ហេតុផលដែលមនុស្សស្រីមានសម្រស់ទាក់ទាញបែរជាពិបាករកសង្សារ

2017-07-10 10:37:32
ចំនួនមតិ 0 | ចំនួនចែករំលែក 0

ផ្នត់គំនិតរបស់មនុស្សស្រីភាគច្រើនតែងតែគិតថា នៅពេលដែលពួកគេមានសម្រស់ស្អាតនិងមានភាពទាក់ទាញគឺមិនចាំបាច់បារម្ភខ្លាចអត់អ្នកស្រឡាញ់ទេ។ ប៉ុន្តែការគិតបែបនេះអាចនឹងផ្ទុយស្រលះ ព្រោះពេលខ្លះមនុស្សស្រីដែលមានភាពទាក់ទាញទៅវិញទេដែលជាមនុស្សពិបាករកសង្សារដោយសារតែហេតុផលមួយចំនួនដូចខាងក្រោម៖

១. មានជម្រើសច្រើន៖ ប្រាកដណាស់នៅពេលដែលពួកគេជាមនុស្សស្រីទាក់ទាញ នោះពួកគេនឹងមានអ្នកតាមស្រឡាញ់និងចាប់អារម្មណ៍ច្រើន។ ចំនុចនេះធ្វើឱ្យគេបាត់បង់ភាពម្ចាស់ការលើខ្លួនឯងដោយសារតែមានជម្រើសច្រើនពេក។

រូបតំណាង

**២. ត្រូវលះបង់មិត្តភាព៖** មនុស្សស្រីដែលមានភាពលេចធ្លោខ្លាំង តែងតែមិនសូវមានមិត្តភក្តិរាប់អានច្រើនទេព្រោះពួកគេអាចនឹងមានការច្រណែន។

៣. ត្រូវគេរិះគន់៖ ងាយនឹងទទួលការរិះគន់ពីអ្នកដទៃតាមរយៈភាពទាក់ទាញពីធម្មជាតិរបស់ខ្លួន។

៤. មនុស្សប្រុសស្រឡាញ់តែខ្លួនប្រាណ៖ នៅក្នុងក្រសែភ្នែករបស់ប្រុសៗ មនុស្សស្រីដែលមានភាពទាក់ទាញដូច្នេះត្រូវបានគេចាត់ទុកត្រឹមតែជាការកម្សាន្តប៉ុណ្ណោះ បើទោះបីនាងជាមនុស្សត្រឹមត្រូវយ៉ាងណាក៏ដោយ។

៥. ពិបាកស្មានជម្រៅចិត្តអ្នកដទៃ៖ ច្បាស់ណាស់នៅពេលអ្នកពិចារណាទៅលើមនុស្សច្រើនប្រភេទពេក វានឹងទៅជាច្រលូកច្រលំគ្នាបែងចែកពីទង្វើនិងជម្រៅចិត្តរបស់អ្នកដទៃមិនដាច់៕

ប្រភព៖ relrules ប្រែសម្រួល៖ អ៊ុង រ័ត្នបញ្ញា