ស្រលាញ់នរណាម្នាក់ខ្លាំងពេក កុំឲ្យគេដឹង ប្រយ័ត្នគេ...

2017-05-22 07:43:03
ចំនួនមតិ 0 | ចំនួនចែករំលែក 0

ដូចនឹងកូនក្មេងដែរ នៅពេលដែលយើងតាមចិត្តគេខ្លាំងពេក គេនឹងបានចិត្តហើយធ្វើបាបចិត្តយើងលើសដើម។

អ្នកទាំងអស់មានដឹងទេថា ពេលខ្លះភាពឈឺចាប់គឺដោយសារយើងភាន់ច្រឡំពីតំណែងរបស់យើងនៅក្នុងចិត្តនរណាម្នាក់។ មានមនុស្សជាច្រើនស្លាប់រស់ដោយសារស្នេហា ចុកចាប់ លះបង់អ្វីៗគ្រប់យ៉ាង។ ខ្ញុំនឹងមិនវាយតម្លៃថានេះជាទង្វើត្រូវឬខុសនោះទេ តែមិនគួរធ្វើដូចនេះឡើយ។ កូនក្មេងកាលពីតូច នៅពេលដឹងថាអ្នកផ្ទះស្រលាញ់ខ្លាំងពេក នឹងប្រែជាខូច។ ដូចគ្នាដែរ មនុស្សធំក៏អញ្ចឹង បើគេដឹងថាយើងស្រលាញ់គេខ្លាំង គេនឹងធ្វើបាបយើង។

រូបតំណាង

នៅទីបញ្ចប់ គោលដៅនៃការស្រលាញ់គ្នា ក៏គ្រាន់តែចង់បានសុភមង្គល។ គេរំពឹងឲ្យយើងនឹករលឹក ស្រលាញ់យកចិត្តទុកដាក់លើគេ ចំណាយពេលវេលាដើម្បីគេ។ តែបើសិនជារាល់ទង្វើនេះចេញមកតែពីខាងយើង នេះគេហៅថា "ស្នេហាអាត្មានិយម "។ បើការស្រលាញ់នេះ នាំមកតែការឈឺចាប់ គួរតែបញ្ចប់វាទៅ។

បញ្ចប់មនោសញ្ចេតនាមួយគឺមិនគួរឲ្យខ្លាចនោះទេ ព្រោះដោយហេតុផលណាមួយ យើងគង់តែបែកគ្នា រួមបញ្ចូលទាំងការស្លាប់។ អ្វីដែលគួរឲ្យខ្លាចនោះគឺ ស្រលាញ់គេពេក មិនហ៊ានដោះដៃចេញ។ ពេលគេដឹងថាយើងស្រលាញ់ខ្លាំងពេក នឹងធ្វើបាបចិត្តយើង។ តាមនោះដែរ បើមានស្នេហា កុំស្រលាញ់ ឬដាក់មនោសញ្ចេតនាធ្ងន់ពេក។ បើជ្រុលដាក់ហើយ កុំឲ្យគេដឹង បើមិនដូចនេះទេ គេនឹងបានចិត្ត ធ្វើឲ្យយើងឈឺចាប់៕

ចុចអាន:

ប្រភព៖ Guu ប្រែសម្រួល៖ Caramel