មនុស្សស្រីឆ្លាត មិនត្រូវស្រលាញ់មនុស្សប្រុសឲ្យអស់ពីពោះនោះទេ
- 2017-07-23 07:35:00
- ចំនួនមតិ 0 | ចំនួនចែករំលែក 0
មនុស្សស្រីឆ្លាត មិនត្រូវស្រលាញ់មនុស្សប្រុសឲ្យអស់ពីពោះនោះទេ
សេចក្តីស្រលាញ់ គឺតែងកើតចេញពីក្នុងចិត្តរបស់មនុស្សម្នាក់ៗ។ មនុស្សស្រីភាគច្រើន បានធ្លាក់ក្នុងអន្លង់ស្នេហ៍របស់បុរសៗស្ទើរតែ ១០០ភាគរយ ដែលមិនអាចធ្វើឲ្យខ្លួនឯងមានឱកាស សម្រាប់ស្រលាញ់ខ្លួនឯងវិញ។ ការស្រលាញ់ វាមិនមែនជាកំហុស ប៉ុន្តែការស្រលាញ់ងប់ងល់ខ្លាំង វាអាចជាបញ្ហាសម្រាប់មនុស្សស្រីខ្លួនឯងផ្ទាល់។ ដូចនេះ មនុស្សស្រីគ្រប់រូប មិនគួរដាក់ចិត្តស្រលាញ់មនុស្សប្រុស ឲ្យអស់ពីពោះនោះទេ។ បើអាច យ៉ាងច្រើនបំផុត យើងគួរស្រលាញ់គេ ត្រឹមតែ ៧០ ឬ ៨០ភាគរយ ហើយទុកចំណែកខ្លះសម្រាប់ជីវិតផ្ទាល់ខ្លួនវិញ។ ការស្រលាញ់នរណាម្នាក់អស់ពីពោះ ពីពង់ វាអាចធ្វើឲ្យអ្នក ប្រឈមនឹងបញ្ហាមួយចំនួនដូចជា៖
១. ឈឺចាប់ខ្លាំងពេលបែកគ្នា
យើងមិនអាចមើលឃើញពីអនាគត បានត្រឹមត្រូវ ១០០ភាគរយនោះទេ។ ដូចនេះ ប្រសិនបើពេលណាមួយអ្នកទាំង ២ ត្រូវបែកគ្នាដោយប្រការណាមួយ ឬ ក៏អ្នកត្រូវបានគេបោះបង់ចោល អ្នកនឹងមិនសូវជាឈឺចាប់ខ្លាំង រហូតដល់ចង់សម្លាប់ខ្លួន ព្រោះថាអ្នកនៅសល់ចំណែកខ្លះ ដើម្បីស្រលាញ់ខ្លួនឯង។
ចុច៖ ចង់ឲ្យសង្សារចាស់ឈឺចាប់និងស្ដាយក្រោយ ស្រីៗអាចធ្វើរឿងទាំងនេះបាន
២. ប្រច័ណ្ឌខ្លាំង
ធម្មតាទេ បើស្រលាញ់ខ្លាំង គឺប្រច័ណ្ឌខ្លាំង រហូតអាចធ្វើអ្វីភ្លាមៗ ដោយខ្វះការពិចារណាវែងឆ្ងាយ ដែលអាចបណ្តាលឲ្យជីវិតរបស់អ្នក នឹងមានបញ្ហា។
៣. គ្មានពេលស្រលាញ់ខ្លួនឯង
ដោយសារតែស្រលាញ់គេពេក អ្នកក៏គិតតែធ្វើអ្វីគ្រប់យ៉ាងដើម្បីគេ គ្មានពេលសម្រាប់ធ្វើអ្វីដែលខ្លួនស្រលាញ់។
៤. បារម្ភច្រើន
ខ្វល់ចិត្ត ខ្លាចគេមិនស្រលាញ់ខ្លួនវិញ។ បារម្ភ ខ្លាចថ្ងៃណាមួយនឹងបាត់បង់គេ ធ្វើឲ្យខ្លួនឯងមិនអាចរៀនរស់ដោយគ្មានគេបាន។
៥. ក្លាយជាមនុស្សស្រីល្ងង់ម្នាក់
ព្រោះតែស្រលាញ់គេពេក ដូចនេះ ក៏ស្ម័គ្រចិត្តជឿជាក់លើគេគ្រប់យ៉ាង រហូតពេលខ្លះគេហ៊ានកុហក់ ក៏នៅតែទ្រាំជឿគេទៀត។ អ្នកនឹងត្រូវចាញ់បោកគេ ហើយគេនឹងក្លាយជាមនុស្សប្រុស ដែលក្រអើតក្រទមចំពោះអ្នក ព្រោះថាគេបានដឹងចិត្តអ្នក អស់ទៅហើយ។
៦. គ្មានហេតុផល
ក្តីស្រលាញ់អស់ពីពោះ ធ្វើឲ្យអ្នកក្លាយជាមនុស្សគ្មានហេតុផល ស្តាប់តែមួយចំហៀង ហើយលំអៀងចិត្ត ដោយសារស្រលាញ់គេខ្លាំងពេក។
៧. សុខចិត្តលះបង់អ្វីគ្រប់យ៉ាង
រឿងខ្លះដែលអ្នកមិនគួរធ្វើ ក៏អ្នកត្រូវធ្វើ ដើម្បីផ្គាប់ចិត្តគេដែរ។ សឹងថា គេឲ្យអ្នកស្អប់ឪពុកម្តាយរបស់ខ្លួន ក៏អ្នកនៅតែធ្វើតាម។
៨. ងប់ងល់តែនឹងរឿងស្នេហា
យូរៗទៅ សូម្បីតែដេកដើរឈរ អង្គុយ ក៏អ្នកគិតតែពីគេ ស្ទើរតែបាត់គេ ១នាទី មិនបាន។ អ្នកនឹងគ្មានការវិវត្តទៅណាកើតនោះទេ បើរវល់តែគិតបែបនេះនោះ៕
៩. បង្កើតជាភ្លើងគំនុំ
តាមធម៌ព្រះ បានសម្តែងថា «សេចក្តីស្អប់ខ្លាំង ផ្តើមមកពីការស្រលាញ់ខ្លាំង»។ ដូចនេះ វាមិនខុសនោះទេ ដែលអ្នកនឹងមានចិត្តគុំគួន ចងអាឃាតគ្នាទៅវិញ ទៅមក ដោយសារតែមិនអាចទទួលបានក្តីស្រលាញ់ដូចបំណង។ បើអ្នកកុំស្រលាញ់គេខ្លាំងពេក ក៏ប្រហែលជាអ្នកមិនមានចិត្តខឹង ដល់ថ្នាក់នេះដែរ។
១០. ពិបាកទទួលយកស្នេហាថ្មី
វាដួចជាការធ្វើបាបខ្លួនឯង ប្រសិនបើអ្នកនៅតែស្រលាញ់គេខ្លាំង ប៉ុន្តែគេបានទៅចោលអ្នក។ អ្នកនឹង បាត់បង់ជំនឿចិត្តក្នុងរឿងស្នេហា ហើយមើលទៅប្រុសណាផ្សេងក៏មិនឃើញល្អនោះដែរ៕
ចុចអាន៖ ៥ ហេតុផលដែលយើងគួរតែកាត់ចិត្ត ពីមនុស្សដែលមិនស្រឡាញ់យើង