ឆោតបំផុតក្នុងរឿងស្នេហាគឺទទួលយកចំណងមនោសញ្ចេតនាដែលមិនច្បាស់លាស់

2019-11-26 03:25:00
ចំនួនមតិ 0 | ចំនួនចែករំលែក 0

ចំណងមនោសញ្ចេតនាដែលមិនច្បាស់លាស់គឺជាអ្វី? គឺជារបៀបដែលមិត្តភ័ក្ដិក៏មិនមែន ហើយសង្សារក៏ទៅមិនដល់។

រូបតំណាង

នោះគឺជាការទាក់ទងដែលនៅពាក់កណ្ដាល ឲ្យតែព្រលែងដៃគឺអាចរលាយនៅគ្រប់ពេលវេលា។ វាក៏ជាភាពឆោតរបស់មនុស្សស្រីដូចគ្នា នៅពេលទទួលយកចំណងមនោសញ្ចេតនាដែលមិនច្បាស់លាស់ពីបុរសណាម្នាក់។

មានមូលហតុជាច្រើនដែលធ្វើឲ្យនារីមួយចំនួនសុខចិត្តបៀមទុក្ខទទួលយកចំណងមនោសញ្ចេតនាដែលមិនច្បាស់លាស់។ និយាយឲ្យងាយស្ដាប់ គឺមនុស្សស្រីស្រលាញ់ មនុស្សស្រីខ្លាចប្រឈមនឹងភាពឯកា។ មនុស្សស្រីចង់មានមនុស្សប្រុសម្នាក់នៅក្បែរដើម្បីធ្វើជាខ្នងបង្អែក ហើយខ្លាចតែខ្លួនបោះមួយជំហានទៀតនឹងគ្មានសល់អ្វីទាំងអស់។

រូបតំណាង

នៅពេលដែលទទួលយកមនោសញ្ចេតនាបែបនេះហើយ គឺពួកគេគ្មានសិទ្ធិអ្វីទាំងអស់ រួមមានប្រចណ្ឌ គ្រប់គ្រង ហើយក៏គ្មានថ្ងៃបង្ហាញមុខជាផ្លូវការដូចគ្នា។ ដូច្នេះមនុស្សស្រីនឹងទទួលបានអ្វីមកវិញ?

ស្នេហាបែបមិនច្បាស់លាស់នេះអាចធ្វើឲ្យមនុស្សស្រីមានសុភមង្គលបានមួយគ្រា តែការពិត វានឹងនាំមកនូវភាពឈឺចាប់ច្រើនជាង។ អារម្មណ៍នៅពេលឃើញគេមានក្ដីសុខជាមួយអ្នកដទៃ ហើយមិនអាចធ្វើអ្វីបាន គឺពិបាកនិយាយខ្លាំងណាស់។ គឺជាពេលដែលប្រសិនបើគេមានសង្សារ យើងនឹងក្លាយទៅជាអ្នកទី៣។ ហើយបើគេនៅលីវវិញ គឺយើងមានឈ្មោះត្រឹមមិត្តភ័ក្ដិជិតស្និទ្ធ។

រូបតំណាង

នៅពេលដែលផុងខ្លួនចូលចំណងបែបនេះហើយ ទោះបីជាយើងរឹងមាំយ៉ាងណាក៏នឹងប្រែទៅជាហត់នឿយពេលយូរទៅ ហើយមានតែដើរដល់ផ្លូវទាល់ប៉ុណ្ណោះ។ ទទួលយកស្នេហាបែបនេះគឺប្រៀបដូចកំពុងបំផ្លាញខ្លួនឯង ដ្បិតចុងបញ្ចប់គឺគ្មានទទួលមកវិញនូវអ្វីទាំងអស់៕