តើសង្សាររបស់អ្នកមានសញ្ញាទាំង ៦នេះទេ? បើមានគួរតែប្រុងប្រយ័ត្ន

2020-01-15 02:20:00
ចំនួនមតិ 0 | ចំនួនចែករំលែក 0

ស្នេហារមែងមានការឈ្លោះប្រកែកគ្នា ឬកុហកគ្នាទៅវិញទៅមក។ ប៉ុន្តែការកុហកខ្លះ វាអាចឈានដល់ការមិនទុកចិត្តគ្នា និងបែកបាក់គ្នា។ សញ្ញាទាំង៦យ៉ាងនេះអាចជួយអ្នកឱ្យមើលដឹងពីដៃគូកាន់តែច្បាស់៖

រូបតំណាង

**១. គាត់ចាប់ផ្តើមប្លែកដាក់អ្នក**

ភាពកុហកនិងក្បត់ ច្រើនស្តែងចេញពីកាយវិការ។ ពេលខ្លះគាត់អាចនឹងឧស្សាហ៍លុបចោលការណាត់ មិនចង់ជួបមុខ និងព្យាយាមរក្សាគម្លាតរវាងអ្នកនិងគាត់។ល។ ពេលខ្លះទង្វើអស់ទាំងនេះមិនស្តែងចេញភ្លាមៗទេ ទាល់តែអ្នកព្យាយាមសង្កេតមើល។ ជាធម្មតា មនុស្សដែលធ្វើអីប្លែកៗច្រើនតែបង្កប់ន័យអ្វីម្យ៉ាង។

២. គាត់បង្ហោះនៅក្នុងបណ្តាញសង្គមផ្ទុយពីអ្វីដែលប្រាប់អ្នក

នៅពេលដែលដៃគូរបស់អ្នកប្រាប់អ្នកថាទៅកន្លែងមួយ តែផ្ទុយទៅវិញ បែរជាទៅកន្លែងផ្សេង នោះមានន័យថាគាត់អាចនឹងប្តូរគម្រោងភ្លាមៗ ឬគាត់មានចេតនាកុហកអ្នកមិនឱ្យដឹងពីកន្លែងដែលគាត់ទៅ និងមនុស្សដែលគាត់ទៅជាមួយ។

៣. គាត់និយាយថាគាត់មិនដែលកុហកទេ

មនុស្សកុហកតែងតែនិយាយថាគេមិនដែលកុហកទេ ហើយព្យាយាមប្រកែកយកឈ្នះទាំងអត់ហេតុផល។ គ្រប់គ្នាតែងតែធ្លាប់កុហក ពាក្យកុហកខ្លះគឺដើម្បីល្អទាំងអស់គ្នា តែពាក្យកុហកខ្លះទៀតគឺដើម្បីលាក់បាំងការពិតដ៏អាក្រក់។ ចំពោះពាក្យកុហកខ្លះអ្នកគួរតែឱ្យវាហួសទៅ តែពាក្យកុហកខ្លះទៀតគួរតែយកចិត្តទុកដាក់ឱ្យមែនទែន ព្រោះវាអាចប៉ះពាល់ដល់ទំនាក់ទំនងអ្នកទាំងពីរ។

៤. គាត់មិនហ៊ានមើលមុខអ្នកចំ

ការដែលមិនហ៊ានមើលមុខចំ គឺដោយសារតែគាត់មានអ្វីលាក់បាំង ឬគាត់និយាយកុហក។ គាត់ខ្លាចនៅពេលដែលគាត់មើលមុខអ្នកចំ អ្នកអាចដឹងថាគាត់កុហក ព្រោះវាអាចស្តែងចេញតាមរយៈខ្សែភ្នែក។

រូបតំណាង

៥. ចោទអ្នកថាកុហកគាត់

នៅពេលដែលគាត់ចោទអ្នកថាក្បត់ ឬកុហកគាត់រឿងដែលមិនសមទំនង នោះបានន័យថាគាត់ព្យាយាមទម្លាក់កំហុសនូវអ្វីដែលគាត់បានធ្វើ ដើម្បីបង្វែរដាន។

៦. មានគេប្រាប់ថាដៃគូអ្នកមិនស្មោះត្រង់

វាពិបាកក្នុងការជឿអ្នកដទៃថា ដៃគូរបស់អ្នកក្បត់ ព្រោះអ្នកខ្លះប្រាប់អ្នកដើម្បីបំបែកបំបាក់។ តែប្រសិនបើមានមនុស្សច្រើនប្រាប់អ្នករឿងស្រដៀងគ្នា អ្នកគួរតែពិចារណាមើល។ ពេលខ្លះអ្នកមិនអាចតាមដានសង្សាររបស់អ្នកគ្រប់ជ្រុងជ្រោយនោះទេ ៕

ចុចអាន៖

ប្រភព៖ thisisinsider ប្រែសម្រួល៖ តាន់ ច័ន្ទលក្ខិណា