សម្រាប់អ្នក single អាចធ្វើរឿង ៥ យ៉ាងនេះបាននៅថ្ងៃឆ្លងឆ្នាំខាងមុខនេះ

2019-12-23 10:30:00
ចំនួនមតិ 0 | ចំនួនចែករំលែក 0

មិនយូរប៉ុន្មានទៀតទេ គឺជិតដល់ថ្ងៃឆ្លងឆ្នាំហើយ។ ពីមួយឆ្នាំទៅមួយឆ្នាំ ពិតជាលឿនខ្លាំងមែន។ ថ្ងៃនេះ កញ្ញា សូមណែនាំដល់អ្នក single អាចធ្វើរឿងទាំង ៥ យ៉ាងនេះបានដោយមានក្តីសុខនៅថ្ងៃឆ្លងឆ្នាំ (countdown)។ ជីវិតម្នាក់ឯងមិនប្រាកដថាគ្មានក្តីសុខនោះទេ តែវាអាស្រ័យលើអ្នកចេះបង្កើតឲ្យមានសេរីភាពពេញលេញនិងឯករាជ្យលើខ្លួនឯងបានឬក៏អត់។ ហេតុដូចនេះហើយ មិត្តនារីអាចធ្វើរឿង ៥ យ៉ាងនេះបាននៅថ្ងៃឆ្លងឆ្នាំយ៉ាងមានក្តីសុខរួមមាន៖

រូបតំណាង

**១. ទៅមើលកុន**

នៅថ្ងៃឆ្លងឆ្នាំ នៅតាមរោងកុនប្រាកដជាមានរឿងជាច្រើនប្រភេទសម្រាប់ឱកាសឆ្លងឆ្នាំ។ អ្នកអាចទៅមើលកុនម្នាក់ឯងបាន ដោយជ្រើសរើសរឿងប្រភេទណាមួយដែលអ្នកចង់តាមដាន។ តែអ្នកមិនគួរជ្រើសរើសមើលរឿងបែបរន្ធត់ឡើយ ព្រោះអ្នកប្រាកដជាភ័យខ្លាច។

រូបតំណាង

២. ទៅដើរលេងជាមួយមិត្តភក្តិស្រីៗ

មុនថ្ងៃឆ្លងឆ្នាំ នៅតាមទីកន្លែងភាគច្រើនតែងមានការតុបតែងលម្អផ្សេងៗ។ ច្បាស់ណាស់ ប្រសិនបើអ្នកមិនចង់គេងនៅផ្ទះឆ្លងឆ្នាំនោះ អ្នកអាចចេញទៅដើរលេងស្រូបយកខ្យល់ឱកាស ដើរមើលគេមើលឯងដើម្បីឲ្យបានស្រឡះខួរក្បាលនិងទទួលយកទិដ្ឋភាពថ្មីមុនឆ្នាំថ្មី។

រូបតំណាង

៣. ទៅដើរទិញទំនិញ

ក្រៅពីទៅដើរលេង អ្នកក៏អាចទៅដើរលេងតាមផ្សារទំនើបនានា ដើម្បីមើលទំនិញដូចជា សម្លៀកបំពាក់ ស្បែកជើង កាបូប និងរបស់របរប្រើប្រាស់ជាច្រើនទៀតជាមួយនឹងការបញ្ចុះតម្លៃទៅតាមហាងនីមួយៗផងដែរ។

រូបតំណាង

៤. ហាត់ប្រាណ

ប្រសិនបើអ្នកមិនចង់ចេញក្រៅផ្ទះ អ្នកក៏អាចធ្វើសកម្មភាពសម្រាប់ខ្លួនឯងនៅថ្ងៃឆ្លងឆ្នាំបានដែររួមមាន រត់ ហាត់យូហ្គា រៀនរាំ និងច្រៀងចម្រៀងដែលអ្នកចូលចិត្តជាដើម។ សកម្មភាពអស់ទាំងនេះនឹងជួយអ្នកក្នុងការបំបាត់ភាពតានតឹងនិងមានអារម្មណ៍ស្រួលខ្លួនផងដែរ។

រូបតំណាង

៥. ទៅញុំាអាហារឆ្ងាញ់

សកម្មភាពចុងក្រោយនោះគឺ ញុំាអាហារឆ្ងាញ់ៗដើម្បីខ្លួនឯង។ អ្នកអាចចេញក្រៅផ្ទះដើម្បីញុំាឬក៏ទៅញុំាទៅហាងដែលអ្នកចូលចិត្តក៏បាន។ តែបើចង់ចំណាយលុយតិច អ្នកអាចធ្វើខ្លួនឯងនៅផ្ទះក៏បាន គ្រាន់តែចំណាយពេលនិងហត់បន្តិចតែប៉ុណ្ណោះ។