ទម្លាប់គេងពេលសក់សើមនាំឲ្យមានផលវិបាក៤ យ៉ាង

2019-11-15 06:10:00
ចំនួនមតិ 0 | ចំនួនចែករំលែក 0

ក្រោយពេលងូតទឹករួចរាល់ហើយ ជឿជាក់ថាមិត្តនារីភាគច្រើនតែងតែផ្លុំសក់ឬឈ្លីសក់ឲ្យស្ងួតទើបចូលគេង។ ទន្ទឹមនឹងនេះ មានមិត្តនារីមួយចំនួនតូចនៅមិនទាន់បានដឹងពីឥទ្ធិពលមិនល្អពេលគេង ជាមួយសក់សើម។ ផលប៉ះពាល់ទាំងអស់នោះរួមមាន៖

១. ស្បែកក្បាលរមាស់នឹងអាចបណ្តាលឲ្យឆ្លងរោគ

នៅពេលអ្នកគេងនឹងសក់សើមវាបណ្តាលឲ្យរមាស់ទៅដល់ស្បែកក្បាល។ បន្ទាប់មក អ្នកក៏ចាប់ផ្តើមអេះរហូតទាល់តែអាចក្លាយជាដំបៅនៅកន្លែងណាមួយ។ ដូច្នេះហើយ សូមអ្នកធ្វើឲ្យសក់ស្ងួតសិនចាំចូលគេង។

២. អង្គែ

ការគេងជាមួយសក់សើមបណ្តាលឲ្យស្បែកក្បាលសើម លុះជារឿយៗទៅ វានឹងនាំអ្នកឲ្យកើតអង្កែ។

រូបតំណាង

**៣. ការជ្រុះសក់**

ប្រសិនជាអាច អ្នកមិនគួរកក់សក់នៅពេលយប់ឡើយ តែបើសិនជាចាំបាច់អ្នកគប្បីផ្លុំវាឲ្យស្ងួតសិនចាំចូលគេង។ តែបើអ្នកកក់សក់ហើយបែរជាមិនផ្លុំវាក៏អាចបណ្តាលឲ្យស្បែកក្បាលដុះផ្សិតបាន រួមទាំងបណ្តាលឲ្យរន្ធញើសឃាំងបង្កើតបានទៅជាអង្កែថែមទៀតផង។ លើសពីនេះ វាក៏បង្កឲ្យសក់មានភាពទន់ខ្សោយហើយក៏បណ្តាលឲ្យមានសក់ជ្រុះបានយ៉ាងងាយ។

៤. អាចកើតផ្តាសាយនិងឈឺក្បាល

បើអ្នកមិនផ្លុំសក់ឲ្យស្ងួត រួចចូលគេងក្នុងបន្ទប់ត្រជាក់ ការកើតផ្តាសាយពិតជាងាយមែនទែន។ បន្ថែមពីនេះ អ្នកក៏អាចកើតអាការឈឺក្បាលបានព្រោះនៅពេលគេងខ្លួនប្រាណរបស់អ្នកមានកម្តៅខ្ពស់ប៉ះជាមួយកម្តៅត្រជាក់របស់សក់អ្នកនោះ វានឹងនាំឲ្យអ្នកឈឺក្បាលភ្លាមៗតែម្តង។