ហេតុផលដែលធ្វើឲ្យអ្នកឆ្អែត លែងចង់ខ្វល់ខ្វាយការគិតអ្នកដទៃ

2020-02-13 09:40:00
ចំនួនមតិ 0 | ចំនួនចែករំលែក 0

ខ្ញុំលែងកើតទុក្ខដោយសារខ្លាចអ្នកដទៃ និយាយដើមក្រោយខ្នងទៀតហើយ គេចង់និយាយអីនិយាយទៅនោះជាសិទ្ធិរបស់គេ ជាខួរក្បាលរបស់គេដែលចង់យកមកគិត។

ពេលខ្លះពួកគេមើលឃើញកំហុសខ្ញុំ ស្តីថាឲ្យខ្ញុំ ប៉ុន្តែមិនបានយកភ្នែកទៅមើលឃើញ ឬកែកំហុសក្នុងជីវិតគេទេ។ គេគ្រាន់តែនិយាយ តែមិនបានមកផ្លាស់ប្តូរអីក្នុងជីវិតខ្ញុំដូចគ្នា។

រូបតំណាង

អ្នកខ្លះធ្វើដូចជាមិនដឹងខ្យល់ សួរជីកឫសជីកគល់ធ្វើដូចបារម្ភពីខ្ញុំណាស់ តែតាមពិតគ្រាន់តែចង់ដឹងរឿងខ្ញុំហើយយកទៅនិយាយដើមប្រាប់គេឯងតៗគ្នា។

យូរៗទៅ ខ្ញុំក៏លែងចង់ជ្រលក់ជាមួយគេអីច្រើនដែរ។ ខ្ញុំមិនមែនសុំបាយគេហូបទេ ចង់នរណានិយាយអីក៏និយាយទៅ កុំឲ្យតែពាក្យទាំងនោះមកបំបាក់ទឹកចិត្តខ្ញុំទៅបានហើយ។

រូបតំណាង

តទៅនេះ ខ្ញុំក៏មិនចាំបាច់ត្រូវនិយាយរឿងផ្ទាល់ខ្លួនរបស់ខ្ញុំឲ្យអ្នកណាដឹងដែរ មិនចង់ខាតទឹកមាត់ទៅពន្យល់បកស្រាយឲ្យគេស្តាប់ ព្រោះខ្ញុំមិនដឹងថាអ្នកទាំងអស់នោះមានបំណងអ្វីពិតប្រាកដទេ។ ខ្ញុំគ្រាន់តែដឹងថា បើពាក្យដែលគេដៀមដាមក្រោយខ្នង វាខុសពីការពិត មិនមែនជារឿងរបស់ខ្ញុំ ដូច្នេះគ្មានហេតុផលអីដែលខ្ញុំត្រូវតបតឡើយ៕

ចុចអាន៖១០រឿងមនុស្សភាគច្រើនយល់ច្រឡំ ដែលធ្វើឲ្យខ្លួនមានទុក្ខដល់ថ្ងៃស្លាប់

ប្រភព៖ Thelawofattraction ប្រែសម្រួល៖ អ៊ុង រ័ត្នបញ្ញា