កម្រងគូស្នេហ៍អាយុខុសគ្នាជាង៤០ឆ្នាំដូចតានិងចៅ ធ្វើឲ្យអ្នកលេងអ៊ីនធឺណេតគ្រវីក្បាល
- 2019-10-25 02:35:00
- ចំនួនមតិ 0 | ចំនួនចែករំលែក 0
កម្រងគូស្នេហ៍អាយុខុសគ្នាជាង៤០ឆ្នាំដូចតានិងចៅ ធ្វើឲ្យអ្នកលេងអ៊ីនធឺណេតគ្រវីក្បាល
ទោះបីជាដឹងថាស្នេហាមិនប្រកាន់អាយុទេ ប៉ុន្តែគម្លាតអាយុរវាងគូស្នេហ៍ទាំងនេះគឺធំពេក ធ្វើឲ្យពួកគេត្រូវរងការរិះគន់យ៉ាងខ្លាំង។
ពួកយើងតែងនិយាយថា ស្នេហាមិនប្រកាន់ភេទ ប្រកាន់អាយុវណ្ណៈអ្វីទាំងអស់ ឲ្យតែស្រលាញ់គ្នាពិតគឺបានហើយ។ យ៉ាងណាក្ដី មានគូស្នេហ៍មួយចំនួន មានគម្លាតអាយុខុសគ្នាឆ្ងាយពេក ដែលមើលទៅដូចជាតា និងចៅទៅហើយ ធ្វើឲ្យមនុស្សជាច្រើនមានចម្ងល់ថា តើពួកគេស្រលាញ់គ្នាពិតប្រាកដមែន ឬគ្រាន់តែចង់ល្បី។ ខាងក្រោមនេះគឺជាគូស្នេហ៍ដែលមានអាយុខុសគ្នាខ្លាំងដូចមេឃ និងដី។
១. គូស្នេហ៍ជប៉ុនស្រីអាយុ១៥ឆ្នាំ ប្រុសអាយុ៥៣ឆ្នាំ
មុននេះបន្តិច អ្នកប្រើបណ្ដាញសង្គមបានភ្ញាក់ផ្អើលជាខ្លាំង នៅពេលក្មេងស្រីម្នាក់បានប្រកាសនៅលើគណនីរបស់ខ្លួនថា កំពុងមានមនោសញ្ចេតនាជ្រាលជ្រៅជាមួយបុរសម្នាក់ដែលមានវ័យ៥៣ឆ្នាំ ពោលគឺចាស់ជាងនាង៣៥ឆ្នាំ។ តាមការចែករំលែករបស់នាង ពួកគេប្រុងរៀបការនៅឆ្នាំ២០២១ នៅពេលនាងគ្រប់អាយុ។ រូបភាពថើបគ្នារបស់អ្នកទាំង២ត្រូវគេរិះគន់មិនតិចឡើយ ដ្បិតខាងប្រុសមើលទៅមិនខុសពីតារបស់នាងឡើយ។
២. គូស្នេហ៍តៃវ៉ាន់ អាយុខុសគ្នា៣៩ឆ្នាំ
គូស្នេហ៍មួយទៀតដែលមានរូបសម្បត្តិដូចតា និងចៅគឺមកពីតៃវ៉ាន់ ដោយខាងប្រុសកើតឆ្នាំ១៩៥៧ និងខាងស្រីកើតឆ្នាំ១៩៩៦ ខុសគ្នា៣៩ឆ្នាំ។ តាមនោះដែរ ខាងស្រីគឺជាកូនស្រីម្នាក់ របស់មិត្តភ័ក្ដិខាងប្រុស ដែលធ្វើឲ្យគេរិះគន់រឹតតែខ្លាំង។ ខាងស្រីក៏ទទួលស្គាល់ផងដែរថា ស្នេហារបស់ពួកគេគ្មានអ្នកណាគាំទ្រឡើយ។ យ៉ាងណាក្ដី ក្រោយស្រលាញ់គ្នា៦ឆ្នាំ ពួកគេនៅតែផ្អែមល្ហែមដដែរ។
៣. គូស្នេហ៍ហ្វីលីពីន អាយុខុសគ្នា៤១ឆ្នាំ
ថ្មីៗនេះដែរ អ្នកប្រើបណ្ដាញសង្គមបានភ្ញាក់ផ្អើលដូចគ្នា នៅពេលទើបតែរកឃើញគូស្នេហ៍ដែលមានអាយុខុសគ្នាដល់ទៅ៤០ឆ្នាំ ដោយខាងស្រីវ័យ១៩ និងខាងប្រុសវ័យ៦០។ ក្រោយពេលរូបភាពស្អិតរមួតរបស់ពួកគេត្រូវបានចែករំលែកលើបណ្ដាញសង្គម មនុស្សជាច្រើនបានគ្រវីក្បាលដោយគិតថា អាយុនេះគឺហួសហេតុពេកហើយ បែបគ្រាន់តែចង់ល្បីនោះទេ មិនមែនស្រលាញ់ពិតប្រាកដឡើយ។ ប្រឈមនឹងពាក្យទាំងនេះ គូស្នេហ៍មកពីហ្វីលីពីន មិនបានឆ្លើយតបឡើយ៕
ចុចអាន៖ សុខចិត្តអត់សើច អត់ញញឹម៤០ឆ្នាំ ព្រោះខ្លាចមានស្នាមជ្រួញ