ម្ដាយក្មេក ៥ ប្រភេទដែលកូនប្រសាស្រីពិបាកទប់ទល់
- 2017-03-25 04:32:57
- ចំនួនមតិ 0 | ចំនួនចែករំលែក 0
ម្ដាយក្មេក ៥ ប្រភេទដែលកូនប្រសាស្រីពិបាកទប់ទល់
មិនមែនគ្រប់ម្ដាយក្មេកទាំងអស់សុទ្ធតែល្អ ហើយងាយស្រួលចុះសម្រុងជាមួយយើងទេ។ ដូចនេះម្ដាយក្មេក ៥ ប្រភេទខាងក្រោមនេះធ្វើឲ្យកូនប្រសាស្រីដូចយើងពិបាកទប់ទល់បំផុត៖
១.ម្ដាយក្មេកស្អប់កូនប្រសា
ម្ដាយក្មេកជំពូកនេះ ពិតជាពិបាកទប់ទល់បំផុតហើយ ព្រោះទោះជាយើងធ្វើអ្វីក៏គាត់មិនពេញចិត្តដែរ ហើយព្យាយាមរកកំហុសយើងគ្រប់យ៉ាង។ វិធីល្អបំផុត គឺមិនគួររស់នៅជាមួយគាត់ឡើយ គួរបែកផ្ទះផ្សេង។ ម្យ៉ាងទៀតពេលគាត់រករឿងយើង ទាល់តែស្វាមីនៅខាងយើង ទើបគាត់មិនសូវហ៊ានជាមួយ។
**២.ម៉ែក្មេកឆើតឆាយ**
បើមានម្ដាយក្មេកក្នុងប្រភេទទី២ នេះវិធីទប់ទល់នឹងគាត់មិនសូវជាលំបាកឡើយ គ្រាន់តែយើងធ្វើខ្លួនឡូយឆើយដូចគាត់ ហើយត្រូវឧស្សាហ៍បបួលគាត់ចូលហាងទំនើប។
៣.ម្ដាយក្មេកដែលចង់បានចៅ
តាមពិតគាត់មិនពិបាកឡើយ តែយើងវិញទេដែលពិបាកព្រោះគាត់គ្រាន់តែងតែទាមទារចង់មានចៅឲ្យគាត់មើលប៉ុណ្ណោះ ទាំងយើងមិនទាន់ចង់។
៤.ម៉ែក្មេកកំពូលល្បិច
ស្រីៗដែលមានម៉ែក្មេកប្រភេទនេះ ពិតជាពិបាកខ្លាំងបំផុតហើយ ព្រោះគាត់មិនបង្ហាញនៅចំពោះមុខយើងទេ តែរកគ្រប់វិធីដើម្បីបំបែកបំបាក់យើង និងគ្រួសារ។
៥. ម៉ែក្មេកដែលស្រលាញ់កូនប្រុសគាត់ពេក
ទោះគាត់មិនរករឿង ឬរកវិធីបំបែកបំបាក់យើងក៏ពិតមែន តែយើងក៏នៅហត់កាយបន្តិចដែរ ព្រោះគាត់ស្រលាញ់កូនបង្កើតគាត់ពេក រហូតមិនអនុញ្ញាតឲ្យជួយកិច្ចការផ្ទះយើងទេ។ តែយ៉ាងហោចណាស់ប្រសើរជាងម្ដាយក្មេកបីជំពូកទៀត៕