“មូលហេតុដែលខ្ញុំមិនចង់ឲ្យអ្នកខ្ចីលុយ” ផ្ញើជូនមហាមិត្តចរិតបានមួយចំនួន

2019-10-22 07:30:00
ចំនួនមតិ 0 | ចំនួនចែករំលែក 0

អ្នកខ្ចីលុយខ្ញុំ១០ម៉ឺន ប្រាប់ថាស្អែកសងវិញហើយ ដល់ស្អែកឡើង អ្នកបែរធ្វើមិនដឹង ធ្វើហី ដូចអត់មានអីកើតឡើងសោះ។ ដល់ពេលខ្ញុំសាកសួរនាំពីរឿងហ្នឹង អ្នកបែរជាថាឲ្យខ្ញុំវិញថា “ម៉េចក៏ចិត្តចង្អៀតម្ល៉េះ លុយតែ ១០ម៉ឺនសោះ ធ្វើដូចរឿងធំ?” ថែមទាំងយកទៅនិយាយប្រាប់អ្នកដទៃ ឲ្យខូចឈ្មោះខ្ញុំទៀត។ ចុងក្រោយវាក្លាយជាខ្ញុំឯណេះវិញដែលចិត្តចង្អៀត អត់មានទឹកចិត្តជាមួយមិត្ត។ ឱ... អីចឹងបានបុរាណពោលថា “សាច់មិនបានស៊ីហើយ យកឆ្អឹងមកព្យួរកទៀត”។

រូបតំណាង

...

ធ្វើជាមនុស្ស សំខាន់បំផុតគឺត្រូវចេះដឹងគុណ រឭកគុណអ្នកដទៃ គេខំជួយយើង យើងគួរនឹកឃើញ ប៉ុន្តែបើមិននឹកឃើញក៏មិនអីដែរ សូមកុំឲ្យតែយកទោសទៅសងគុណគេវិញ!

...

ខ្ញុំឲ្យអ្នកខ្ចីលុយ ១លាន គេឲ្យអ្នកខ្ចី ២លាន អ្នកបែរទៅដើរនិយាយថា គេមានទឹកចិត្តឲ្យអ្នកច្រើនជាងខ្ញុំ តែអ្នកអត់ដឹងទេ ថាគេមានលុយក្នុងដៃ ១០លាន ចំណែកខ្ញុំមានតែ ១លានទេ! ...

ខ្ញុំឲ្យស្ករគ្រាប់អ្នក ១គ្រាប់ តែពេលឃើញខ្ញុំឲ្យអ្នកដទៃ ២គ្រាប់ អ្នកក៏យកទៅនិយាយប្រាប់គេឯងថាខ្ញុំនេះលម្អៀង រាប់អានប្រកាន់បក្សពួក តែអ្នកមិនដឹងទេថាគេធ្លាប់ឲ្យស្ករគ្រាប់ខ្ញុំពីរគ្រាប់ ខណៈដែលអ្នកមិនធ្លាប់ឲ្យខ្ញុំអីមួយគ្រាប់ទេ។

ឱមហាមិត្ត ដែលជួយឯងព្រោះគ្នាមានទឹកចិត្ត តែថ្ងៃក្រោយអត់បានជួយ កុំថាគ្នាអត់ចិត្ត!

ចុចអាន៖

អត្ថបទ៖ ស្វាយ វ៉ាន់ថន