ឧស្សាហ៍ញ៉ាំបាយហាង រត់តាមបច្ចេកវិទ្យាគឺជាមូលហេតុមួយចំនួនដែលអ្នកចាយលុយសល់ថ្ងៃ
- 2019-10-28 05:10:00
- ចំនួនមតិ 0 | ចំនួនចែករំលែក 0
ឧស្សាហ៍ញ៉ាំបាយហាង រត់តាមបច្ចេកវិទ្យាគឺជាមូលហេតុមួយចំនួនដែលអ្នកចាយលុយសល់ថ្ងៃ
កុំសួរថាហេតុអ្វី ធ្វើការដូចគ្នា តែគេម្នាក់ៗក្លាយជាអ្នកមានអស់ហើយ នៅឡើយតែយើងនៅតែលតោលម្នាក់ឯង។ ខាងក្រោមនេះគឺជាការចាយវាយដែលធ្វើឲ្យអ្នកគ្មានថ្ងៃសល់លុយ។
គេថា លុយរកមកគឺដើម្បីចាយ បើមិនដូច្នោះទេ រកមកក៏គ្មានមានន័យអ្វីដែរ។ យ៉ាងណាក្ដី ទោះបីជាដឹងថាត្រូវចាយមែនពិត តែសូមចាយដោយមានការពិចារណាផង បើមិនដូច្នោះទេ យើងនឹងមិនសល់អ្វីជាដុំកំភួនឡើយ។ ខាងក្រោមនេះគឺជាទម្លាប់ចាយលុយខ្ជះខ្ជាយដែលធ្វើឲ្យអ្នកចុងខែត្រូវញ៉ាំមី ឬដើរខ្ចីលុយចាយជាដើម។
**១. ញ៉ាំខាងក្រៅ ញ៉ាំនៅហាង**
ក្នុងករណីពិសេសៗដែលតម្រូវឲ្យយើងត្រូវញ៉ាំនៅហាងនោះ មិនថាអីទេ យ៉ាងណាក្ដីប្រសិនបើក្នុង១សប្ដាហ៍អ្នកញ៉ាំនៅខាងក្រៅច្រើនជាង២ដងនោះ អាចជាបញ្ហាមួយហើយ។ ដ្បិតការញ៉ាំខាងក្រៅ ឬការញ៉ាំនៅហាងគឺមានតម្លៃខ្ពស់ជាងការចម្អិនខ្លួនឯងច្រើន។ យើងគួរបរិភោគក្រៅតែពេលរវល់ពេកដកឃ្លាមិនរួចប៉ុណ្ណោះ។
២. ចុះឈ្មោះប្រើសេវាកម្មមិនចាំបាច់
ការចុះឈ្មោះសេវាកម្មមួយចំនួនដែលមិនចាំបាច់ក៏ធ្វើឲ្យអ្នកបាត់បង់ចំណូលមិនតិចឡើយ។ ឧទាហរណ៍ដូចជា អ្នកខ្លះចេញទៅធ្វើការពីព្រឹកទល់ព្រលប់ មកផ្ទះវិញញ៉ាំបាយហើយក៏គេងតែម្ដង តែនៅចុះឈ្មោះប្រើប្រាស់ទូរទស្សន៍ខ្សែកាប ឬអ៊ីនធឺណិតនៅផ្ទះ ដែលធ្វើឲ្យពួកគេត្រូវបង់លុយជារៀងរាល់ខែ។
៣. ឃើញគេបញ្ចុះតម្លៃមិនបាន
ការពិតការបញ្ចុះតម្លៃនេះ គ្រាន់តែជាអន្ទាក់របស់ម៉ាកយីហោនានាប៉ុណ្ណោះ ដោយភាគច្រើនអីវ៉ាន់បញ្ចុះតម្លៃទាំងនេះគឺជិតផុតដឺឡេ ឬម៉ូដចាស់ៗជាដើម។ ប្រសិនបើយើងទប់ចិត្តមិនជាប់ទេ យើងអាចជាប់អន្ទាក់បានយ៉ាងងាយ។
៤. វក់នឹងគ្រឿងបច្ចេកវិទ្យា
ការដេញតាមគ្រឿងអេឡិចត្រូនិកគឺជាទម្លាប់ដែលឆាប់អស់លុយបំផុត។ អ្នកមាននៅពេលទិញអ្វីមួយ គេតែងគិតដល់តម្លៃរបស់របស់នោះចំពោះជីវិតរបស់ពួកគេ មុនពេលដកលុយពីហោប៉ៅទិញ។ គ្រឿងបច្ចេកវិទ្យាដូចជាទូរសព្ទ គឺជារបស់ដែលត្រូវការ តែមិនចាំបាច់ត្រូវដេញតាមគ្រប់ស៊េរីនោះឡើយ បើពុំដូចនោះ អ្នកនឹងអាចជំពាក់លុយគេគ្រប់ទិសដោយសារតែរត់តាមវា៕
ចុចអាន៖ “មូលហេតុដែលខ្ញុំមិនចង់ឲ្យអ្នកខ្ចីលុយ” ផ្ញើជូនមហាមិត្តចរិតបានមួយចំនួន