ខាងស្រីមានប្រាក់ច្រើនប៉ុណ្ណា បើហ៊ានធ្វើរឿង ៧ យ៉ាងនេះ ប្ដីនឹងរត់ចោល

2017-07-11 01:35:23
ចំនួនមតិ 0 | ចំនួនចែករំលែក 0

មានបុរសមួយចំនួនបានរៀបការជាមួយនារីដែលមានទ្រព្យ និងជីវភាពខ្ពស់ជាងខ្លួន។ តែស្រីៗកុំច្រឡំថាមានលុយហើយអាចធ្វើរឿងទាំងនេះបានឲ្យសោះណា ព្រោះប្ដីនឹងរត់ចោលនៅពេលណាគេទ្រាំលែងបាន៖

១.កាត់ផ្ដាច់ទំនាក់ទំនងជាមួយឪពុកម្ដាយគេ

បើភរិយាណាហ៊ានធ្វើរឿងបែបនេះមែន ទោះជាមានលុយច្រើនប៉ុណ្ណាក៏ប្ដីមិនអាចនៅត្រាំត្រែងជាមួយបានដែរ។ ទង្វើនេះប្រៀបបីដូចជាការគាបសង្កត់ផ្លូវចិត្តបុរស ហើយគេក៏មិនអាចបោះបង់អ្នកមានគុណ ឬសាច់ញាតិគេបានដែរ។

២.ដាក់កំហិតគ្រប់រឿង

មនុស្សស្រីខ្លះអាងខ្លួនមានប្រាក់ ឬអាចរកចំណូលបានច្រើនជាងប្ដី ក៏ព្យាយាមដាក់កំហិតគេគ្រប់រឿងដូចជា ទៅណាមកណាបានត្រូវកំណត់ម៉ោង, មិនឲ្យរាប់អានជាមួយមិត្តភ័ក្ដិ, មិនអាចធ្វើ ឬសម្រេចចិត្តអ្វីមួយដោយខ្លួនឯង...។ បុរសពិតជាត្រូវការមុខមាត់ និងកិត្តិយសខ្លាំងណាស់ ហើយប្រពន្ធធ្វើបែបនេះដាក់ គេនឹងចិត្តដាច់ចាកចោលយើង។

៣.មើលងាយ

គ្រប់ភរិយាកុំអាងខ្លួនមានលុយ ហើយហ៊ានប្រើពាក្យសម្ដីមើលងាយមើលថោកប្ដី។ បើមានរឿងបែបនេះមែនទោះ ស្វាមីគង់នឹងអស់ការស្រលាញ់ និងចាកចេញទៅរកអ្នកថ្មីដែលគេមិននិយាយស្ដីបែបនេះដាក់គេ។

៤.បញ្ជា

ប្រសិនបើស្ត្រីជាភរិយាចូលចិត្តបញ្ជាប្ដីឲ្យធ្វើនេះធ្វើនោះ តាមតែចិត្តខ្លួន មិនយូរទេ គេនឹងទៅចោលដោយគ្មានអាឡោះអាល័យ។ ព្រោះការបង្គាប់បញ្ជាឲ្យស្វាមីធ្វើតាមខ្លួន គឺជារឿងដែលមិនសមរម្យឡើយ។

៥.វាយដំ

ការប្រើអំពើហិង្សាដាក់បុរស គឺជារឿងមិនល្អឡើយ ហើយស្វាមីក៏គ្មានថ្ងៃចង់រស់នៅក្បែរប្រពន្ធធ្វើបែបនេះដាក់ខ្លួនដែរ។

៦.គំរាមកំហែង

មនុស្សប្រុសស្អប់ការគំរាមកំហែងនេះខ្លាំងណាស់ ហើយបើមនុស្សស្រីជាភរិយាជាអ្នកធ្វើទៀត នោះគេមិនអាចបន្តការរស់នៅជាមួយគ្នាបានទៀតទេ។

៧.ការស្តីបន្ទោស

ពាក្យសម្ដីបង្អាក់,វាយប្រហារទឹកចិត្ត ឬជាការស្ដីបន្ទោស គឺជាមូលហេតុដែលមនុស្សប្រុសមិនអាចរស់នៅជាមួយយើងបានយូរអង្វែង៕

ទោះជាយ៉ាងណា ទង្វើទាំងនោះក៏មិនអាចប្រព្រឹត្តលើស្ត្រីដែលជាភរិយាដែរ!

ចុចអាន៖បើមិនចេះធ្វើរឿងទាំងនេះ ប្រយ័ត្នបុរសល្អៗរបូតចេញពីដៃបាត់

ប្រភព៖ familyshare ប្រែសម្រួល៖ ទ្រី រ៉ាវី