ជាការពិត ម្នាក់ៗតែងមានប្រភេទផ្លែឈើដែលខ្លួនចូលចិត្តញុំាបំផុត ហើយតែងមិនដែលរំលងនូវផ្លែឈើមួយមុខនោះនៅគ្រប់មុខម្ហូប ឬ ភេសជ្ជៈរបស់ខ្លួន។ មិនថាអ្នកចូលចិត្តញុំាប្រភេទផ្លែឈើដែលអាចផ្តល់អត្ថប្រយោជន៍ខ្លាំងដល់រាងកាយ ឬ ក៏អត់នោះទេ វាសុទ្ធសឹងជាសញ្ញាបង្ហាញប្រាប់ថាអ្នកគឺជាមនុស្សដែលមានអត្តចរិត និង បុគ្គលិកលក្ខណៈបែបណា៖
- **ផ្លែប៉ោម៖** អ្នកចូលចិត្តបរិភោគផ្លែប៉ោមជាមនុស្សដែលពោរពេញដោយភាពស្រស់ស្រាយ និង ភាពទាក់ទាញ។ អ្នកជាមនុស្សដែលគ្រប់គ្នាចូលចិត្ត ពោលគឺមិនខ្វះអ្នកស្រឡាញ់រាប់អានឡើយ។ យ៉ាងណាមិញ អ្នកគួរប្រុងប្រយ័ត្នជាមួយអារម្មណ៍ឆេវឆាវរបស់អ្នកផងដែរ។
-
ផ្លែចេក៖ សម្រាប់អ្នកចូលចិត្តផ្លែចេកវិញជាមនុស្សដែលមានចិត្តទន់។ អ្នកមានចិត្តទូលាយ ហើយតែងផ្តល់ភាពកក់ក្តៅដល់គេគ្រប់គ្នា និងជាមនុស្សដែលអ្នកដទៃអាចពឹងពាក់បាន តែព្យាយាមកុំអនុញ្ញាតឱ្យគេប្រើប្រាស់ទឹកចិត្តដ៏ល្អរបស់អ្នកជាការលេងសើចឱ្យសោះ។
-
ផ្លែដូង៖ ស្រដៀងនឹងផ្លែដូងដែរ អ្នកជាមនុស្សដែលរឹងមាំពីខាងក្រៅ និង មិនងាយឱ្យអ្នកណាម្នាក់ដឹងចិត្តឡើយ។ នៅក្នុងភ្នែកអ្នកដទៃ អ្នកអាចជាមនុស្សមើលទៅម៉ឺងម៉ាត់ តែពេលពួកគេស្គាល់អ្នកច្បាស់គេប្រាកដជាដឹងថាអ្នកជាមនុស្សមានគំនិតចាស់ទុំ ឈ្លៀសវៃ និង ឆ្លាតខ្លាំង។
-
ផ្លែក្រូច៖ អ្នកអាចមើលទៅមានការអៀនខ្មាសច្រើនបន្តិច ប៉ុន្តែធាតុពិតអ្នកជាមនុស្សដែលពោរពេញដោយសមត្ថភាព។ អ្នកមានភាពឧស្សាហ៍ព្យាយាម និង តែងខិតខំប្រឹងអស់ពីលទ្ធភាពដើម្បីធ្វើជាមិត្ត និង ដៃគូដ៏ល្អបំផុតសម្រាប់គេឯង។
-
ផ្លែប៉េះ៖ អ្នកជាមនុស្សរួសរាយខ្លាំង ហើយមានភាពក្លាហាន ហ៊ានធ្វើអ្វីដែលខ្លួនប្រាថ្នា។ បើនិយាយពីខាងក្នុងចិត្តរបស់អ្នក អ្នកមានចិត្តទូលាយ ងាយបំភ្លេច និង លើកលែងកំហុសឱ្យអ្នកដទៃ។
-
ផ្លែម្នាស់៖ អ្នកជាមនុស្សមានការគិតពិចារណាល្អិតល្អន់ ជាពិសេសនៅពេលអ្នកស្ថិតនៅក្នុងដំណាក់កាលសម្រេចចិត្តអ្វីមួយ។ អ្នកជាមនុស្សឯករាជ្យ ហើយ មានភាពស្មោះត្រង់ជាមួយដៃគូរបស់អ្នកជាខ្លាំង តែអ្នកគួរឧស្សាហ៍បញ្ចេញនូវចិត្តស្រឡាញ់ឱ្យគេឯងបានដឹងផង៕
អានបន្ត៖ ជ្រើសរើសរូបនំមួយ ដើម្បីស្ទាប់ស្ទង់ពីចិត្តគំនិតខ្លួនឯងកាន់តែច្បាស់
ប្រភព៖
Nova96.9
ប្រែសម្រួល៖ Siyou Tang