៉ុន្តែបើសម្រស់ខាងក្នុងរបស់អ្នកមិនស្អាត នោះក៏មិនអាចធ្វើឲ្យគេនៅស្រឡាញ់អ្នករហូតបានឡើយ ហើយបើគិតដល់រឿងរៀបការសម្រស់ខាងក្នុងនេះ គឺសំខាន់ជាងរូបរាងខាងក្រៅទៅទៀត។ ខាងក្រោមនេះគឺជាចំណុចខ្លះៗដែលបុរសភាគច្រើនក្នុងសម័យនេះប្រាថ្នាចង់បានពីមនុស្សស្រីដែលខ្លួនស្រឡាញ់ជាគូអនាគត៖
១. ចេះធ្វើម្ហូប
ទោះបីម្ហូបតាមហាងឆ្ងាញ់ៗ តែម្ហូបដែលជាស្នាដៃមនុស្សស្រីដែលខ្លួនស្រឡាញ់តែងតែឆ្ងាញ់ពិសេសសម្រាប់គាត់។
២. ជាមនុស្សមានទឹកចិត្ត
អ្នកជាមនុស្សមិនអាត្មានិយម ចេះអាណិត យល់ចិត្តថ្លើមអ្នកដទៃ និងស្រឡាញ់គាត់ដោយចិត្តនិងចិត្ត។
៣. មានភាពទន់ភ្លន់
ទន់ភ្លន់តែមិនទន់ជ្រាយ ស្គាល់កាលៈទេសៈ ស្គាល់ចាស់ទុំ គឺជាមន្តស្នេហ៍មិនអាចខ្វះបានសម្រាប់មនុស្សស្រី។
៤. មានទេពកោសល្យពិសេសផ្នែកអ្វីមួយ
ទេពកោសល្យពិសេសមិនថាសិល្បៈ ឬជំនាញអ្វីមួយ គឺជាអ្វីដែលធ្វើឲ្យអ្នកលេចធ្លោក្នុងកែវភ្នែវរបស់គាត់ រួមទាំងមនុស្សនៅជុំវិញ។
៥. ចេះលេងសើច
បើចេះនិយាយស្ដីឲ្យគាត់សប្បាយចិត្តនោះ ធានាថាគាត់កាន់តែជាប់ចិត្តលើអ្នក។
៦. ជឿជាក់លើខ្លួនឯង
គាត់នឹងកាន់តែជឿជាក់លើអ្នក បើអ្នកមានភាពជឿជាក់លើខ្លួនឯង។
៧. មានភាពឯករាជ្យ
មានភាពម្ចាស់ការលើខ្លួនឯង គឺជាអ្វីដែលមនុស្សស្រីសម័យនេះត្រូវតែមាន។
៨. មានអាថ៌កំបាំង
មនុស្សស្រីទាក់ទាញមិនមែនបើកចំហរគ្រប់យ៉ាងទេ តែតែងមានអាថ៌កំបាំងពិសេសផ្ទាល់ខ្លួនណាមួយដែលមានតែមនុស្សពិសេសរបស់នាងប៉ុណ្ណោះអាចដឹង។
៩. គិតវិជ្ជមាន
គិតក្នុងផ្លូវវិជ្ជមាន ជីវិតស្នេហាអ្នកនឹងឈានទៅរកផ្លូវវិជ្ជមានដូចគ្នា។
១០. មានក្ដីស្រឡាញ់
មានក្ដីស្រឡាញ់ មានមនោសញ្ចេតនា សម្រាប់អ្នកដទៃ ជាពិសេសសម្រាប់គាត់ រួមទាំងឪពុកម្ដាយគាត់។
១១. ស្មោះត្រង់
ស្ថិតក្នុងកាលៈទេសៈណាក៏ដោយ ភាពស្មោះត្រង់គឺមិនអាចខ្វះបាន ៕