ស្រឡាញ់ ត្រូវលះបង់ឲ្យគេមានសេរីភាព តែយើងបែរជាឈឺចាប់ គួរធ្វើយ៉ាងណា?
- 2017-01-19 06:37:38
- ចំនួនមតិ 0 | ចំនួនចែករំលែក 0
ស្រឡាញ់ ត្រូវលះបង់ឲ្យគេមានសេរីភាព តែយើងបែរជាឈឺចាប់ គួរធ្វើយ៉ាងណា?
ធ្លាប់ឮគេនិយាយថា «បើស្រឡាញ់ គួរតែឲ្យគេមានសេរីភាព» ទេ? ពេលខ្លះស្រឡាញ់គេស្ទើរលេប តែបែរជាឲ្យគេទៅស្រីផ្សេង ព្រោះយើងគ្មានសិទ្ធលើបេះដូងគេ។ បើអញ្ចឹង តើគួរម៉េចកុំឲ្យឈឺខ្លាំងពេក?
១. ចាំឲ្យច្បាស់ថាហេតុអ្វីយើងធ្វើបែបនោះ៖ អាចថាដើម្បីសេចក្ដីសុខរបស់គេ ឬដើម្បីឲ្យគេស្រឡាញ់ស្រីផ្សេងដែលសក្ដិសមជាង។ កុំភ្លេចហេតុផលទាំងនេះឲ្យសោះ ព្រោះវាអាចធ្វើឲ្យយើងឆាប់កាត់ចិត្ត និងមិនស្ដាយក្រោយរាល់ពេលឃើញគេ។
២. ដឹងថាវាគឺជាការសម្រេចចិត្តត្រូវ៖ បើយើងពិតជាស្រឡាញ់ តែមិនអាចបានបេះដូងគេ យើងគួរតែឲ្យគេជួបសុភមង្គលពិត។ នេះជារឿងត្រឹមត្រូវព្រោះក្នុងជីវិត មិនមែនគ្រប់រឿងសុទ្ធតែជោគជ័យនោះទេ។
៣. រកការគាំទ្រពីមិត្តភ័ក្ដិ៖ បើពិបាកក្នុងខ្លួនពេក យើងអាចប្រាប់ពីអារម្មណ៍នេះទៅមិត្តភ័ក្ដិ ឬ គ្រួសារក៏បានព្រោះពួកគេអាចផ្ដល់ជំនួយដោយចែករំលែកបទពិសោធន៍ធ្លាប់ឆ្លងកាត់កន្លងមក។
៤. ធ្វើខ្លួនឯងឲ្យរវល់៖ វាល្អបំផុតសម្រាប់ពេលនេះ។ ធ្វើការ ឬចេញទៅក្រៅ, រកភាពយន្តល្អៗមើល ជាមួយមិត្តភ័ក្ដិវិញ។
៥. ឲ្យពេលខ្លួនឯងខ្លះ៖ កុំគិតថាយើងមិនអាចធ្វើបាន។ អ្វីដែលចាំបាច់សម្រាប់ពេលនេះគឺ ពេលវេលាដើម្បីព្យាបាលបេះដូងខ្លួនឯង។
៦. ទទួលស្គាល់ការសម្រេចចិត្តរបស់ខ្លួនឯង ហើរយដើរទៅមុខទៀត៖ វានឹងធ្វើឲ្យអារម្មណ៍យើងស្ងប់។
«បើស្រឡាញ់ពិត ត្រូវឲ្យគេមានសេរីភាព» គឺជាការពិតដែលពិបាកទទួលយកបាន ប៉ុន្តែដើម្បីមនុស្សដែលយើងស្រឡាញ់ វាក៏ជារឿងមួយមានតម្លៃដែរ៕