ប្ដីប្រពន្ធទើបរៀបការ គួររើសកន្លែងក្រេបទឹកឃ្មុំដ៏សក្ដិសម និងចំណាយអស់តិចតាម ៥ ជំហាននេះ

2016-12-16 02:26:53
ចំនួនមតិ 0 | ចំនួនចែករំលែក 0

ទើបរៀបមង្គលការរួចថ្មីថ្មោង ហើយចង់ទៅក្រេបទឹកឃ្មុំ តែមិនដឹងធ្វើរបៀបណាមែនទេ? ប្រសិនបើមានគម្រោងដូច្នេះមែន អ្នកត្រូវចេះជ្រើសរើសកន្លែងឲ្យបានល្អជាមុនសិន។ កញ្ញា នឹងបង្ហញពីវិធីជ្រើសរើសកន្លែងក្រេបទឹកឃ្មុំដ៏ល្អសក្ដិសមបំផុត និងចំណាយអស់តិច៖

១. ថវិកា

ការចំណាយក្លាយជាកត្តាដ៏ធំមួយនៅក្នុងការសម្រេចចិត្តថាត្រូវជ្រើសរើសកន្លែងណាដែលសក្ដិសម។ ប្រសិនបើអ្នកមានប្រាក់មធ្យមគួរជ្រើសរើសកន្លែងក្រេបទឹកឃ្មុំនៅក្នុងស្រុក តែបើលុយច្រើនវិញគួរតែទៅបរទេសដើម្បីផ្លាស់ប្ដូរបរិយាកាស។

២. ពិនិត្យមើលអាកាសធាតុ

រឿងដំបូងដែលត្រូវគិតនោះគឺអាកាសធាតុ តើថាអ្នកចូលចិត្តអាកាសធាតុបែបណា ក្ដៅត្រជាក់ សើម ឬស្ងួត? វិធីបែបនេះនឹងធ្វើឲ្យដំណើរក្រេបទឹកឃ្មុំរបស់ផ្អែមល្ហែមជាក់ជាមិនខាន។

៣. កន្លែងស្នាក់នៅ

សណ្ឋាគារគឺជាកន្លែងដ៏ល្អបំផុត ប៉ុន្តែអាចនឹងមានតម្លៃថ្លៃ។ ដូចនេះប្រសិនបើអ្នកមានគម្រោងថាទៅក្រេបទឹកឃ្មុំនៅក្រៅប្រទេសគួរតែទិញជាកញ្ចប់សេវាកម្មដែលរួមមានទាំងថ្លៃធ្វើដំណើរ កន្លែងស្នាក់នៅ និងអាហារជាដើម។

៤. បន្ទប់គេង

នៅពេលកក់សណ្ឋាគារត្រូវប្រាប់គេថាអ្នកទៅក្រេបទឹកឃ្មុំ បើប្រាប់គេបែបនេះគេនឹងរៀបចំបន្ទប់ ឲ្យមានភាពប្លែកពីធម្មតា និងរៀបចំអាហារពេលយប់ដ៏រ៉ូមែនទិកដើម្បីធ្វើឲ្យការក្រេបទឹកឃ្មុំរាត្រីនោះកាន់តែផ្អែមល្ហែម មិនអាចបំភ្លេចបាន។