ក្រោយរៀបការ ស្ត្រីតែងជួបប្រទះផលលំបាកទាំងនេះគ្រប់គ្នា

2017-05-23 03:02:35
ចំនួនមតិ 0 | ចំនួនចែករំលែក 0

ក្រោយរៀបការ ស្រីៗតែងជួបប្រទះបញ្ហាជាច្រើន ខុសពេលដែលនៅខ្លួនមួយ ហើយ ១ ឆ្នាំដំបូងក្រោយចំណង់អាពាហ៍ពិពាហ៍នេះ ភាគច្រើនពួកយើងឆ្លងកាត់រឿងរ៉ាវទាំង ៥ ខាងក្រោម៖

១.ចែករំលែកពេលផ្ទាល់ខ្លួនឯងច្រើនទៅឲ្យស្វាមី៖ ក្រោយរៀបការហើយនេះគឺជារឿងដែលយើងគ្រប់គ្នាតែងតែជួបប្រទះ។ អំឡុងពេលនេះស្រីៗតែងចំណាយពេលនៅជាមួយស្វាមីច្រើន ហើយពេលផ្ទាល់ខ្លួនសម្រាប់មិត្តភ័ក្ដិ និងឪពុកម្ដាយមិនសូវមានដូចពីមុនឡើយ។

រូបតំណាង

**២**.គ្មានទំនាក់ទំនងជាមួយមិត្តភ័ក្ដិថ្មី៖ ការរាប់អានមិត្តភ័ក្ដិថ្មីទាំងប្រុស-ស្រី គឺសឹងតែគ្មាន ព្រោះយើងមិនមានពេលគ្រប់គ្រាន់ដែលអាចណាត់ជួបពិភាក្សា ឬដើរលេងជាមួយគ្នាដូចពេលមិនទាន់មានគ្រួសារទេ។

៣.គិតគូរច្រើន៖ ក្រោយពេលសាងគ្រួសារថ្មី យើងតែងគិតគូររឿងអនាគតច្រើនដូចជាបញ្ហាកូន,ផ្ទះសម្បែង និងរបស់របរប្រើប្រាស់ទំនើបៗផ្សេងៗទៀត។

៤.ការរំពឹងខ្ពស់៖ បន្ទាប់ពីរៀបការហើយ មនុស្សស្រីមានការរំពឹងខ្ពស់លើដៃគូ តែពេលខ្លះលទ្ធផលមិនបានដូចអ្វីដែលចង់បានឡើយ និងអាចធ្វើឲ្យយើងបាក់ទឹកចិត្តក៏ថាបាន។

៥.ព្យាយាមសម្របខ្លួនតាមស្វាមីពេក៖ អាចថាជាការយកចិត្តថ្លើម ទើបយើងត្រូវធ្វើអ្វីៗតាមចិត្តដៃគូ រហូតដល់ពេលខ្លះយើងមិនដូចយើងកាលពីនៅលីវ៕