ហេតុផលសំខាន់ៗ ដែលធ្វើឲ្យមនុស្សស្រីឃ្លានមិនឈប់ រហូតបណ្ដាលឲ្យធាត់
- 2017-06-20 10:08:28
- ចំនួនមតិ 0 | ចំនួនចែករំលែក 0
ហេតុផលសំខាន់ៗ ដែលធ្វើឲ្យមនុស្សស្រីឃ្លានមិនឈប់ រហូតបណ្ដាលឲ្យធាត់
ហេតុអ្វីបានជាមនុស្សស្រីឃ្លានមិនឈប់បែបនេះ? នេះគឺព្រោះតែភាពស្មុគស្មាញ និងហេតុផលជាច្រើនទៀត។ បើចង់ដឹងកាន់តែលម្អិត សូមអានចម្លើយនៅខាងក្រោមនេះ៖
១.មកពីអផ្សុក
សម្រាប់អ្នកដែលអផ្សុកគ្មានការងារធ្វើ , គ្មានការសិក្សា ឬមិនមានរបររកស៊ីអ្វីនោះ គឺដឹងតែញ៉ាំមួយមុខប៉ុណ្ណោះ។ ហេតុផលនេះហើយទើបបណ្ដាលឲ្យយើងញ៉ាំរហូតធ្លាក់ខ្លួនទៅជាស្រីធាត់។
**២.ក្រៀមក្រំ ឬឯកោ**
នេះក៏ជាកត្តាសំខាន់ដែលធ្វើឲ្យឃ្លាន ហើយក៏ធាត់ដែរ ព្រោះពេលយើងមិនបានចេញទៅណា ដោយអង្គុយតែក្នុងបន្ទប់ នោះអ្វីដែលនឹកឃើញគឺមានតែការញ៉ាំតែមុខគត់។
៣.ស្រ្តេស
នេះជាបញ្ហាធ្ងន់ធ្ងរបំផុតសម្រាប់មនុស្សស្រី។ កាលណាយើងកាន់តែស្រ្តេស នោះកាន់តែឃ្លាន ហើយក៏កាន់តែធាត់ខ្លាំងដែរ។
៤.មិនញ៉ាំអាហារពេលព្រឹក
នារីៗខ្លះ ព្រោះតែខ្លាចធាត់ទើបមិនញ៉ាំអាហារពេលព្រឹក តែនោះជារឿងខុសឆ្គងទៅវិញទេ។
៥.ការមិនទទួលទានប្រូតេអ៊ីន
ប្រសិនបើរាងកាយស្រ្តីមិនទទួលបានប្រូតេអ៊ីនគ្រប់គ្រាន់ទេ នោះហើយគឺជាមូលហេតុដែលធ្វើឲ្យធាត់។ តែបើញ៉ាំអាហារដែលសម្បូរប្រូតេអ៊ីន នោះធ្វើឲ្យយើងមិនងាយឃ្លាន។
៦.គេងមិនបានឆ្អែត
ការគេងមិនឆ្អែតធ្វើឲ្យរាងកាយចុះអន់ថយ ហើយដើម្បីបំពេញការខ្វះខាតនេះ យើងបែរជាជ្រើសយកការទទួលទានឲ្យច្រើនជំនួសវិញ។
៧.គ្មានសកម្មភាពអ្វីសោះ
ត្រង់ចំណុចនេះចងបញ្ជាក់ពីការខ្វះលំហាត់ប្រាណ ទើបខ្លាញ់អាចប្រមូលផ្ដុំនៅមួយកន្លែងបាន ជាពិសេសក្បាលពោះ, គូទ,ដើមដៃ,ភ្លៅ និងកន្លែងផ្សេងៗទៀត៕
ចុចអាន៖មនុស្សស្រីស្បែកស្អាតៗ គេតែងមានទម្លាប់ទាំង ៤ នេះ